Exo 13:3-7 | CrhCTB | STEP | Муса халкъкъа: – Мысырдан, къуллукъ топрагъындан чыкъкъан бу кунни акъылынъызда тутунъыз. РАББИ сизни андан Озь къудретинен чыкъарды. Бу куню минген хамырдан пишкен питени ашаманъыз.

‏ Exodus 13:3-7

Маясыз Пишкен Пите Байрамы акъкъында хатырлатма

3 Муса халкъкъа:

– Мысырдан, къуллукъ топрагъындан чыкъкъан бу кунни акъылынъызда тутунъыз. РАББИ сизни андан Озь къудретинен чыкъарды. Бу куню минген хамырдан пишкен питени ашаманъыз. 4 Сиз бугунь, Авив айында ^{▼▼Авив айында – баарьнинъ ильк куньлеринде, къарарнен март, я да апрель айында.} ёлгъа чыкъасынъыз. 5 Алланъыз олгъан РАББИ сютнен бал акъкъан топракъны, ханаанлыларнынъ, хитлилернинъ, аморлыларнынъ, хивлилернинъ, евуслыларнынъ топрагъыны деделеринъизге бермеге емин этти. О, сизни бу топракъкъа кирсеткен сонъ, бу айда бойле адетни тутмакъ керексинъиз: 6 еди кунь маясыз пишкен пите ашанъыз, единджи куню исе РАББИнинъ байрамы олур. 7 ^bЕди кунь маясыз пишкен пите ашамакъ керек. Сизде ве бутюн яшагъан топрагъынъызда не маянен пишкен бир шей, не маянынъ озю олмасын.