Eze 48 | CrhCTB | STEP | Къабилелернинъ адлары булардыр. Шималь сынъырындан, Хетлон ёлу тарафында, Лево-Хаматкъа ве Хацар-Энон шеэрине (демек, Дамаскнынъ шималий сынъырында ве Хаматнынъ сынъырында) къадар, шаркътан гъарпкъадже узангъан топракъ Даннынъ пайы оладжакъ.

‏ Ezekiel 48

Топракънынъ пайлаштырылмасы

1 ^aКъабилелернинъ адлары булардыр. Шималь сынъырындан, Хетлон ёлу тарафында, Лево-Хаматкъа ве Хацар-Энон шеэрине (демек, Дамаскнынъ шималий сынъырында ве Хаматнынъ сынъырында) къадар, шаркътан гъарпкъадже узангъан топракъ Даннынъ пайы оладжакъ.

2 ^bДаннынъ пайынен сынъырлангъан, шаркътан гъарпкъадже узангъан топракъ Ашернинъ пайы оладжакъ.

3 ^cАшернинъ пайынен сынъырлангъан, шаркътан гъарпкъадже узангъан топракъ Нафталийнинъ пайы оладжакъ.

4 ^dНафталийнинъ пайынен сынъырлангъан, шаркътан гъарпкъадже узангъан топракъ Менашшенинъ пайы оладжакъ.

5 ^eМенашшенинъ пайынен сынъырлангъан, шаркътан гъарпкъадже узангъан топракъ Эфраимнинъ пайы оладжакъ.

6 ^fЭфраимнинъ пайынен сынъырлангъан, шаркътан гъарпкъадже узангъан топракъ Рубеннинъ пайы оладжакъ.

7 ^gРубеннинъ пайынен сынъырлангъан, шаркътан гъарпкъадже узангъан топракъ Ехуданынъ пайы оладжакъ.

8 ^hЕхуданынъ пайынен сынъырлангъан, шаркътан гъарпкъадже узангъан 12,5 километр ^{▼▼Он эки бучукъ километр – къ. еуд. «25 000 (аммах)».} кенълигинде РАББИге багъышлангъан топракъ пайы оладжакъ. Шаркътан гъарпкъадже узунлыгъы эр бир къабилеге тюшкен пайнынъ узунлыгъы киби оладжакъ. Онынъ ортасында Азиз Ер ерлешеджек.

9 ^jРАББИге багъышланаджакъ топракъ пайы 12,5 километр узунлыкъта ве беш километр ^{▼▼Беш километр – къ. еуд. «10 000 (аммах)».} кенъликте оладжакъ. 10 Бу, руханийлерге берильген азиз топракъ бахшышы оладжакътыр. О, шималь тарафтан 12,5 километр узунлыкъта, гъарп тарафтан беш километр кенъликте, шаркъ тарафтан беш километр кенъликте, ве дженюп тарафтан 12,5 километр узунлыкъта оладжакътыр. Онынъ ортасында РАББИнинъ Азиз Ери ерлешеджектир. 11 ^lБу пай Цадокъ союндан олгъан, азиз этильген руханийлерге багъышлангъандыр. Олар Меним хызметимде булундылар. Исраиллилер ёлдан урулгъанда, левийлилер де ёлдан урулдылар, Цадокънынъ огъуллары исе Менден вазгечмедилер. 12 Оларгъа багъышлангъан пайы, улу азизлик, РАББИге багъышлангъан топракъ пайында оладжакъ. Оларнынъ пайы левийлилернинъ топракъ пайынен сынъырланаджакъ.

13 ^mЛевийлилернинъ топракъ пайы руханийлернинъ топрагъы янында, 12,5 километр узунлыкъта ве беш километр кенъликте оладжакъ. Бутюн бу эки топракъ пайынынъ узунлыгъы 12,5 километр, ве кенълиги он километр ^{▼▼Он километр – къ. еуд. «20 000 (аммах)».} оладжакъ. 14 Бу пайларнынъ топрагъыны не сатмагъа, не де башкъа пайгъа денъиштирмеге, не башкъаларнынъ къолуна кечирмеге мумкюн дегиль. Бу топракъ – РАББИнинъ азиз топрагъыдыр.

