a Лк 18.1; 21.36; Рим 12.12; Эф 6.18; 1 Тес 5.17
bФаал 4.29; Рим 14.24; Эф 6.19-20; Флп 1.7; Флм 1.1
cЭф 5.15-16
d1 Пётр 3.15
e Фаал 20.4
fКол 2.2
gФлм 1.10, 16
h Фаал 12.12; 15.37-38; 19.29; Флм 1.24
iФаал 1.23; 18.7
j Кол 1.7; Флм 1.23
k 2 Тим 4.10-11; Флм 1.24
l Рим 16.5
m 1 Тес 5.27
n Флм 1.2
o 1 Кор 16.21; Гал 6.11; 2 Тес 3.17; Флм 1.19

‏ Colossians 4

1Эфендилер, къулларынъызнен догъру ве адалетли олунъыз. Билесиз ки, сизинъ де коклердеки Эфендинъиз бар.

Огютлер

2 aЭр вакъыт токътамайып дува окъунъыз, шукюр этип, дувада дикъкъатлы олунъыз. 3 bБизлер ичюн де дува окъунъыз: Алла, биз Месихнинъ сырыны бильдиреджегимиз ичюн, Озь Сёзюне бир къапуны ачып берсин (мен бу сыр ичюн тюрьмеде отурам), 4ве мен бу сырны, кереги киби, ачыкъ-айдын бильдирейим. 5 cФырсаттан файдаланынъыз, инанмагъанларнен акъылнен арекет этинъиз. 6 dЭр вакъыт мераметнен, ерине келишкен лаф этинъиз, эр бир адамгъа керекли джевапны насыл этип тапмакъны билинъиз.

Селямлар

7 eТихик сизлерге меним ишлерим акъкъында бутюн шейлерни бильдирир. О, севимли къардашым, Раббининъ ишанчлы хызметчиси ве меним къул-ишдешим. 8 fО, бизим ишлеримиз насыл олгъаныны билип, сизинъ гонъюллеринъизни алсын деп, мен оны сизге ёлладым. 9 gСадыкъ ве севимли дин къардашымыз, Тихикнен берабер алдынъызгъа сизлерден бириси олгъан Онисим де бараджакъ. Олар сизлерге бу ерде олгъан бутюн шейлерни айтып берерлер.

10 hМеннен берабер тюрьмеде отургъан Аристарх, Барнабанынъ эки догъмуш къардашы Марк (онынъ акъкъында сизге буюрдылар: эгер о, сизге барса, оны къабул этинъиз), 11 iве Юст адлы Иса сизлерге селям ёллайлар. Олар мени юреклендирелер. Алланынъ Падишалыгъы ичюн чалышкъан башкъа еудий ишдешлерим ёкъ.

12 jИса Месихнинъ къулу, сизлерден бириси олгъан Эпафрас, сизлерге селям ёллай. Сизлер къатты турып, Алланынъ сизлерден не истегенини къатты бильгенинъиз ичюн, Эпафрас эр вакъыт сиз ичюн гъайретнен дува окъуй. 13О, сизлер эм де Лаодикея ве Иераполь шеэрлериндекилери ичюн озюни аджымайып чалышкъанына мен шаатым.

14 kСевимли эким Лука ве Демас сизлерге селям ёллайлар.

15 lЛаодикея шеэриндеки агъа-къардашларымызгъа, Нимфагъа ве онынъ эвинде топлангъан джемиетке селям этинъиз.

16 mБу мектюбим аранъызда окъулгъан сонъ, оны Лаодикеядаки иманлылар джемиетине де окъумагъа эмир этинъиз. Сизлер Лаодикеядаки мектюпни окъунъыз.

17 nАрхиппке буны айтынъыз: «Раббиде бойнунъа алгъан хызметни унутма, мытлакъа оны беджер».

18 oМен, Павел, бу селямны озь къолумнен язам. Зиндан зынджырларымны акъылда тутунъыз. Алланынъ эйилиги сизлернен олсун!
Copyright information for CrhCTB