Eze 45 | CrhCTB | STEP | Джерепке коре топракъны пайлагъанда, РАББИге азиз котериледжек бахшыш оларакъ топракънынъ бир къысмыны айырынъыз. Он эки бучукъ километр узунлыгъында ве он километр кенълигинде пайны айырынъыз. Бу пай эписи сынъырларында азиз топракъ оладжакъ.

‏ Ezekiel 45

Топракънынъ пай этильмеси

1 ^aДжерепке коре топракъны пайлагъанда, РАББИге азиз котериледжек бахшыш оларакъ топракънынъ бир къысмыны айырынъыз. Он эки бучукъ километр узунлыгъында ве он километр ^{▼▼Он эки бучукъ километр; он километр – къ. еуд. «25 000 (аммах)», «20 000 (аммах)».} кенълигинде пайны айырынъыз. Бу пай эписи сынъырларында азиз топракъ оладжакъ. 2 ^cПайнынъ 250 метр узунлыкъта ве 250 метр кенъликте бир квадрат парчасы Азиз Ер ичюн айырылсын, этрафында 25 метр ^{▼▼250 метр; 25 метр – къ. еуд. «500 (аммах)», «50 (аммах)».} къадар бош ер къалсын. 3 Пайда он эки бучукъ километр узунлыкъта ве беш километр кенъликте бир парчаны ольчеп айырынъыз. Шу ерде Азиз Ер, Энъ Мукъаддес Ер олсун. 4 ^eМемлекетнинъ бу азиз пайы Мукъаддес Ерде хызмет эткен ве РАББИге якъынлашып хызмет эткен руханийлернинъ пайы олсун. Мында руханийлернинъ эвлери ве Мукъаддес Ер ичюн айырылгъан Азиз Ер олсун. 5 ^fОн эки бучукъ километр узунлыкъта ве беш километр кенъликте олгъан пайнынъ башкъа парчасы Эвде хызмет эткен левийлилернинъ мулькю олсун. Мында оларнынъ яшагъан шеэрлери олсун ^{▼▼Я да «Мында оларнынъ йигирми одалары олсун».}.

6 ^hАзиз пайнынъ янындаки эки бучукъ километр ^{▼▼Эки бучукъ километр – къ. еуд. «5 000 (аммах)».} кенълигинде ве он эки бучукъ километр узунлыгъында топракъ пайыны шеэр ичюн айырынъыз, бу бутюн Исраиль халкъы ичюн олсун.

Ёлбашчынынъ пайы

7 ^jАзиз топракъ пайынынъ ве шеэрге айырылгъан топракъ пайынынъ эки янындаки топракъ пайыны ёлбашчыгъа беринъиз. Шу топракъ азиз ернинъ ве шеэр топрагъынынъ гъарп сынъырындан гъарп тарафкъа ве шаркъ сынъырындан шаркъ тарафкъа узансын. Ёлбашчы пайынынъ узунлыгъы Исраиль къабилелерине тюшкен пайларнынъ узунлыгъы киби олсун, о, мемлекетнинъ гъарп кенарындан шаркъ кенарынадже узансын. 8 Бу топракъ онынъ Исраильдеки пайы оладжакъ. Илериде ёлбашчылар халкъымны хорламасынлар ве Исраиль халкъына къабилелерине коре топракъ айырсынлар.

Теразе ве ольчюлер

9 ^kРАББИ-ТААЛЯ шойле дей:

– Исраиль ёлбашчылары, етер! Зулумлыкъ этмеге ве хорламагъа токътанъыз! Адалетли ве догъру арекет этинъиз. Меним халкъымны топракъларындан къувманъыз, – дей РАББИ-ТААЛЯ. 10 ^l– Догъру теразелерни къулланынъыз, эфа ве бат ольчюлеринъиз догъру олсун. 11 Эфа ве бат бир ольчюде олсунлар. Бат – хомернинъ онда бир къысмы, эфа – хомернинъ онда бир къысмы. Эм эфанынъ, эм батнынъ ольчюси хомерге коре олсун. 12 ^mБир шекельде – 20 гера, бир манеде 60 шекель ^{▼▼60 шекель – къ. еуд. «20 шекель, 25 шекель ве 15 шекель».} олсун.

