a Фаал 18.27; 1 Кор 16.3
bЧыкъ 24.12; 31.18; Текр 6.6; Еш 51.7; Йрм 31.33
cЙрм 31.31; Лк 22.20; Юх 6.63; Рим 2.27; Эф 3.7; Кол 1.23
d Чыкъ 34.29-35
eМк 6.52; Фаал 15.21
fЧыкъ 34.34
gЮх 4.24; 8.32; Якъ 2.12; 1 Пётр 2.16; Рим 6.18; 1 Кор 7.22; Гал 5.1
h1 Юх 3.2; Рим 8.29; Флп 3.21

‏ 2 Corinthians 3

Янъы васиетнинъ хызметчилери

1 aБиз ким олгъанымыз акъкъында сизлерге айтмагъа кереги ёкъ. Сизлерге кельгенлерден базылары озьлерини макътагъан мектюплерни кетирелер, базылары исе ойле мектюплерни сизлерден алалар. Бизге исе ойле мектюплер керекмей.

2Бизни макътагъан мектюбимиз – сизлерсинъиз. Бу мектюп бизим юрегимизге язылгъан, ве оны бутюн адамлар таный ве окъуй. 3 bАчыкътан корюнип тура ки, сизлер – бизим хызметимиз аркъалы язылгъан Месихнинъ мектюбисинъиз. Бу мектюп къалемнен дегиль, Тири Алланынъ Рухунен язылгъан, тегиз ташларда дегиль, адамларнынъ юреклеринде язылгъандыр.

4Биз бунъа Месихнинъ ярдымынен Алланынъ огюнде ишанамыз. 5Бизим озюмизде ич бир шейге къабилиетимиз ёкъ, бу шей бизден чыкъмай. Бизим къабилиетимиз – Алладандыр. 6 cО, бизге янъы васиетнинъ хызметчилери олмагъа къабилиетини берди. Бу васиет язылгъан къанунларгъа дегиль, лякин Алланынъ Рухуна таяна, чюнки язылгъан къанунлар адамларны олюмге алып келе, Рух исе омюр багъышлай.

7 dТашларда язылгъан Къанун адамларгъа олюм кетирсе де, онынъ хызмети ойле бир шуретнен башлангъан эди ки, атта Исраиль халкъы Мусанынъ шурет сачып (чокъ вакъыт олмаса да) тургъан юзюне бакъып оламай эдилер. 8Рухнынъ хызмети исе даа шуретли олур! 9Гунакярларны къабаатлагъан хызмет шуретли олса да, гунакярларны акълайджакъ хызмет ондан даа чокъ шуретлидир! 10Шуретли сайылгъан шейнинъ шурети ёкъ олды, чюнки ондан даа шуретли олгъаны пейда олды. 11Вакътынджа олгъан шей шуретнен кельген, лякин эбедий булунаджакъ шей даа шуретли олур!

12Ойле умютнен биз ачыкъ-айдын арекет этемиз, 13Мусанынъ япкъаныны япмаймыз. Исраиль халкъы шуретнинъ сёнгенини корьмесин деп, Муса озь бетини орьтюнен къапата эди де. 14 eЛякин оларнынъ акъыллары кёр олды, ве Эски Васиетни окъугъан вакъытта о орьтю бугуньге къадар акъылларыны къапатып тура, чюнки орьтюни тек Месих алып четке ташламакъ мумкюн. 15Шимдигедже, Мусанынъ китабыны окъугъан вакъытта орьтю оларнынъ юреклерини къапатып тура. 16 fАмма бирев Раббиге айлангъанда, бу орьтю ачыла. 17 gРабби – Рухтыр. Раббининъ Руху къайда олса, о ерде азатлыкъ бар. 18 hБиз эпимиз ачыкъ бетнен Раббининъ шуретине бакъамыз, оны, кузьгю киби, косьтеремиз ве шуретимизни чокълаштырып, Раббининъ Рухунен Онъа ошап денъишемиз.
Copyright information for CrhCTB