a Кол 1.27
b Фаал 16.1; 2 Юх 1.3; Флп 2.22; 2 Тим 1.2
c1 Тим 4.7; 2 Тим 4.4; Тит 1.14; 3.9
dРим 12.9; 2 Тим 2.22
e1 Тим 6.21; Тит 1.10
f Рим 7.16
gГал 5.23
hТит 1.3
i Фаал 9.22; Флп 4.13
jФаал 3.17; 8.3
kРим 5.20
l Мт 9.13; Мк 2.17; 1 Тим 3.1; 4.9; 2 Тим 2.11; Тит 3.8
m 2 Кор 10.4; 1 Тим 4.14; 2 Тим 2.2-4
n1 Кор 5.5; 2 Тим 2.17; 4.14

‏ 1 Timothy 1

Селямлашув

1 aПавел, Иса Месихнинъ эльчиси (Къуртарыджымыз Алланынъ ве умютимиз Иса Месихнинъ истегинен мен эльчи олдым), –

2 bТимотейге, иманда акъикъий огълума:

Алла Баба ве Раббимиз Иса Месих санъа эйилик, мерамет ве тынчлыкъ-аманлыкъ берсин!

Ялан огретювлерден сакът ол

3Мен Македониягъа кеткенде, санъа айтып къандырдым: Эфес шеэринде къал да, базы адамларгъа ялан огретювлерини даркъатмамагъа буюр, 4 cолар эфсанелернен ве сонъу олмагъан несиллернинъ джедвеллеринен огърашмасынлар. Бойле шейлер бош тюшюнджелерге себеп олалар, Алланынъ иман ишине ярдым этмейлер. 5 dОгретювимизнинъ ниети – саф юрек, яхшы видждан, акъикъий иман ве олардан кельген севгидир. 6 eБазы адамлар булардан узакълашып, бош лафларгъа баткъанлар. 7Олар Къанун оджалары олмагъа истейлер, амма озьлери не айткъанларыны, не тасдыкъ эткенлерини бильмейлер.

8 fБиз исе билемиз ки, Къанун яхшы, амма оны догъру къулланмакъ керек. 9 gБелли олсун ки, Къанун инсафлы адамлар ичюн дегиль, бойле адамлар ичюн берильди: къанунсыз яшагъанлар ве Къанунгъа бойсунмагъанлар, имансызлар ве гунакярлар, яманлар ве динсизлер, ана я да бабасыны ольдюргенлер, къатиллер, 10ороспулар ве апай ерине акъайнен яткъан акъайлар, адамларны хырсызлап саткъанлар, яланджылар, ялан шаатлар ве сагълам огретювге къаршы чыкъкъанлар ичюн берильгендир. 11 hБунынъ эписи Мубарек Алла манъа ишанып берген шуретли Яхшы Хаберге догъру келе.

Алланынъ мерамети ичюн шукюр этюв

12 iМанъа къувет берген Раббимиз Иса Месихке шукюр этем, чюнки О, мени ишанчлы адам деп сайып, манъа бу хызметни авале этти. 13 jМен эвельден Оны яманлагъан, залым, джан агъырткъан адам эдим. Лякин манъа мерамет костерильди, чюнки буны бильгисизликтен ве имансызлыкътан япа эдим. 14 kРаббининъ эйилиги манъа бол тёкюльди, ве онен берабер Иса Месихте тапылгъан иман ве севги кельди.

15 lИса Месих гунакярларны къуртармакъ ичюн дюньягъа кельди, мен исе – гунакярларнынъ биринджисим! Бу сёзлер догъру, ве оларны къабул этмеге ляйыкътыр. 16Амма Иса Месих эписинден эвель манъа буюк сабыр косьтерсин деп, манъа мерамет этильди. Шу Онъа иман этеджеклерге, эбедий омюр тападжакъларгъа орьнек олсун. 17Асырларнынъ Падишасына, эбедий яшайджакъкъа, козьнен корюльмегенге, бирден-бир Аллагъа эбедиен шан-шурет олсун! Амин.

18 mОгълум Тимотей, эвельден сенинъ акъкъынъда айтылгъан пейгъамберликлерни акъылда тутып, санъа буны буюрам: пейгъамберликлерге коре, яхшы аскер киби, дженк эт, 19иманны ве видждан темизлигини сакъла. Базылары шуны четке чектилер, ве оларнынъ иманы, денъизде геми киби, къазагъа огърады. 20 nХименай ве Эскендер оларнынъ арасында. Алланы яманламамагъа огретсинлер деп, мен оларны Шейтангъа бердим.
Copyright information for CrhCTB