Deuteronomy 33
Муса Исраиль къабилелерини багъышлай
1 aОльмезден эвель, Алланынъ адамы Муса Исраиль огъулларына багъышлавлар тилеп, 2 bшай деди:– РАББИ Синайдан кельди,Сеир дагъларында ачылды,
Паран дагълы топрагъындан нурнен пейда олды,
азизлернинъ ордуларынен кельди,
онъ къолунда Къанун атеши бар эди.
3О, халкъыны керчектен севе.
Эписи азизлер Сенинъ къолунъда,
олар аякъларынъда топлашалар,
айткъанларынъа къулакъ асалар.
4 cМуса бизге Къанунны буюрды,
о – Якъуп джемаатынынъ мирасыдыр.
5 dХалкънынъ башлыкълары
къабилелернен берабер топлашкъанда,
о, Ешуруннынъ падишасы эди.
6Яшасын Рубен ве ольмесин,
лякин акъайлары аз сайылы олсун.
7Ехуда къабилесине буны айтты:
– Я РАББИ, Ехуданынъ сесини эшит, оны халкъына кетир.
Озюни Озь къолларынен къорчалай;
онъа душманларына къаршы ярдымджы ол.
8 eЛевий къабилесине шай деди: – Тум ве Ур ▼
▼Тум ве Ур – къ. еуд. «ярыкъ» ве «къусурсызлыкъ» маналарыны анълата. Джереп алетлери. Чыкъыш 28.30 бакъ.
алетлери сенинъ инсафлы адамынъдадыр.Сен оны Масса еринде сынадынъ,
Мерива сувлары янында онен давалаштынъ.
9 gО, ана-бабасы акъкъында бойле деди:
«Мен оларны бакъмадым».
О, агъа-къардашларыны танымагъан,
озь балаларыны бильмеген,
лякин о, Сенинъ сёзлеринъни сакълагъан,
васиетинъни къорчалагъан.
10Олар Якъупны къарарларына огретирлер,
Исраильни – Сенинъ Къанунынъа.
Олар огюнъде къокъулы отларны якъарлар,
къурбан еринъе айванларны бутюнлей къоярлар.
11РАББИ, онынъ къудрети огъурлы олсун,
туткъан ишлеринден разы ол.
Онъа къаршы тургъанларны
ве оны кореджек козьлери олмагъанларны,
аякъ устюнде турып оламасынлар деп, аякъларындан ур.
12Биньямин къабилесине шай деди: – РАББИнинъ севгилиси янында хавфсыз яшар.
РАББИ оны эр кунь сакълай;
Биньямин Онынъ омузлары ортасында раат отура.
13 hЮсуф къабилесине шай деди: – РАББИ онынъ топрагъына коклернинъ,
чыкъларнынъ ве ашагъыда акъкъан сувларнынъ
энъ яхшы берекетини берсин,
14кунеште оськен ве айлар кетирген
энъ яхшы махсулларны,
15 iкъадимий дагъларнынъ энъ яхшысыны
ве эски байырларнынъ энъ яхшысыны,
16 jтопракънынъ энъ яхшысыны ве онынъ боллугъыны берсин.
Тикенли чалыда Булунгъаннынъ разылыгъы Юсуфнынъ башына,
агъа-къардашларындан сайлангъан бирисининъ манълайына олсун.
17 kОнынъ биринджи догъгъан бугъасы – онынъ сайгъысы,
бойнузлары – кийик бугъанынъ бойнузлары киби,
оларнен о, ернинъ башкъа четинедже олгъан халкъларны тюртеджек.
Бу – Эфраимнинъ он бинълери ве Менашшенинъ бинълеридир. 18Зевулун къабилесине шай деди: – Къуван, Зевулун, эвинъден чыкъкъанынъда,
ве сен, Йиссакъар, – озь чадырларынъда.
19 lОлар халкъларны дагъгъа тараф чагъырырлар,
анда догъру къурбанларны чаларлар.
Олар денъизнинъ боллугъынен
ве къумда сакълы хазинелернен кейфленирлер.
20 mГъад къабилесине шай деди: – Гъаднынъ топракъларыны кенълештирген адам бахтлы олсун!
О, арслан киби яшай,
къолны ве башны парчалай.
21 nО, озюне ернинъ биринджисини сайлап алды,
анда оны башлыкънынъ пайы бекледи.
О, халкънынъ башлыкъларынен кельди,
РАББИнинъ догъру истегини
ве Исраильге берильген къарарларыны беджерди.
22 oДан къабилесине шай деди: – Дан – арслан яврусыдыр,
Башан еринден секирип тюше.
23 pНафталий къабилесине шай деди: – Нафталийнен РАББИнинъ бол разылыгъы
ве Онынъ номай берекети.
О, денъизнинъ ве дженюптеки топракънынъ саиби.
24Ашер къабилесине шай деди: – Огъуллардан энъ бахтлы – Ашердир.
онен агъа-къардашларынынъ разылыгъы олсун,
аягъыны зейтюн ягъына батырсын.
25Къапуларынъдаки мандаллары – демир ве бакъырдандыр,
къудретинъ куньлеринъе тенъ оладжакъ.
26 qЕшуруннынъ Алласына ошагъан ёкъ!
О, коклер устюнден санъа ярдымгъа
Озь Шуретинде булутлар устюнде келе.
27 rЭбедий Алла – сени сакълагъан ердир,
сени эбедиен къудрети къорчалай.
О, душманларынъны огюнъден къувалай ве:
«Ёкъ эт!» – айта.
28 sИсраиль хавфсыз яшай,
Якъуп янъгъызлыкъта ашлыкъ ве шарапкъа толу топрагъында тура,
ве коклерден онъа чыкълар тюшелер.
29 tИсраиль, сен не де бахтлысынъ!
Санъа ошагъан ким бар?
РАББИ къуртаргъан халкъсынъ!
О – сени къорчалагъан къалкъанынъдыр
ве шуретинънинъ къылычыдыр.
Огюнъде душманларынъ ялтакъланалар,
сен исе оларнынъ ибадет тёпелерини аякъларынънен басасынъ.
Copyright information for
CrhCTB