1 Timothy 6
1 aКъулларнынъ эписи озь эфендилерини эр вакъыт урьмет этсинлер. О вакъыт адамлар Алланынъ Адыны ве огретювини яманламаз. 2 bЭгер бир къулнынъ эфендиси иманлы олса, эфендиси дин къардашы олса да, къул онъа урьмет косьтерсин. Къуллар даа чокъ тырышып, хызмет этсинлер, чюнки иманлы ве севимли дин къардашлары бу хайырлы хызметтен файда корелер. Буны огрет ве буюр.Бош давалар акъкъында
3 cБашкъаджа огреткен ве Раббимиз Иса Месихнинъ яхшы сёзлерине ве акъикъий дин огретювине къулакъ асмагъан адам 4 dкъопайдыр ве ич бир шей анъламай. Ойле адам даваларны ве сёз къавгъаларыны севе, бундан исе пахыллыкъ, къавгъа, яманлав ве ялан шубелер келелер. 5 eАкъылы бозукъ, акъикъаттан четте къалгъан адамлар эр вакъыт къавгъалашалар, динден акъча къазанмакъ истейлер.Тимотейге насиатлар
6 fКерчектен де, Аллагъа инанмакънынъ ве озь яшайышындан разы олмакънынъ буюк файдасы бар. 7 gБиз дюньягъа ич бир шей кетирмедик ве ондан ич бир шей алып кетип оламамыз. 8 hБизим ашымыз ве урбамыз олса, ондан разы олайыкъ. 9 iЗенгин олмагъа истегенлер сынавларгъа ве къапкъангъа тюшелер, чокъ бош ве зарарлы истеклерге бойсуналар, ве бу истеклер адамларны олюмге ве эляк чукъурына ёллай. 10 jАкъчагъа севги – эр тюрлю яманлыкънынъ себебидир. Базылары акъча севгисине берилип, имандан вазгечтилер ве озьлерини чокъ азапларгъа огъраттылар. 11 kСен исе, Алланынъ адамы, олардан къач. Инсафлыкъ, диндарлыкъ, иман, севги, сабыр ве алчакъгонъюлликке ынтыл. 12 lИман курешинде джан-юректен арекет эт, эбедий омюрни къатты тут. Алла сени шунъа чагъырды, ве сен чокъ шаатларнынъ огюнде иманынъны ачыкътан бильдирдинъ. 13 mЭписине омюр берген Алланынъ огюнде ве Понтий Пилаткъа Озь иманыны ачыкътан косьтерген Иса Месихнинъ огюнде санъа буюрам: 14Раббимиз Иса Месих корюнмегендже, бу эмирни къусурсызлыкънен бутюнлей беджер. 15 nИса Месихнинъ келювини исе макътавгъа ляйыкъ бирден-бир Укюмдар, падишаларнынъ Падишасы, эфендилернинъ Эфендиси вакъты-саатинде косьтерир. 16Олюмсизликнинъ Саиби тек Одыр; О, якъынлашылмаз ярыкъта булуна, Оны ич бир адам корьмеген эм де корип оламай. Онынъ урьмети ве къудрети эбедийдир! Амин. 17 oБу дюньядаки зенгин адамларгъа буны буюр: олар гъурурланмасын, келип-кеткен зенгинликке дегиль, Аллагъа умют багъласынлар. О, бизге эр шейни бизим кейфленювимиз ичюн бол-бол бере. 18 pБайлар яхшы ишлернен зенгин олсунлар, джумерт олмагъа ве пайлашмагъа азыр олсунлар, 19эбедий омюрге иришмек ичюн, озьлерине келеджекте яхшы бир темель оладжакъ хазинени топласынлар. 20 qЭй, Тимотей, санъа ишанып берильгенни сакълап тут. Бош алласыз лафлардан ве «бильги» адландырылгъан яланджы фикирлерден узакълаш. 21 rБазылары бу фикирлерге берилип, иман ёлундан урулдылар. Эйилик сизнен олсун!
Copyright information for
CrhCTB