Ecclesiastes 6
1 aЕр юзюнде даа бир феналыкъ корьдим. О, адамлар арасында сыкъ ола. 2 bАлла адамгъа эм байлыкъ, эм мал-мульк, эм шурет бере, джаны ичюн эр бир истегинде бир аджет ёкъ. Амма бунынъ эписинен Алла онъа къулланмагъа имкян бермей, ве эписи ят адамгъа къала. Бу – бош шей ве аджджы бир белядыр! 3 cБиревнинъ юз баласы биле олып, узун омюр яшаса да, яшайышынынъ куньлери пек чокъ олса да, джаны исе яхшы шейлеринден зевкъ алмагъан ве дженазеси де олмагъан олса, мен бойле айтар эдим: «Къадыннынъ вакътындан эвель олю догъгъан баласы ондан бахтлыдыр». 4Чюнки о ботен келип, къаранлыкъкъа кетти, онынъ адыны да къаранлыкъ къаплады. 5О кунешни корьмеген, ич бир шейни бильмеген олса да, о, бойле адамгъа коре чокъ раатлыкъ корер. 6Бу адам исе эки кере бинъ йыл яшап да, яхшы шейлеринден зевкъ алмагъан олса биле, эписи бир! Олар экиси де бир ерге кетеджеклер! 7 dАдамнынъ эписи заметлери тамакъ токълугъы ичюн,онынъ истеги исе токъ олмаз.
8 eИкметлининъ ахмакътан устюнлиги неде?
Ёкъсулгъа да яшайышта не япмагъа кереклигини бильгенинден не файда?
9Козь корьгени джан истегенинден яхшыдыр.
Бу да бошуна ве ель къувалавдыр.
10 fДюньяда не олса, онынъ энди ады бар,
адамнынъ да не олгъаны белли.
О, озюнден кучьлю олгъангъа къаршы чыкъмаз.
11 gЧокъ сёз буюк бошлукъ догъура.
Адам ичюн бундан не файда?
12 hАдам ичюн яшайышында, къаралты киби кечирген бош яшайышынынъ саювлы куньлеринде не яхшы олгъаныны ким бильсин? Эм де адамгъа, ондан сонъ ер юзюнде не оладжагъыны ким айтып олур?
Copyright information for
CrhCTB