Amos 8
Мейвагъа толу сепет акъкъында руя
1 aРАББИ-ТААЛЯ манъа буны косьтерди: Мына, бир сепет пишкен мейва. 2 bО, менден: – Амос, сен не коресинъ? – деп сорады. – Бир сепет пишкен мейваны, – деп джевап къайтардым мен. О заман РАББИ манъа: – Исраиль халкъымнынъ сонъу кельди ▼▼Къ. еуд. «кайиц» (мейва) ве «кец» (сонъу) сёзлерининъ айтылувы бири-бирине ошай. Пишкен мейваларны джыйгъан вакъты насыл кельген олса, Исраиль халкъыны джезаламакъ вакъты да ойле кельди.
. Бир даа оларны багъышламайджагъым, – деди. 3– О кунь Алланынъ сарайындаки йырлар агълавларгъа айланаджакъ, – дей РАББИ-ТААЛЯ. – О вакъыт чокъ адам ольдюриледжек. Эр бир ерде олюлерни сес-солукъсыз котерип атаджакълар. Исраильнинъ джезасы акъкъында укюм
4Эй, фукъарелерни таптагъанлар,заваллыларны чекиштиргенлер,
буны динъленъиз!
5 dСизлер айтасыз:
– Янъы ай тездже кечсин!
Биз ашлыгъымызны сатмагъа истеймиз!
Раатлыкъ куню тездже кечсин!
Богъдайымызны сатувгъа чыкъараджакъмыз,
ольчюни уфакълаштыраджакъмыз,
фиятыны арттыраджакъмыз,
ялан ташларны къулланып алдатаджакъмыз.
6 eЁкъсулларны кумюшке сатын аладжакъмыз,
фукъарелер ичюн бир чифт сандалет береджекмиз,
богъдай ерине кепек сатаджакъмыз.
7РАББИ Якъупнынъ шуретинен ант этти: – Керчектен де, онынъ япкъан ишлеринден ич бирини бир вакъыт унутмайджагъым. 8 fШунынъ ичюн ер юзю сарсылмайджакъмы?
Устюнде яшагъан эр кес агъламазмы?
Бутюн ер, Нил дерьясы киби, котериледжек,
Мысыр дерьясы киби къабарып, ашагъы тюшюджек.
9 g– О куню, – дей РАББИ-ТААЛЯ, –
уйледе кунешни батыраджагъым,
купе-куньдюз ер юзюни къарартаджагъым.
10 hБайрамларынъызны агълавгъа айландыраджагъым,
эписи тюркюлеринъизни дженазе иляхийлерине чевиреджегим.
Эр кесни чувал урбасы киймеге меджбур этеджегим,
эр кеснинъ баш сачлары тыраш оладжакъ.
О куню бирден-бир огълунынъ артындан
агълагъанлар киби оладжакъсынъыз.
Бу кунни сонъуна къадар аджджы япаджагъым.
11 i– Мына, бойле куньлер келе ки, – дей РАББИ-ТААЛЯ,
– ер юзюне ачлыкъ ёллайджагъым.
Лякин адамлар отьмекни ашамагъа
ве сувны ичмеге дегиль,
РАББИнинъ сёзлерини динълемеге истейджек.
12РАББИнинъ сёзюни тапмакъ ичюн,
адамлар денъизден денъизгедже,
шимальден гъарпкъадже долашаджакъ да,
эписи бир тапамайджакъ.
13О куню гузель къызлар ве йигитлер
сувсузлыкътан эслерини джояджакъ.
14 jСамариенинъ пис путларынен ант эткенлер,
Даннынъ ве Беэр-Шеванынъ аллаларына ишангъанлар ▼
▼Къ. еуд. сёзю-сёзюне «Олар бойле дейлер: “Даннынъ тири алласынен емин этем!” ве “Беэр-Шеванынъ (алласына кеткен) ёлунен ант этем!”» демектир.
йыкъыладжакъ ве бир даа турып оламайджакъ.
Copyright information for
CrhCTB