Genesis 12:1-5
Рабби Ибрамны чагъыра
1 aРАББИ Ибрамгъа: – Озь юртунъдан чыкъып, сой-сопларынъны ве баба эвини къалдыр да, Мен санъа косьтереджек ерге кет. 2Мен сенден буюк халкъ асыл этерим, сени багъышларым, адынъны намлы этерим.Сен озюнъ Алланынъ бахшышы ол!
3 bСени багъышлагъанларны багъышларым, сени къаргъагъанларны къаргъарым.
Сенинъ ярдымынънен ер юзюндеки бутюн халкълар эйилик тападжакълар! – деди.
4Ибрам, РАББИ айткъаны киби, ёлгъа чыкъты. Ибрамнен берабер Лут да кетти. Харан шеэринден чыкъкъанда, Ибрам 75 яшында эди. 5Ибрам къадыны Сарейни, огълан къардашынынъ огълу Лутны, озюнинъ Харандаки бутюн ишлеп тапылгъан мал-мулькюни ве эписи хызметчилерини янына алып, Ханаан мемлекетине ёл алды ве анда кельди.
Copyright information for
CrhCTB