a Тит 1.2; Еуд 9.15
b Фаал 16.1; Флп 2.22; 1 Тим 1.2; 2 Юх 1.3
c Фаал 23.1; Рим 1.8; 2 Кор 1.12; Флм 1.4; 1 Тес 3.10
dФаал 16.1
e Фаал 6.6; 1 Тим 4.14; 5.22
fРим 8.15
gМк 8.38; Рим 1.16; 2 Тим 2.3; 4.5
hРим 3.27; Эф 2.4, 8; Тит 3.5
iРим 14.24; 1 Кор 15.54-55
j1 Тим 2.7
kМк 8.38; Рим 1.16; 1 Тим 6.20; 2 Тим 2.9
lРим 8.9
m Фаал 19.10
n Мт 25.36; Фаал 21.33; 28.20; 2 Тим 4.19

‏ 2 Timothy 1

Селямлашув

1 aАлланынъ истегинен Иса Месихнинъ эльчиси Павел (Иса Месихте тапкъан омюр вадесине коре) –

2 bсевимли огълум Тимотейге:

Алла Баба ве Раббимиз Иса Месих санъа эйилик, мерамет ве тынчлыкъ-аманлыкъ берсин!

Миннетдарлыкъ ве юреклендирюв

3 cГедже-куньдюз дувалар окъугъанымда, мен сени эр вакъыт акълымда тутам ве Аллагъа шукюр этем, баба-деделерим киби, Онъа саф виджданнен хызмет этем. 4Эсимде сенинъ козьяшларынъны тутам, сени корьмеге ве къуванчкъа толмагъа истейим. 5 dСенинъ темиз иманынъны унутмайым. Бу иман башта битанъ Лоида ве ананъ Эвниканынъ юреклеринде булуна эди. Энди шу иман сенинъ юрегинъде де яшагъанына эминим.

6 eШу себептен санъа хатырлатам: къолларымны башынъа къойгъанымда, Алла санъа Рух бахшышынъны багъышлады. Онъа сёнмеге ёл берме. 7 fАлла бизге къоркъакълыкъ рухуны дегиль, кучь-къувет, севги ве низам рухуны берди. 8 gБойлеликнен, Раббимиз акъкъында шаатлыкъ этмектен ве менден, Онынъ мабюсинден утанма. Амма Алла берген кучь-къуветнен Яхшы Хабер ичюн азапларгъа даян. 9 hАлла бизлерни къуртарды ве азиз даветнен чагъырды. Буны биз ишлеримизнен къазанмадыкъ. Аксине, Алла буны Озь истегинен, къадимий вакъытлардан эвель Иса Месихте бизге берильген Озь эйилигинен япты. 10 iБу эйилик энди Къуртарыджымыз Иса Месихнинъ келювинен айдын олды. О, олюмни ёкъ этти, Къуванчлы Хабер ярдымынен эбедий омюрни берди. 11 jМен бу Къуванчлы Хаберни даркъаткъан хаберджи, эльчи ве огретиджи олып къоюлгъаным. 12 kШу себептен бу азапларны чекем. Амма мен утанмайым. Кимге инангъанымны билем; эминим ки, манъа залог оларакъ берильген ишни о куньге къадар сакъламагъа Онынъ кучю бар.

13Сен менден эшиткен сагълам огретювден орьнек ал, Иса Месихте тапылгъан иман ве севгинен буны яп. 14 lИчимизде яшагъан Мукъаддес Рухнынъ ярдымынен санъа берильген яхшы огретювни сакъла.

15 mСен билесинъ ки, Кучюк Асиядакилернинъ эписи, шу джумледен Фюгел ве Хермоген, менден юзь чевирдилер.

16 nРабби Онисифорнынъ эвине мерамет этсин, чюнки о, чокъ кере меним гонълюмни алды ве зынджырларымдан утанмады, 17Римге барып, буюк гъайретнен мени къыдырып тапты. 18Рабби онъа о куню мерамет тапмагъа ёл берсин. Эфес шеэринде о манъа не къадар хызмет эткенини озюнъ яхшы билесинъ.
Copyright information for CrhCTB