1 Samuel 15:2-8
2 a– Ордуларнынъ РАББИси бойле дей: «Мен, Исраиль Мысырдан чыкъкъанда, амалеклилер онынъ ёлуны къапаткъаныны эследим. 3Энди бар да, амалеклилерге уджюм эт, онынъ эр бир шейини ёкъ эт. Оларны аджыма. Акъаймы, апаймы, генчми, къундакътаки баламы, бугъамы, къоймы, девеми, эшекми, – эписини ольдюр». 4 bШаул халкъыны Телаимде топлады ве 200 000 джаяв аскер ве 10 000 ехудалыларны эсаплады. 5Сонъ Шаул амалеклилернинъ шеэрине къадар кетип, вадийде сакъланып бекледи. 6 cШаул кенлилерге: – Амалеклилерден кетинъиз, мен оларнен берабер сизлерни де ольдюрмейим, чюнки сиз, исраиллилер Мысырдан кеткенде, оларгъа мерамет эйлединъиз, – деди. Ве кенлилер амалеклилерден айырылдылар. 7 dШаул амалеклилерни Хавиладан, Мысырдан шаркъта олгъан Шургъа къадар къырды. 8 eАмалеклилернинъ падишасы Агъагъны тирилейин тутты, лякин халкъыны къылычнен урып ольдюрди.
Copyright information for
CrhCTB