Бахшышлар

13 Сизлер бойле бахшышларны кетирмек керексинъиз: эр беш чувал богъдайдан бир бучукъ чанакъ богъдай, эр беш чувал арпадан бир бучукъ чанакъ ^{▼▼Эр беш чувалдан бир бучукъ чанакъ – къ. еуд. «эр бир хомерден эфанынъ алтыда бири».} арпа, 14 эр беш чапчакъ зейтюн ягъындан бир чанакъ ^{▼▼Эр беш чапчакътан бир чанакъ – къ. еуд. «эр бир кордан батнынъ онда бири».} ягъ кетиринъиз. (Эр кор ве хомерде он бат бар.) 15 Исраиль отлакъларындаки айванларындан 200 къойдан бир къой берильсин. Булар ашлыкъ бахшышлары, бутюнлей якъыладжакъ къурбанлар ве аманлыкъ бахшышлары оларакъ кетирильсин, олар ичюн одеме этильсин, – дей РАББИ-ТААЛЯ. 16 – Бутюн мемлекет халкъы бу бахшышларны Исраильнинъ ёлбашчысына кетирсинлер. 17 ^qЁлбашчы Исраильде кечирильген бутюн байрамларына – янъы ай байрамларына, афталыкъ раатлыкъ куньлерине ве Исраиль халкъы ичюн тайинленген башкъа тантаналы мерасимлерге бутюнлей якъыладжакъ къурбанларны, ашлыкъ бахшышларыны ве тёкюледжек бахшышларны кетирмек борджлу. О, гуналар ичюн къурбанларны, ашлыкъ бахшышларыны, бутюнлей якъыладжакъ ве аманлыкъ къурбанларыны, Исраиль халкъы ичюн одеме этильсин деп, бермек керек.

18 ^rРАББИ-ТААЛЯ шойле дей: Биринджи айнынъ биринджи куню къусурсыз бир яш бузавны ал да, Азиз Ерни темизле. 19 ^sРуханий, гуналар ичюн кетирильген бу къурбаннынъ къаныны алып, Эвнинъ къапу первазларына, къурбан ери мейданчыгъынынъ дёрт кошесине ве ички азбар къапусынынъ первазларына оны сепсин. 20 Айнынъ единджи куню айны шу шейлерни яп. Эр бир янълышып я да бильмейип гуна япкъан адам ичюн шуны яп. Бойле этип, сиз Эв ичюн одеме этеджексинъиз.

21 ^tБиринджи айнынъ 14-юнджи куню сизде Песах Байрамы олсун. Бу байрамда еди кунь девамында маясыз пителерни ашамакъ керек. 22 Шу куню ёлбашчы озюнинъ ве бутюн мемлекет халкъынынъ гуналары ичюн къурбан оларакъ яш бузавны чалсын. 23 ^uБайрамнынъ еди кунюнинъ эр биринде ёлбашчы РАББИге бутюнлей якъыладжакъ къурбан оларакъ едишер къусурсыз бузавны ве едишер къусурсыз къочкъарны берсин. Гуналар ичюн къурбан оларакъ эр кунь бир текени берсин. 24 ^vАшлыкъ бахшышлары оларакъ, эр бузав ве къочкъар ичюн ярым чувал ун кетирсин. Эр ярым чувал уннен эки чанакъ ^{▼▼Ярым чувал; эки чанакъ – къ. еуд. «бир эфа», «бир хин».} зейтюн ягъыны берсин.

^xЕдинджи айнынъ 15-инджи куню башлангъан ве еди кунь девам эткен байрамда ёлбашчы айны къурбанларны ве бахшышларны кетирсин: гуналар ичюн къурбанларны, бутюнлей якъыладжакъ къурбанларны, ашлыкъ бахшышларыны ве зейтюн ягъыны берсин.25