‏ 2 Corinthians 6

1 ^aАлланынъ ишдешлери олып, сизге Онынъ эйилигини бошуна къабул этмемеге ялварамыз. 2 ^bЧюнки Алла шойле дей: «Келишикли вакъытта сени эшиттим, о куню санъа ярдым бердим, сени къуртардым».

Мына энди келишикли вакъыт кельди! Мына энди къуртулыш куню кельди!

3Ич кимсе хызметимизни яманламасын деп, биз бир кимсенинъ джаныны агъырткъан ич бир шейни япмамагъа тырышамыз 4 ^cве эр бир алда Алланынъ хызметчилери олгъанымызны косьтеремиз: беляларда, хор-факъыр олгъанымызда, къыйын вакъытта чокъ сабыр этемиз, 5котек ашагъанымызда, зынджырларда отургъанымызда, бизге къаршы чыкъкъанларгъа котерильгенимизде, агъыр иш эткенимизде, юкъусыз олгъанымызда, аштан-сувдан вазгечкенимизде, хызмет этемиз. 6Биз анълавнен темиз яшайыш кечиремиз, чокъ сабыр этемиз, эйилик япамыз, Мукъаддес Рухкъа ишанамыз, саф юрекнен севемиз, 7 ^dдогърусыны айтамыз, Алланынъ къудретине таянамыз, къолларымыздаки силя – бизим догърулыгъымыз. 8 ^eБизни урьмет ве масхара этелер, яманлайлар ве макътайлар. Бизни яланджы деп саялар, амма биз догърусыны айтамыз. 9 ^fБиз белли дегильмиз, амма бизни таныйлар. Бизни ольген деп саялар, амма мына, биз тиримиз. Бизни джезалайлар, амма биз ольмеймиз. 10 ^gБизни ынджыталар, амма биз эр вакъыт къуванамыз. Озюмиз фукъаремиз, амма чокъ адамларны бай этемиз. Ич бир шейимиз ёкъ, амма эр шей бизимкидир.

11Эй, коринтлилер, сизлернен ачыкъ-айдын лаф этемиз, сизни бутюн юрекнен севемиз. 12Биз сизлерге юреклеримизни ачтыкъ, сиз исе юреклеринъизни къапалы тутасыз. 13 ^hБалаларыма киби айтам: биз сизлерни севгенимиз ичюн, сизлер де бизге юреклеринъизни кенъдже ачынъыз.

Ярыкънынъ къаранлыкънен бирлиги ёкъ

14 ⁱИмансызларнен берабер бир боюндырыкъ тюбюне кирменъиз. Инсафлыкънен къанунсызлыкъ арасында насыл алякъа бар? Ярыкънен къаранлыкъ арасында насыл бирлик олмакъ мумкюн? 15 ^jМесихнен Белиар ▼

▼Я да «Белиал». Шейтаннынъ даа бир ады.

арасында насыл разылыкъ ола биле? Иманлынен имансыз арасында насыл бирлик олмакъ мумкюн? 16 ^lАлланынъ Сарайынен путлар арасында насыл алякъа бар? Сизлер исе – Тири Алланынъ Сарайысынъыз. Алла бойле деди: – Мен сизинъ ичинъизде яшайджагъым, аранъызда юреджегим, сизинъ Алланъыз оладжагъым,
сиз исе Меним халкъым оладжакъсынъыз.
17 ^mШунынъ ичюн оларнынъ арасындан чыкъынъыз, олардан айрылып кетинъиз, – дей Рабби.
– Арам шейлерге токъунманъыз.
О вакъыт Мен сизлерни къабул этерим, ⁿсизлерге Баба олурым.
Сизлер Меним огъул ве къызларым олурсыз, – дей Къудретли Рабби.
18