Eze 41 | CrhCTB | STEP | Адам мени Сарайнынъ ичине кетирип, анда алып баргъан къапунынъ торецлерини ольчеди. Торецлернинъ кенълиги эр тарафтан учь метр эди. Эр торецнинъ кенълиги учь метр эди.

‏ Ezekiel 41

1 Адам мени Сарайнынъ ичине кетирип, анда алып баргъан къапунынъ торецлерини ольчеди. Торецлернинъ кенълиги эр тарафтан учь метр эди. Эр торецнинъ кенълиги учь метр эди. 2 ^aКиришнинъ кенълиги беш метр эди, киришнинъ диварлары эр тарафтан эки бучукъ метр эди. Адам Сарайны ольчеди, ве о, йигирми метр узунлыкъта ве он метр ^{▼▼Учь метр; беш метр; эки бучукъ метр; йигирми метр; он метр – къ. еуд. «6 аммах», «10 аммах», «5 аммах», «40 аммах», «20 аммах».} кенъликте чыкъты.

3 Сонъра адам ички оданынъ ичине кирди ве киришнинъ торецлерини ольчеди. Торецлернинъ эр бири бир метр кенълигинде эди. Кириш учь метр кенълигинде эди, эки тарафта диварларнынъ ольчюси учь бучукъ метр эди. 4 ^cСонъра о, ички оданынъ кенълигини ве узунлыгъыны ольчеди. Ода он метр узунлыкъта ве он метр ^{▼▼Бир метр; учь метр; учь бучукъ метр; он метр – къ. еуд. «2 аммах», «6 аммах», «7 аммах», «20 аммах».} кенъликте эди.

Сонъ о, манъа шойле деди:

– Бу Энъ Мукъаддес Ер.

5 ^eСонъ адам Эвнинъ диварыны ольчеди. Диварнынъ къалынлыгъы учь метр къалынлыгъында эди. Сарайнынъ бутюн чевресинде одалар бар эди. Одаларнынъ кенълиги эки метр ^{▼▼Учь метр; эки метр – къ. еуд. «6 аммах», «4 аммах».} эди. 6 ^gОдалар учь къатта ерлешип, эр бир къатта 30 ода бар эди ^{▼▼Я да «учь къатта 30 ода бар эди».}. Сарайнынъ дивары ашагъы басамакъ-басамакъ тюше эди, Сарайнынъ чевресиндеки одаларнынъ тёпесине къоюлгъан агъачлар исе шу басамакъларда ерлеше эди. Шу агъачлар Сарайнынъ диварларына кирсетильмеген эди. 7 Сарай чевресиндеки ян одалар юкъары къаткъа чыкъкъан сайын кенишлене эдилер. Сарайнынъ этрафыны саргъан биналар кенишлеген къатлар шеклинде къурулгъан эди, юкъарыгъа чыкъкъан ян одалар кеткен сайын кенишлене эдилер. Ашагъы къаттан, орта къаткъа догъру, орта къаттан юкъары къаткъа мердивен чыкъа эди.

8 Сарайнынъ котерильген платформа устюнде тургъаныны корьдим. Платформа ян одаларнынъ да темели олып, учь метр юксеклигинде эди. 9 Ян одаларнынъ тышкъы дивары эки бучукъ метр къалынлыкъта эди. Сарайнынъ ян одаларынынъ 10 ве башкъа, чевреси боюнджа баргъан одаларнынъ арасындаки бош мейдан он метр ^{▼▼Учь метр; эки бучукъ метр; он метр – къ. еуд. «6 аммах», «5 аммах», «20 аммах».} кенъликте эди. 11 Ян одаларнынъ кириши платформанынъ бош мейданына бакъа эди, бир къапу шимальге, дигер къапу исе дженюпке бакъа эди. Платформанынъ бош мейданы эки бучукъ метр кенъликте Сарайнынъ чевре-четинде эди.

12 Гъарп тарафтан Сарайнынъ артындаки бош ерге бина къошула эди. О, 35 метр кенъликте эди. Диварларынынъ къалынлыгъы эр тарафтан эки бучукъ метр эди. Бинанынъ узунлыгъы 45 метр эди.

13 ^jСонъра адам Сарайны ольчеди. Узунлыгъы 50 метр ^{▼▼35 метр; эки бучукъ метр; 45 метр; 50 метр – къ. еуд. «70 аммах», «5 аммах», «90 аммах», «100 аммах».} эди. Сарайнынъ азбары, Сарайнынъ артындаки бош ер ве бина диварларынен берабер де 50 метр узунлыкъта эдилер. 14 Куньдогъуш тарафында Сарай азбары мейданынынъ кенълиги 50 метр эди. 15 Сонъ адам Сарайнынъ артында олгъан ве азбаргъа бакъкъан бинанынъ ве эки тарафындаки галереянынъ узунлыгъыны ольчеди. 50 метр чыкъты.

Азиз Ернинъ ичи, азбаргъа бакъкъан аят, 16 ^lбосагъалар, пенджереге бенъзеген долафлар, бинанынъ этрафындаки учь къатлы галереялар табандан башлап, пенджереге бенъзеген долафларгъа къадар эр шей агъачнен къаплангъан эди. Дивардаки пенджерелерге ошагъан долафлар да агъачнен къаплангъан эди. 17 Сарайнынъ ички ве тышкъы къапуларнынъ устюне къадар эр шей агъачнен къаплы эди. Сарайнынъ ичиндеки ве тышындаки бутюн диварлар оймаларнен: 18 ^mКерувларнен ве пальмаларнен безетильген эди. Эр эки Керув арасында бирер пальма бар эди. Эр бир Керувнынъ эки бети бар эди: 19 ⁿбир тарафтан пальмагъа бакъкъан инсан бети, ве экинджи тарафтан пальмагъа бакъкъан арслан бети. Сарайнынъ эписинде ойле япылгъан эди. 20 Табандан башлап, къапунынъ устюне къадар Сарайнынъ диварларында Керувларнынъ ве пальмаларнынъ ресимлери бар эди.

21 ^oСарай къапуларынынъ черчивелери дёрт коше эди. Азиз Ернинъ огюнде бир шей бар эди, 22 о, агъачтан ясалгъан къурбан ерине ошай эди. Онынъ юксеклиги – бир бучукъ метр, узунлыгъы ве кенълиги – бир метр ^{▼▼Бир бучукъ метр; бир метр – къ. еуд. «3 аммах», «2 аммах».} эди. Онынъ кошелери, темели ве янлары да агъачтан эди. Адам манъа: «Бу – РАББИнинъ огюнде тургъан столдыр», – деди. 23 Эм Сарайнынъ, эм Азиз Ернинъ къапусы эки къанатлы эди. 24 ^qЭр бир къапунынъ къанаты экишер къысымлы эди. Эки къысмы да ильмеклерде айлана эди. 25 ^rСарайнынъ къапуларында, диварларда олгъаны киби, Керувлар ве пальмалар оюлып ясалгъан эди. Тышарыда аятнынъ огюнде агъач сачакъ бар эди. 26 ^sАятнынъ диварларында, эки тарафтан да, эм Сарайнынъ ян одалары устюнде, эм сачакънынъ устюнде пенджереге бенъзеген долафлар ве пальмалар бар эди.