Genesis 18:3-8
3– Эфендим, эгер урьметинъе малик олгъан олсам, огюмден кечме. 4Сизге аякъ ювмагъа сув кетирирлер. Терек тюбюне отурып раатланынъыз. 5 aСизге къапынмакъ ичюн, отьмек кетиририм. Сонъ кетерсинъиз, эписи бир огюмден, къулунъызнынъ огюнден кечесинъиз, – деди. – Яхшы, – дедилер олар, – ойле де яп. 6Ибраим чадыргъа чапып кирди ве Сареге: – Тез-тез учь буюк савут ▼▼Ольчю – къ. еуд. «учь сеа».
энъ яхшы ун ал да, хамыр басып, пите пишир, – деди. 7Сонъ Ибраим сюрю тарафкъа чапып кетти, яш, яхшы бакъылгъан бузавчыкъны алып, къулуна берди. Къулу оны тез-тез азырламагъа ашыкъты. 8Ибраим мусафирлернинъ оглерине къаймакъ, сют, пишкен бузав этини къойды да, озю терек тюбюнде турып, оларнынъ ашагъанларыны бекледи.
Copyright information for
CrhCTB