1 Samuel 5
Васиет Сандыгъы – фелестинлилер ичюн лянет
1 aФелестинлилер Алланынъ Сандыгъыны алдылар ве оны Эвен-Хаэзерден Ашдодгъа кетирдилер. 2 bАлланынъ Сандыгъыны алып, Дагон ▼▼Дагон – фелестинлилер табынгъан пут.
путханесине кирсетти ве оны Дагон путнынъ янына къойдылар. 3 dЭртеси куню ашдодлылар саба турып, бакъсалар, Дагон ерге авдарылып, РАББИнинъ Сандыгъы огюнде ята. Олар Дагонны алып, кене озь ерине къойдылар. 4 eЭртеси куню кене саба турып, бакъсалар, Дагон ерде бети устюнде РАББИнинъ Сандыгъы огюнде авдарылып ята. Дагоннынъ башы ве къоллары парчаланып, босагъада айры-айры яталар, Дагоннынъ тек кевдеси къалгъан. 5 fШунынъ ичюн Дагонгъа табынгъан руханийлер ве Ашдод путханесине кельгенлер бугуньге къадар Дагон путханесининъ босагъасыны басмайлар. 6РАББИ ашдодлыларгъа пек гъазапланды. Ашдодда ве этрафларында яшагъанларны къырып, оларны азап кетирген шишиклернен джезалады. 7Ашдодлылар бойле шей олгъаныны корип: – Исраиль Алласынынъ Сандыгъы бизде къалмасын, чюнки Онынъ гъазабы бизге де, бизим алламыз Дагонгъа да пек къатты тие, – дедилер. 8Бутюн Фелестин башлыкъларыны чагъыртып топладылар ве: – Исраиль Алласынынъ Сандыгъына не япайыкъ? – деп сорадылар. – Исраиль Алласынынъ Сандыгъы Гъаткъа кечсин, – деп джевап бердилер олар. Сонъ Исраиль Алласынынъ Сандыгъыны алып, Гъаткъа кетирдилер. 9Оны анда кетирген сонъ, РАББИ Гъат шеэрине пек гъазапланды – дешетли къоркъунен къоркъузды, ве Гъат сакинлерининъ, кучюк олсун, буюк олсун эписининъ беденлеринде азаплы шишиклер пейда олды. 10Олар Алланынъ Сандыгъыны Экронгъа йибердилер. Алланынъ Сандыгъы Экронгъа кельген сонъ, экронлылар яйгъара къопарды ве: – Исраиль Алласынынъ Сандыгъыны мында кетирип, бизни ве бизим халкъымызны ольдюрмек истейлер, – дедилер. 11Бутюн Фелестин башлыкъларыны чагъыртып топладылар ве: – Исраиль Алласынынъ Сандыгъыны къайтарып йиберинъиз. Алла бизни ве халкъымызны ольдюрмесин деп, Сандыкъ озь ерине къайтсын, – дедилер. Шеэрни олюм къоркъусы сарды. РАББИнинъ гъазабы пек къатты эди. 12Ольмегенлернинъ беденлерини шишик басты, яйгъаралары тап коклерге барып етти.
Copyright information for
CrhCTB