a Фаал 15.22; 17.1; 1 Пётр 5.12; 2 Тес 1.1
b Эф 5.20; 2 Тес 1.3; 2.13
c2 Пётр 1.10
dФаал 20.18
eФаал 13.52; 17.5-10; 1 Кор 4.16; 11.1; 2 Тес 3.7
fФаал 14.15
gМт 3.7; Рим 5.9; 1 Кор 1.7; 1 Тес 2.16; 5.9; 2 Тес 1.10

‏ 1 Thessalonians 1

Тессалоникелилернинъ яшайышы ве иманы

1 aПавел, Силуан ве Тимотей –

Тессалонике шеэриндеки Алла Бабанынъ ве Рабби Иса Месихнинъ иманлылар джемиетине:

Сизлерге эйилик ве аманлыкъ олсун!

2 bДуваларымызда сизлерни унутмайып, биз эпинъиз ичюн эр вакъыт Аллагъа шукюр этемиз, 3сизинъ иманнен ишлеринъизни, севгинен арекетлеринъизни ве Раббимиз Иса Месихке умютнен олгъан сабырынъызны Алланынъ ве Бабамызнынъ огюнде эр заман акъылда тутамыз. 4 cАлла севген дин къардашларым, биз билемиз ки, сизни Алла сайлады, 5 dчюнки Къуванчлы Хаберимиз сизлерге тек сёзлернен дегиль, къудретнен ве Мукъаддес Рухнен, толу эминликнен кельди. Биз сизинъ аранъызда насыл адамлар олгъанларымызны озьлеринъиз билесиз. 6 eСизлер чокъ белягъа огърагъан олсанъыз да, Мукъаддес Рухтан къуванч алып, Алланынъ Сёзюни къабул эттинъиз ве бизни ве Раббини орьнек этип алдынъыз, 7шунынънен Македония ве Ахая виляетлериндеки бутюн иманлыларгъа орьнек олдынъыз. 8Сизинъ ярдымынъызнен Раббининъ Сёзю ялынъыз Македония ве Ахаяда дегиль, сизинъ Аллагъа олгъан иманынъызнынъ шурети эр ерде даркъалды. Шунынъ ичюн энди бизге бир шей айтмагъа керекмей. 9 fОлар озьлери, сиз бизни насыл къаршылагъанынъызны ве сиз насыл этип путлардан вазгечип, Аллагъа кельгенинъизни айтып берелер. Сиз Тири ве Акъикъий Аллагъа хызмет этмеге 10 gве Онынъ олюлерден тирильген Огълунынъ коклерден келеджегини, Алланынъ келеяткъан гъазабындан бизни къуртаргъан Исаны беклемеге башладынъыз.
Copyright information for CrhCTB