c Збр 23.8
d Збр 117.15
f Текр 3.24; 33.26; 1 Пад 2.2; 2 Пад 7.22; 3 Пад 8.23; 2 Тар 6.14; Збр 85.8; 88.7-9; Еш 45.5-6; Йрм 10.6
h Збр 77.54
Exodus 15
Мусанынъ тюркюси
1 aРАББИге йырлайым, О, юксек котерильгендир!О, атны ве устюндеки атлыны денъизге ташлады.
2 bРАББИ – меним къудретим,
меним макътав тюркюмдир,
О, манъа къуртулыш берди.
О, меним Аллам, Оны макътарым!
О, бабамнынъ Алласы,
Онынъ Адыны юксельтирим.
3 cРАББИ – аскердир!
Онынъ Ады – РАББИ!
4О, фыравуннынъ арабаларыны
ве онынъ ордусыны денъизге ташлады;
фыравуннынъ энъ яхшы башлыкълары
Къызыл денъизде богъулдылар.
5Оларны терен денъиз ютты;
олар таш дайын сув тюбюне кеттилер.
6 dРАББИ! Сенинъ онъ къолунъ
къудретнен нам къазанды!
РАББИ! Сенинъ онъ къолунъ
душманны йыкъты!
7Озь буюк улулыгъынъда
Санъа къаршы чыкъкъанларны ёкъ эттинъ.
Озь гъазабынъны ёлладынъ,
ве о, оларны тобан дайын якъты.
8 eНефесинъ уфюрди,
ве сувлар котерильдилер,
сувлар, байырлар киби, турдылар,
денъизнинъ ортасындаки терен сувлар къою олдылар.
9Душман деди ки:
«Артларындан къувалап,
артларына етерим, авны болерим.
Оларнен джаным тояр;
къылычымны чекерим;
къолум оларны къырар».
10Сен нефесинънен уфюрдинъ,
ве оларны денъиз къаплады,
олар терен сувлар ичине
къуршун дайын далдылар.
11 fРАББИ! Аллаларнынъ арасында
Сен дайын ким бар?
Мукъаддесликнен улу олгъан,
макътавларгъа даима ляйыкъ олгъан,
аджайип шейлер япкъан
Сен дайын ким бар?
12Сен онъ къолунъны узаттынъ –
оларны ер ютты.
13Озь мераметинънен
Озюнъ къуртаргъан бу халкъкъа ёлны косьтересинъ.
Озь къудретинънен бу халкъны
Сенинъ отургъан еринъе алып кетесинъ.
14Халкълар эшитирлер ве титрерлер;
Фелестин сакинлерини дешет басар.
15 gО заман Эдом башлыкълары титрерлер,
Моав ёлбашчыларыны къоркъу басар,
Ханааннынъ эписи сакинлери мугъайырлар.
16Олар къоркъу ве дешет тюбюнде къалсынлар!
РАББИ! Сенинъ халкъынъ кечкендже,
Озюнъе айырып алгъан халкъынъ кечкендже,
олар къолунънынъ къудретинден
таш дайын тильсиз олурлар.
17 hРАББИ! Сенинъ мулькюнънинъ дагъына,
Озюнъе отурмакъ ичюн эткен ерге,
Я Рабби, Сенинъ къолларынъ яратаджакъ Азиз Ерге
Озь халкъынъны алып кирсет ве ерлештир!
18 iРАББИ асырлар боюнджа
ве эбедиен падишалыкъ этеджектир!
19Фыравуннынъ атлары арабаларынен ве атлыларынен берабер денъизге киргенде, РАББИ оларнынъ устюне денъиз сувларыны къайтарды. Исраиллилер исе денъиз ортасындаки топракътан кечтилер.
Мерьемнинъ тюркюси
20 jСонъ Харуннынъ татасы Мерьем пейгъамбер къолуна даре алды. Онынъ артындан эписи къадынлар, дарелерини алып, ойнап чыкътылар. 21 kМерьем оларнынъ оглеринде йырлады:РАББИге йырланъыз,О, юксек котерильгендир,
атны ве устюндеки атлыны
денъизге ташлады!
Аджджы сув
22 lМуса исраиллилерни Къызыл денъиз янындан алып кетти, ве олар Шур сахрасына кельдилер. Сахра бою учь кунь кеттилер, амма сувны тапалмадылар. 23Марагъа келип, Марадаки сувны ичалмай эдилер, чюнки о, аджджы эди. Онынъ ичюн бу ер Мара ▼▼Мара – къ. еуд. «аджджы» демектир.
деп адландырылгъандыр. 24Халкъ Мусагъа шикяет иле: – Бизлер не ичеджекмиз? – дедилер. 25Муса, ярдым сорап, РАББИге ялварды. РАББИ исе онъа бир терек косьтерди. Муса терекнинъ парчасыны сувгъа ташлады, ве сув татлы олды. Анда РАББИ халкъкъа низамнаме ве къанунны берди, анда да халкъны сынады. 26 n– Эгер сизлер РАББИ-Таалянъызнынъ айткъанларыны эшитсенъиз ве Онынъ козю алдында истегенини этсенъиз, эгер эмирлерине къулакъ ассанъыз ве эписи низамнамелерини кутьсенъиз, о заман Мен мысырлыларгъа ёллагъан хасталыкълардан бирини сизге ёлламам. Мен – РАББИм, сенинъ Тедавийлейиджинъим, – деди РАББИ. 27 oИсраиллилер Элим деген ерге кельдилер. Анда он эки чокъракъ ве етмиш хурма тереги бар эди. Олар анда сувларнынъ янларында ордунен ерлештилер.
Copyright information for
CrhCTB