Ecclesiastes 12
1– 2 aАгъыр куньлер кельмезден,«Оларда бир къуванч ёкъ», – дейджек йыллар башынъа тюшмезден,
кунеш, ай, ярыкъ ве йылдызлар сёнмезден,
ягъмур артындан янъы булутлар кельмезден,
яшлыгъынъда Яратыджынъны акъылынъда тут.
3Бир кунь эвни къаравуллагъанлар къалтырар,
кучьлю акъайлар къатланыр,
ун чеккенлер, аз къалгъанлары ичюн, токътар,
пенджереге бакъкъанлар агъыр корер.
4 bСокъакъкъа бакъкъан къапулар япылыр,
дегирменнинъ сеси тынар.
Адам хораз къычыргъанда турар,
амма къушларнынъ тюркюлерини эшитип оламаз.
5 cТёпеликлерден къоркъар,
ёлнынъ дешетлеринден де къоркъар.
Бадем ачар, чегертки агъырлашыр,
истек де гъайып олур.
Адам озь эбедий эвине кетер,
такъмакъчылар сокъакъ бою юрер.
6 dКумюш йип йыртылмаздан,
алтын савут патламаздан,
чокъракъ башындаки бардакъ парланмаздан,
къуюнынъ макъарасы къырылмаздан,
Алланы унутма.
7 eСонъ тоз топракътан келип, топракъкъа чевирилир,
джан исе оны берген Аллагъа къайтыр.
8 f«Бош, бош! – деди Джемаат Башы.
– Эр шей бошуна!»
Нетидже
9 gДжемаат Башы икметли олгъанындан гъайры, халкъкъа бильги бере эди. О, эр шейни сынап огренди ве чокъ икметли сёзлер къалдырды. 10Джемаат Башы гузель сёзлерни тапмагъа тырышты ве акъикъат сёзлерини о догъру язып алды. 11 hИкметлининъ сёзлери – инелер ве къакъылгъан мыхлар дайын, оларны топлагъанлар да – бир чобандандыр. 12 iБундан артыкъ олгъан шейлерден сакъын, огълум! Чокъ китап язмакънынъ сонъу олмаз, чокъ окъумакъ да – беден къыйнамакътыр. 13 jБутюн эшиткенлернинъ нетиджеси бойледир:Алладан къоркъ ве эмирлерини тут.
Будыр адамнынъ боюн-борджу.
14 kЯхшымы-яманмы, эр бир сырлы ишни,
эр бир япылгъан шейни Алла укюм этер.
Copyright information for
CrhCTB