a Мт 11.29
b1 Кор 4.21; 2 Кор 13.2, 10
c2 Кор 6.7; Эф 6.11
d 1 Кор 3.23; Гал 3.29
e2 Кор 13.10
f1 Кор 1.17
gЙрм 9.23-24; 1 Кор 1.31
hРим 2.29; 1 Кор 4.5

‏ 2 Corinthians 10

Павел озь хызметини къорчалай

1 aМен, Павел, сизинъ аранъызда юваш, сизден узакъта исе джесюр олып, шимди сизлерге Месихнинъ алчакъгонъюллиги ве йымшакълыгъынен мураджаат этем. 2 bБазы адамлар, биз озь истеклеримизге коре яшаймыз, деп саялар. Сизге бараджакъ вакъытта мен оларнен джесюр ве къатты сёзлернен лаф этмеге ниетленем. Лякин сизден ялварып сорайым, буны япмагъа мени меджбур этменъиз! 3Биз бу дюньяда яшасакъ да, дюньяда дженк эткенлери киби дженк этмеймиз. 4 cБиз бу дюньянынъ къуветлеринен дегиль, Алланынъ къуветлеринен дженк этемиз. Алланынъ къувети къавий къалелерни йыкъып ола, ве онынъ ярдымынен биз эр бир фикирни ве 5Алланынъ бильгисине къаршы баш котерген эр бир къопайлыкъны ёкъ этемиз, эр бир ниетни эсирге аламыз ве Месихке бойсундырамыз. 6Сизлер Месихке бутюнлей берильген сонъ, биз эр бир исьянджыны джезаламагъа азыр олурмыз.

7 dСизлер тек корюнген шейлерге бакъасынъыз. Эгер бир адам озюни Месихке инангъан адам деп сайса, о, шуны акълында тутсун: о, Месихнинъ тарафдары насыл олса, бизлер де Месихнинъ тарафдары оламыз. 8 eРабби бизге сизинъ иманынъызны ёкъ этмеге дегиль, оны къавийлештирмеге акъкъыны берди. Мен бунынъ акъкъында не къадар чокъ макътансам да, масхара олмам. 9Мектюплеримнен сизлерни къоркъутмагъа истемейим. 10 fБазылары: «О, мектюплеринде серт ве кучьлю, амма озю къуветсиз ве сёзге уста дегиль», – дейлер. 11Бойле айткъанлар шуны бильсинлер ки, биз узакъта, мектюплеримизде насыл олсакъ, янынъызгъа кельгенде де ойле олурмыз.

12Базылары озьлерини макътайлар, биз оларнен берабер турмагъа я да озюмизни оларнен ольчештирмеге ич истемеймиз! Олар акъылсыз олып, озьлери озьлерине къыймет кеселер, озьлеринен тенъештирелер. 13Амма биз къарарсыз макътанмайджакъмыз. Алла бельгилеген къарар ичинде макътанаджакъмыз. Аранъыздаки хызметимиз – онынъ къысмыдыр. 14Биз янынъызгъа бармагъанлар киби дегильмиз. Биз озюмиз сизге Месих акъкъында Къуванчлы Хаберни алып кетирдик. 15Биз къарарсыз макътанмаймыз, башкъаларнынъ ишинен де макътанмаймыз. Амма умют этемиз ки, иманынъыз къатты олгъан сайын, аранъыздаки хызметимиз де, бизге берильген къарардан чыкъмайып, даа зияде артаджакъ. 16О вакъыт сизлерден узакъ ерлерде де Къуванчлы Хаберни даркъатаджакъмыз ве, базылары эткени киби, башкъалары япкъан хызметинен макътанмайджакъмыз. 17 gМакътангъан адам Раббинен макътансын. 18 hОзюни макътагъан дегиль, Рабби макътагъан адам урьметке ляйыкътыр.
Copyright information for CrhCTB