‏

Бу мектюп Алла сайлагъан ханымгъа ве онынъ балаларына язылгъан; бойле кинаенен бир месихчи джемиети ве онынъ азалары адландырылгъан.

Биринджи мектюбинде киби, Юхан окъуйыджыларны акъикъат ве севгиге коре яшамагъа къандыра. О, даа Иса Месих акъкъында янълыш огретювден сакъынмагъа тенбиелей. Акъикъат ве севги акъкъында (1 б.).

‏ 2 John

Селямлашув

1 ^aАкъсакъал –

Сайлангъан ханымгъа ве онынъ балаларына (мен оларны акъикъатта севем, эм ялынъыз мен дегиль де, акъикъатны бильгенлернинъ эписи оларны севелер, 2чюнки акъикъат ичимизде яшай ве эбедиен бизнен оладжакъ):

3 ^bАлла Баба ве Бабанынъ Огълу олгъан Иса Месих бизге хайыр ве мераметни, акъикъат ве севгинен аманлыкъны берсин.

Акъикъат ве севги

4 ^cСенинъ балаларынъдан базыларыны, Баба бизге буюргъаны киби, акъикъат ёлундан юргенлерини корьгенимде, пек къувандым.

5 ^dЭнди санъа риджа этем, ханым, бири-биримизни севейик. Мен санъа янъы бир эмир язмайым, бизде башындан олгъан эмирни язам. 6 ^eСевмек – Онынъ эмирлерини беджерип яшамакътыр. Сиз башындан эшиткенинъиз киби, бу эмир – севгиде арекет этмектир.

7 ^fДюньяда чокъ алдатыджылар пейда олдылар. Олар инсан беденинде кельген Иса Месихни танымайлар. Булар – алдатыджы ве Месихнинъ душманларыдыр. 8 ^gЯпкъан ишинъизнинъ берекетини джоймамакъ ве мукяфатны бутюнлей алмакъ ичюн, озюнъизге мукъайт олунъыз. 9 ^hОзь артындан алып баргъан ве Месихнинъ огретювинден узакълашкъан эр бир адамда Алла ёкъ. Бу огретювге коре яшагъан адамда исе эм Баба, эм Огъул бардыр. 10 ⁱЭгер бир адам алдынъызгъа келип, бу огретювни кетирмесе, оны эвинъизге кирсетменъиз, онъа селям да берменъиз. 11Онъа селям берген адам исе онынъ яман ишлерине къошула.

Селямлар

12 ^jСизге язаджакъ чокъ шейим бар эди, амма буны кягъытта мерекепнен язмагъа истемейим. Амма, бизим къуванчымыз толу олсун деп, мен алдынъызгъа бармагъа ве козьме-козь сизлернен лаф этмеге умют этем.

13Сайлангъан къызкъардашынънынъ балалары санъа селям ёллайлар.