Amos 7
Сарынчкъа, атеш ве саркъма акъкъында руя
1 aРАББИ-ТААЛЯ манъа шуны косьтерди: Мына, падишанынъ пайына тюшкен пичен вакътындан сонъ, отлар янъыдан ешерип башлагъанда, РАББИ сарынчкъаны ёллады. 2Сарынчкъалар мемлекеттеки отны ашап битиргенде, мен бойле дедим: – РАББИ-ТААЛЯ! Ялварам, багъышла! Якъупнынъ халкъы бунъа насыл даяныр? Кичик бир халкътыр о! 3 bРАББИ фикирни денъиштирди. – Бу шей япылмайджакъ, – деди РАББИ. 4РАББИ-ТААЛЯ манъа шуны косьтерди: Мына, РАББИ-ТААЛЯ адамларны джезаламагъа атешни ёллады. Атеш терен денъизни ве топракънынъ бир къысмыны якъып битирди. 5О заман мен бойле дедим: – РАББИ-ТААЛЯ, ялварам, токътат буны! Якъупнынъ халкъы бунъа насыл даяныр? Кичик бир халкътыр о! 6РАББИ фикирни денъиштирди. – Бу шей де япылмайджакъ, – деди РАББИ-ТААЛЯ. 7О, манъа даа буны косьтерди: Мына, Рабби саркъма ▼▼Саркъма – къурулгъан бинанынъ догърулыгъыны тайинленмек ичюн къулланылгъан алет.
ярдымынен къурулгъан диварда тура, къолунда да бир къуршун саркъма бар. 8 dРАББИ менден: – Амос, сен не коресинъ? – деп сорады. Мен: – Бир саркъманы, – дедим. Бунъа Рабби бойле деди: – Мына, Мен халкъым Исраильнинъ ортасына бир саркъма къояджагъым ▼▼Бу метафоранынъ манасы бойледир: «Диварнынъ догъру къурулгъаныны саркъманен насыл бакъсалар, Мен де, саркъма ярдымынен, халкъым Исраиль догъру я да къыйыш ёлдан кеткенини бакъаджагъым».
. Бир даа оларны багъышламайджагъым. 9 fИсхакънынъ ибадет тёпелери ёкъ этиледжек,Исраильнинъ азиз ерлери йыкъыладжакъ,
Еровоамнынъ эвине къаршы Мен къылычнен чыкъаджагъым.
Амос ве Амацья
10 gБет-Эльдеки руханий Амацья Исраиль падишасы Еровоамгъа бойле хабер ёллады: – Амос Исраиль халкъынынъ ортасында санъа къаршы халкъны котере. Топракъ онынъ бу къадар сёзлерини котерип оламаз. 11 hАмос бойле дей: «Еровоам къылычнен ольдюриледжек, Исраиль исе, мытлакъа, озь топрагъындан сюргюн этиледжек». 12 iАмацья Амоскъа бойле деди: – Пейгъамбер! Бар, тез Ехуда топрагъына къайт. Анда ашап яша, анда да пейгъамберлик эт. 13 jБир даа Бет-Эльде пейгъамберлик этме. Бу шеэр – падиша ибадет эткен азиз ердир ве падишалыкънынъ сарайыдыр. 14 kАмос Амацьягъа бойле джевап берди: – Мен пейгъамбер дегилим, пейгъамберлик япмагъа да – меним зенаатым дегиль. Мен айванасравджым ве хурма тереклерини осьтюрем. 15Лякин РАББИ мени къой-эчкилерден алды ве манъа: «Бар, Меним халкъыма Исраильге пейгъамберлик эт», – деди. 16 lШимди РАББИнинъ сёзюне къулакъ ас. Сен: «Исраильге къаршы пейгъамберлик этме, Исхакъ эвине къаршы бир сёз айтма», – дейсинъ. 17Шунынъ ичюн РАББИ бойле дей: – Апайынъ шеэрнинъ бир ороспусы оладжакъ,огъулларынънен къызларынъ къылычнен ольдюриледжек,
сенинъ топрагъынъ ольчю йипинен пай этиледжек,
сен исе арам ерде оледжексинъ.
Исраиль исе мытлакъа озь мемлекетинден сюргюн этиледжек.
Copyright information for
CrhCTB