a 3 Пад 11.40
b2 Тар 11.5-12
c 3 Пад 12.22; 2 Тар 11.2
d Чыкъ 9.27
e 3 Пад 10.17
f 2 Тар 19.3
g 3 Пад 12.22; 2 Тар 9.29; 11.2; 12.5; 13.22

‏ 2 Chronicles 12

Реховоам Раббиден юзь чевире, ве мысырлылар онъа уджюм этелер

1Реховоам кучьке кирип, онынъ падишалыгъы пекинген сонъ, о ве онен берабер бутюн Исраиль де РАББИнинъ Къанунындан вазгечти.

2 aРеховоам ве халкъы РАББИден вазгечкенлери ичюн, Реховоам падишалыгъынынъ бешинджи йылында Мысыр падишасы Шишакъ Ерусалимге уджюм этти. 3Шишакънынъ ордусында 1 200 дженк арабасы ве 60 000 атлы аскери бар эди. Онен берабер Мысырдан ливиялылар, сукхийлилер ве хушлулар кельди. Бу халкънынъ сайысы-эсабы ёкъ эди. 4 bШишакъ Ехуданынъ пекитильген шеэрлерини басып алды ве Ерусалимге якъынлашты.

5 cБу вакъыт Шишакътан сакъланып Ерусалимде топлашкъан Реховоам ве Ехуда башлыкъларына Шемая пейгъамбер кельди. О оларгъа:

– РАББИ бойле дей: «Сизлер Мени къалдырдынъыз. Мен де сизлерни Шишакънынъ къолуна къалдыраджагъым», – деди.

6 dИсраильнинъ башлыкъларынен падиша боюн эгди ве:

– РАББИ адалетлидир, – деди.

7РАББИ оларнынъ боюн эггенлерини корип, Шемаягъа бойле деди:

– Олар боюн эгдилер. Шунынъ ичюн Мен оларны ёкъ этмем. Якъын вакъытта оларны къуртарырым. Озюмнинъ гъазабымны Шишакъ аркъалы Ерусалимге тёкмем. 8Лякин олар Шишакъкъа хызмет этеджеклер. Манъа хызмет этмекнинъ ве башкъа падишалыкъларгъа хызмет этмекнинъ арасындаки фаркъны анъласынлар.

9 eМысыр падишасы Шишакъ Ерусалимге кирди ве РАББИнинъ Сарайындан ве падиша сарайындан къыйметли шейлерни алды. О, эр шейни алды, Сулейман яптыргъан алтын къалкъанларны да алды. 10Реховоам падиша оларнынъ ерине бакъыр къалкъанларны яптырды ве оларны падиша сарайынынъ къапусыны къаравуллагъан сакъчыларнынъ башлыкъларына берди. 11Падиша РАББИнинъ Сарайына киргенде, сакъчылар къалкъанларны алып келе эдилер, сонъ исе сакъчыларнынъ одасына къайтара эдилер.

12 fРеховоам боюн эгген сонъ, РАББИ Озь ачувыны кести, ве О, Реховоамны бутюнлей ёкъ этмеди. Ехудада яхшы шейлер де япыла эди.

Реховоам падишалыгъынынъ нетиджелери

13Падиша Реховоам Ерусалимде къавийлешти ве падишалыкъ япты. Реховоам падиша олгъанда, о, 41 яшында эди. О, Ерусалимде 17 йыл девамында падишалыкъ япты. Анда РАББИнинъ Намы булунсын деп, РАББИ бу шеэрни Исраильнинъ бутюн къабилелерининъ шеэрлери арасындан сайлады.

Онынъ анасынынъ ады аммонлы Наама эди.

14Реховоам джан-юректен РАББИни къыдырмады, о, яманлыкъ япты.

15 gРеховоамнынъ ишлери, башындан сонъунадже, Шемая пейгъамбернинъ китабында ве гизли шейлерни бильген Иддонынъ язысында, несиллернинъ джедвелинен берабер язылгъандыр. Реховоам ве Еровоам бутюн омюрлери бою бири-биринен дженк эте эдилер.

16Реховоам бабаларына къошулды ве Давут Шеэринде дефн этильди. Онынъ ерине огълу Авия падиша олды.
Copyright information for CrhCTB