a Чыкъ 32.32, 33; Йрм 30.7; Дан 10.13, 21; Иуда 1.9; Мт 24.21; Мк 13.19; Сыр 12.7; 16.18; 20.12
bЕш 26.19; Ехез 37.12; Мт 25.46; Юх 5.28-29; Фаал 24.15
cЭюп 11.17; 22.28; Икм 4.18; Еш 60.3; Дан 11.33; 12.10; Мт 13.43
d Еш 8.16; 29.11; Сыр 5.1; 10.4; 22.10
eДан 8.13; 10.5
hЗбр 106.43; Хош 14.10; Дан 11.33, 35; 12.3; Сыр 22.11
i Дан 8.11; 9.27; 11.31
j Еш 57.2

‏ Daniel 12

Ахыр заман акъкъында

1 aО заман сенинъ халкъынъны къорчалагъан буюк башлыкъ Микъаиль келеджек. Адамлар дюньяда яшап башлагъан вакъыттан берли шу вакъыткъадже олмагъан беля заманлары оладжакъ. Лякин бу заманда сенинъ халкъынъдан Китапта язылгъанларнынъ эписи къуртуладжакъ. 2 bЕр юзюнинъ топрагъында юкълагъан адамларнынъ чокъусы уянаджакъ. Базыларына эбедий омюр бериледжек, башкъалары исе эбедиен айып ве масхаралыкъ алтында къаладжакъ. 3 cАкъыллы адамлар кок къуббесининъ ярыгъы киби оладжакъ, чокъ адамны акъикъаткъа чевиргенлер, йылдызлар киби, эр вакъыт, эбедиен парылдайджакълар.

4 dАмма сен, Даниял, бу сёзлерни гизле ве китапкъа печат къойып, ахыр замангъадже оны сакъла. Чокъусы ёлдан урулгъанда, бу китап адамларгъа бильги береджек.

5О заман мен, Даниял, бакътым ве башкъа эки кишини корьдим. Оларнынъ бири озеннинъ бу ялысында, башкъасы исе обир ялысында тура эди. 6 eБири озеннинъ о тарафында тургъан кетен урбалы адамдан:

– Бу аджайип шейлер не вакъыт битеджек? – деп сорады.

7Сонъ мен озеннинъ сувлары устюнде тургъан кетен урбалы адамнынъ джевабыны эшиттим. О, сагъ ве сол къолуны кокке котерип ве эбедий Яшагъаннынъ адынен ант этип, бойле деди:

– Учь бучукъ йыл ▼
▼Къ. еуд. сёзю-сёзюне «заман, эки заман ве яры заман» демектир.
 кечкенинен ве азиз халкънынъ кучю бутюнлей биткенинен ▼
▼Я да «азиз халкънынъ сынавы бутюнлей биткенинен».
, буларнынъ эписи беджериледжек!

8Адамнынъ айткъанларыны эшиттим, амма анъламадым, бунынъ ичюн:

– Эфендим! Бунынъ сонъу не оладжакъ? – деп сорадым.

9О манъа бойле джевап берди:

– Сен кет, Даниял. Бу сёзлернинъ манасы ахыр замангъадже гизли олсун. 10 hЧокъусы арынаджакъ, темизленеджек ве сынавдан кечеджек. Яман адамлар исе яман ишлерини япа береджеклер. Яманларнынъ ич бири анъламайджакъ, акъыллы адамлар исе анълайджакълар.

11 iКуньделик къурбанлары токътатылгъан ве пис арамлыкъ къоюлгъан сонъ, 1 290 кунь кечеджек. 12Сабыр эткен ве 1 335 куньге къадар беклеген адам не къадар бахтлыдыр!

13 jСен исе, Даниял, яшай бер. Сен оледжексинъ, лякин куньлернинъ сонъунда тураджакъсынъ ве озь акъкъынъны аладжакъсынъ.
Copyright information for CrhCTB