Ecclesiastes 7
Яшайыш акъкъында тюшюнджелер
1 aЯхшы нам гузель мистен яхшыдыр. Олюм куню де догъгъан куньден яхшыдыр.2 bМатем эвине бармакъ
шенълик олгъан эвге бармакътан яхшыдыр,
чюнки эр бир адамнынъ сонъу будыр.
Сагъ олгъанлар шуны акъылларында тутсун.
3 cКедер кулькюден яхшыдыр,
бет-сымадаки гъам юрек ичюн яхшы.
4Икметлининъ юреги – матем эвинде,
ахмакънынъ юреги исе – шенълик эвиндедир.
5 dИкметли адамнынъ тенбиесини динълемек
ахмакъларнынъ тюркюлерини динълемектен яхшыдыр.
6Чюнки ахмакъларнынъ кулькюси
къазан тюбюндеки чалы-чырпынынъ чытырдысы кибидир.
Бу да бошуна!
7 eБашкъаларынынъ джанларыны агъыртып,
икметли адам ахмакъкъа айланыр,
къапарлар да юрекни бозар.
8 fИшнинъ сонъу онынъ башындан яхшыдыр,
ве сабырлы рух къопай рухтан яхшыдыр.
9Рухунъ къызма табан олмасын,
чюнки гъазап ахмакънынъ юрегинде яшай.
10«Эвельки куньлер бугунькилеринден
не ичюн яхшы олгъанлар?» – деп сорама.
Бойле суаль бермеге икметлиге ляйыкъ дегиль.
11Мираснен икмет яхшыдыр,
кунешни корьгенлер ичюн о файдалы.
12Икмет, пара киби, къорчалай,
икмет онъа саип олгъанынынъ яшайышыны сакълай,
ве бундадыр бильгининъ устюнлиги.
13 gАлла япкъан ишлерине бакъ:
Онынъ бир шейни къыйыш яраткъаныны
ким догъурлап олур?
14Яхшы куньлеринъде бахтлы ол,
яман куньлеринъде исе буны тюшюн:
эм яхшы, эм яман куньлерни Алла яраткъан,
адам онынъ артындан не оладжагъыны бильмез.
15 hБош куньлеримде тюрлю шейлерни корьдим:
инсафлы озь инсафлыгъында гъайып ола,
инсафсыз исе озь инсафсызлыгъында узакъ омюр яшай.
16Не зияде инсафлы, не де зияде икметли ол,
не ичюн озюнъни ёкъ этесинъ?
17 iПек яман олма, ахмакълыкъкъа да урулма,
вакъытсыз ольмек санъа керекми?
18Биринджи огютни алып тут,
экинджисини де къолунъдан йиберме.
Алладан къоркъкъан адам экисини де тутар.
19 jИкмет икметли адамгъа
шеэрнинъ он акимдарындан чокъ кучь берер.
20 kДюньяда тек яхшылыкъ япкъан
ве асыл гуна къазанмагъан инсафлы адам ёкъ.
21 lЭр бир айтылгъан сёзге къулакъ асма.
Ёкъса, къулунъ сени яманлагъаныны эшитеджексинъ.
22Сен де юрегинъде
башкъаларыны чокъ яманлагъанынъны билесинъ де.
23Эр шейни икметнен сынадым,
озюм икметли олмакъ къарарына кельдим,
лякин икмет менден узакъ олды.
24 mКечмиш узакътыр ве теренден-терендир,
оны ким анълап олур?
25 nИкмет ве шейлернинъ манасыны тапмакъ,
бильмек ве огренмек,
яманлыкъ, ахмакълыкъ ве джаилликни
анъламакъ ичюн юрегимнен берильдим.
26 oМен буны таптым:
авджынынъ тузагъына ошагъан къадын
олюмден аджджыдыр.
Юреги – авджынынъ къапкъаныдыр,
къоллары – зынджырлардыр.
Алланынъ огюнде догъру яшагъан ондан къуртулыр,
гунакяр исе онынъ къолуна тутулыр.
27Джемаат Башы деди ки:«Сынай-сынай, шейлернинъ манасыны къыдырып,
мен буларны таптым.
28Джаным къыдырып тапалмагъан шейлер булардыр:
бинъде бир инсафлы акъай таптым,
бир инсафлы апай исе тапалмадым.
pЯлынъыз бир шейни анъладым мен:
Алла эписи адамларны догъру оларакъ яраткъан,
амма олар чокъ шейлер къыдырып башладылар».
29
Copyright information for
CrhCTB