aУзеир 6.10
b1 Тим 5.4
cЕхез 18.23; 33.11; 2 Пётр 3.9; Тит 1.2; 2.11
dГал 3.20
eМт 20.28; Тит 1.3
fФаал 9.15; Рим 1.5; 9.1; 2 Кор 11.10; Эф 3.7-8; Гал 1.15-16; 2 Тим 1.11
g1 Пётр 3.3-4
hТит 2.5
i1 Кор 14.34
jБаш 2.7, 22
kБаш 3.6, 13; 2 Кор 11.13

‏ 1 Timothy 2

Дувалар акъкъында

1Эр шейден эвель, мен буны буюрам: адамларнынъ эписи ичюн дувалар окъумакъ, истеклерни беян этмек, ялвармакъ, эр бир адам ичюн, 2 aпадишалар ве укюмдарлар ичюн шукюр этмек керек. О вакъыт биз тынч ве раат яшармыз, Алланы урьмет этип, намуслы олурмыз. 3 bБу яхшыдыр, ве Къуртарыджымыз Алла бундан разыдыр. 4 cО, эписи адамларнынъ къуртуладжагъыны ве акъикъатны биледжегини истей. 5 dАлла – бирдир, ве Алланен адамларнынъ арасында бир ишанчлы адам бар. Бу адам – Иса Месихтир. 6 eО, эписи адамлар ичюн Озюни одеме оларакъ берди. Шу, озь вакъты-саатинде кельген шаатлыкъ олды. 7 fМен исе бунынъ хаберджиси ве эльчиси, тюрлю халкъларгъа иман ве акъикъатны огретмек ичюн оджа олып тайинлендим. Акъикъатны айтам, ялан айтмайым.

8Бойледже, шуны истейим: акъайлар эр ерде ачувсыз ве къавгъасыз, диндарлыкънен къолларыны котерип, дува окъусынлар. 9 gКъадынлар да, алчакъгонъюлли ве эдепли олып, саде урба кийсинлер, озьлерини сачларынынъ орювинен, алтыннен, инджилернен я да паалы урбаларнен яраштырмасынлар, 10амма озьлерини хайырлы ишлернен яраштырсынлар, чюнки Алланы урьмет эткен къадынларгъа бойле шейлер ляйыкътыр. 11 hКъадын тынч олсун, онъа айтылгъан лафны динълесин ве огренсин. 12 iМен къадынларгъа не огретмеге, не акъайгъа башлыкъ олмагъа разылыкъ бермейим. Къадын сесини чыкъармасын. 13 jАлла биринджи Адемни, сонъ Аваны яратты. 14 kВе Адем алданмады, къадын исе алданды ве ёлдан урулды. 15Амма, эгер къадынлар иманнен, севгинен ве азизликнен озюни къолда тутып яшасалар, бала догъып, къуртуладжакълар.
Copyright information for CrhCTB