a Мт 24.31; 1 Тес 4.15-17
bДан 7.24-25; 8.25; Мк 13.5; Кол 2.8; 1 Юх 3.7; Эф 5.6; Сыр 13.4-5
cЕш 14.14; Ехез 28.2; Дан 11.36
d1 Юх 2.18; 4.3
eЭюп 4.9; Еш 11.4; Сыр 2.16
fМт 24.24; Мк 13.22; Сыр 13.14
g1 Кор 1.18
h3 Пад 22.22; Ехез 14.9
i Йрм 2.3; Якъ 1.18; Эф 5.20; 2 Тес 1.3; Сыр 14.4
j1 Тес 2.12
k 1 Кор 16.13
l1 Пётр 1.3
m1 Тес 3.13

‏ 2 Thessalonians 2

Гуна адамы

1 aРаббимиз Иса Месихнинъ келеджеги ве бизим Онынъ янында топланаджагъымыз акъкъында айткъанда, агъа-къардашлар, сизлерге ялварамыз: 2акъылларынъыз тез ёлдан урулмасын, ич бир рухнынъ, я да лафнынъ, я да бизимки киби ич бир мектюпнинъ «Раббининъ куню кельди», – деген хабери сизлерни къоркъузмасын. 3 bИч кимсе сизлерни чешит тюрлю ёлларнен алдатмасын. Башта Алладан вазгечюв вакъты келеджек, ве олюм огълу, къанунсыз ишлер япкъан адам пейда оладжакъ. 4 cО, эр шейге къаршы чыкъаджакъ, озюни «Алла» ве «азизлик» адлангъан эр шейден юксельтеджек ве Алланынъ Сарайында озюни отуртып, озюни Алла деп, косьтереджек.

5Мен янынъызда олгъан вакъытта буларны сизлерге айткъаным акълынъызда ёкъмы? 6Озь вакътындан эвель пейда олмагъа онъа не ёл бермегенини сиз билесинъиз. 7 dКъанунсызлыкънынъ сыры шимди артыкъ арекет эте, лякин оны тутып тургъан бар, ве ёлдан алынмагъандже, о, оны токътатаджакъ. 8 eСонъ къанунсыз ишлер япкъан пейда оладжакъ, лякин Рабби Иса келип, Озюнинъ нефесинен оны ольдюреджек, корюнишинен онынъ къуветини ёкъ этеджек. 9 fКъанунсыз адамнынъ келюви Шейтаннынъ арекетлерине коре тюрлю кучьнен, бельгилернен, сахте муджизелернен косьтериледжек. 10 gО, озь олюмине кетеяткъанларны эр тюрлю яманлыкъларнен ёлдан ураджакъ. Олар къуртулыш береджек акъикъат севгисини къабул этмедилер. 11 hШу себептен Алла оларгъа къудретли бир ялан ёллайджакъ, ве олар ялангъа инанаджакълар. 12Сонъ акъикъаткъа инанмагъанлар, яманлыкъ япмагъа севген бутюн адамлар суд этиледжеклер.

Къуртулышкъа сайлангъанлар

13 iРаббининъ севимли агъа-къардашлары, сизлер ичюн эр вакъыт Аллагъа шукюр этмек керекмиз, чюнки Алла эвельден сизлерни къуртулышкъа сайлады, ве сизлер Рух ярдымынен азиз олдынъыз ве акъикъаткъа инандынъыз. 14 jРаббимиз Иса Месихнинъ шуретине къошулгъанынъыз деп, О, сизлерни бунъа биз кетирген Къуванчлы Хабернен чагъырды.

15 kШунынъ ичюн, агъа-къардашлар, къатты турунъыз ве я агъыздан, я мектюпнен бизден алгъан огретювлерни тутунъыз. 16 lБизни севген, эбедиен теселли берген ве эйиликке яхшы умют берген Раббимиз Иса Месих ве Алла Бабамыз Озю 17 mсизге теселли этсин ве эр бир хайырлы иш ве сёз ичюн къувет берсин!
Copyright information for CrhCTB