a Ехо 18.25
bНех 11.33
c 2 Пад 9.3, 6
d 3 Пад 1.29
e2 Пад 1.1-16

‏ 2 Samuel 4

Иш-Бошетнинъ ольдюрилюви

1Шаул огълу Иш-Бошет, Авнернинъ Хевронда ольгенини эшитип, рухтан тюшти. Бутюн Исраиль де шашып-шашмалады.

2 aШаул огълу Иш-Бошетнинъ янында эки айдут группасынынъ башлыгъы бар эди, бирисининъ ады – Баана, экинджисининъ ады – Рекъав эди. Олар биньяминли Беэрот шеэринден олгъан Риммоннынъ огъуллары эди. Беэрот шеэри Биньямин къабилесине аит эди. 3 bБеэротнынъ темель сакинлери исе, Гиттаимге къачып кетип, анда аля бугуньге къадар ябанджы сайылалар.

4 cШаул огълу Ёнатаннынъ Мефивошет адлы, аякълары топал огълу бар эди. О, беш яшында олгъанда, Йизреэлден Шаул ве Ёнатаннынъ олюми акъкъында хабер кельди. Даясы оны алып къачты. Ашыкъып къачкъанда, бала тюшти ве аякъалары зарарланды. Бундан сонъ топаллап башлады.

5Беэротлы Риммоннынъ огъуллары Рекъав ве Баана куннинъ энъ сыджагъында Иш-Бошетнинъ эви янына кельдилер. О исе уйле вакътында тёшегинде юкълай эди. 6Рекъав ве агъасы Баана богъдай аладжакъ киби эвге кирдилер, онынъ къурсагъына къылыч саплап, къачып кеттилер.

7Бойлеликнен, агъа-къардашлар эвге киргенде, Иш-Бошет озюнинъ ятакъ одасында, тёшегинде ята эди. Оны урып ольдюрип, башыны кесип, озюнен берабер алдылар ве бутюн гедже Арава ёлунен кеттилер. 8Иш-Бошетнинъ башыны Давуткъа Хевронгъа кетирип, падишагъа бойле дедилер:

– Бу – сенинъ душманынъ олгъан Шаул огълу Иш-Бошетнинъ башы. О сени ольдюрмеге истеди, амма РАББИ бугунь сенинъ, падиша, акъкъынъны Шаулдан ве союндан алды.

9 dДавут беэротлы Риммоннынъ Рекъав ве Баана огъулларына бойле джевап берди:

– Джанымны чешит къайгъылардан азат эткен РАББИ тёпеде бар! 10 eБир кунь манъа бир хаберджи кельди ве манъа Шаулнынъ олюми акъкъында хабер этти. О манъа: «Козь айдын! Шаул ольди!» – деди, ве мени бу хабернен къувандыраджакъ олды. Мен исе, онъа бахшыш береджек ерине, оны якъалап Цикълагъда ольдюрсинлер, деген эмир бердим. 11Сиз, хиянетлер, шимди къабаатсыз адамны озь эвинде тёшегинде ольдюрдинъиз! Онынъ къабаатсыз къаныны тёккенинъиз ичюн сизден акъкъыны сорамам ве сизни ер юзюнден ёкъ этмем деп беллединъизми я?

12Сонъ Давут аскерлерине оларны ольдюрмеге, къолларыны-аякъларыны кесмеге, джесетлерини исе Хевронда тыйнакънынъ устюнде асмагъа эмир этти.

Иш-Бошетнинъ башы исе Хевронда, Авнернинъ къабиринде дефн этильди.
Copyright information for CrhCTB