15 ^o2,5 километр ^{▼▼2,5 километр – къ. еуд. «5 000 (аммах)».} кенълигинде ве 12,5 километр узунлыгъында къалгъан топракъ азиз дегиль, анда шеэр олсун. Топракъта халкъ ерлешсин ве айванларыны отлатсын, ортасында исе шеэр олсун. 16 ^qШеэрнинъ ольчюлери бойле олсун: шималь тарафы 2,25 километр ^{▼▼2,25 километр – къ. еуд. «4 500 (аммах)».}, дженюп тарафы 2,25 километр, шаркъ тарафы 2,25 километр ве гъарп тарафы да 2,25 километр. 17 Шеэрнинъ чевресинде ачыкъ мейдан олсун: шимальде 125 метр ^{▼▼125 метр – къ. еуд. «250 (аммах)».}, дженюпте 125 метр, шаркъта 125 метр, гъарпта 125 метр. 18 Азиз топракънен сынъырлангъан, шеэрнинъ эки тарафында къалгъан топракъ шаркъ тарафына беш километр ве гъарп тарафына да беш километр узунлыгъында оладжакъ. Бу топракълар левийлилерге берильген азиз топракънен сынъырланаджакъ. Шу топракънынъ берекети шеэрде чалышкъанларны ашатаджакъ. 19 Шеэрде чалышкъанлар Исраильнинъ эписи къабилелеринден оладжакъ. Олар да топракъны ишлейджеклер.

20 Бутюн топракъ пайы дёрт коше олып, шеэр топрагъынен ве РАББИге бериледжек азиз топракъ бахшышынен бирликте 12,5 километр узунлыкъта ве 12,5 километр кенъликте олсун.

21 ^tАзиз топракъ пайынынъ ве шеэр топракъларынынъ тышында къалгъан эки тарафындаки топракъ ёлбашчынынъ пайы оладжакъ. Онынъ пайы 12,5 километр кенъликте олып, азиз топракъ пайындан шаркъ сынъырына къадар узанаджакъ. 12,5 километр кенъликте олып, азиз топракъ пайындан гъарп сынъырына къадар да узанаджакъ. Бу эки топракъ пайы ёлбашчынынъки оладжакъ. Оларнынъ узунлыгъы къабилелернинъ пайларынынъ узунлыгъынен бир оладжакъ. Ёлбашчынынъ топракъ пайлары арасында РАББИге багъышлангъан азиз топракъ пайы ве Эвнен Азиз Ер ерлешеджеклер. 22 Левийлилернинъ топракъ пайы ве шеэр топракъ пайы ёлбашчынынъ топракъ пайлары арасында ерлешеджек. Ёлбашчынынъ топракъ пайы Ехуда пайынынъ ве Биньямин пайынынъ арасында ерлешеджек.

23 ^uКъалгъан къабилелерге кельгенде, шаркътан гъарпкъадже узангъан топракъ Биньяминнинъ пайы оладжакъ.

24 ^vБиньяминнинъ пайынен сынъырлангъан, шаркътан гъарпкъадже узангъан топракъ Шимеоннынъ пайы оладжакъ.

25 ^wШимеоннынъ пайынен сынъырлангъан, шаркътан гъарпкъадже узангъан топракъ Йиссакъарнынъ пайы оладжакъ.

26 ^xЙиссакъарнынъ пайынен сынъырлангъан, шаркътан гъарпкъадже узангъан топракъ Зевулуннынъ пайы оладжакъ.

27 ^yЗевулуннынъ пайынен сынъырлангъан, шаркътан гъарпкъадже узангъан топракъ Гъаднынъ пайы оладжакъ.

28 ^zГъаднынъ пайы мемлекетнинъ дженюбий топрагъы оладжакъ. Онынъ сынъыры Тамардан Мериват-Къадешнинъ сувларына къадар, сонъра озен бою Акъ денъизге къадар узанаджакъ.

29 Мемлекетнинъ Исраиль къабилелерине бериледжек топрагъы ве болюнген пайлары будыр, – дей РАББИ-ТААЛЯ.

Шеэр къапулары

30 Мына шеэр чыкъышлары.

2,25 километр узунлыгъындаки шималь тарафта 31 ^aaучь дане къапу оладжакъ. Шеэрнинъ къапулары Исраиль къабилелерининъ адларыны ташый: Рубен Къапусы, Ехуда Къапусы ве Левий Къапусы.

32 2,25 километр узунлыгъындаки шаркъ тарафта учь дане къапу оладжакъ: Юсуф Къапусы, Биньямин Къапусы ве Дан Къапусы.

33 2,25 километр узунлыгъындаки дженюп тарафта учь дане къапу оладжакъ: Шимеон Къапусы, Йиссакъар Къапусы ве Зевулун Къапусы.

34 2,25 километр узунлыгъындаки гъарп тарафта учь дане къапу оладжакъ: Гъад Къапусы, Ашер Къапусы ве Нафталий Къапусы.

35 ^abДиварнынъ умумий узунлыгъы докъуз километр ^{▼▼Докъуз километр – къ. еуд. «18 000 аммах».} оладжакъ.

Бундан сонъ шеэрнинъ ады «РАББИ анда!» оладжакъ.