j Збр 118.166
Genesis 49
Якъуп озь огъулларыны багъышлай
1Якъуп огъулларыны чагъырып, бойле деди: – Топлашынъыз, сизлернен келеджекте не оладжагъыны сизге хабер этеджегим. 2Якъупнынъ огъуллары, топланынъыз, бабанъыз Исраильни динъленъиз! 3Рубен! Сен меним биринджи догъгъан огълум,меним такъатымсынъ,
акъайлыгъымнынъ ильк козьайдыны,
дегер ве къудретнинъ юкъары нокътасысынъ.
4 aСен сувлар дайын къутургъан оласынъ.
Эндиден сонъ энъ буюк олмайджакъсынъ,
чюнки сен бабанънынъ тёшегинде яттынъ
ве тёшегини арамладынъ.
5 bШимеон ве Левий керчектен де агъа-къардашлардыр;
оларнынъ къылычлары – мераметсиз алетлердир!
6Оларнынъ япкъан ишлерине мен къошулмайым,
топлашувларына шуретим даркъалмасын.
Олар гъазапларында акъайларны ольдюрдилер,
бош истеклерине коре бузавларны сойдылар.
7 cОларнынъ гъазабы, шефкъатсыз олгъаны ичюн, лянет олсун,
афакъанлары, дешетли олгъаны ичюн, лянет олсун!
Якъупнынъ огъуллары арасында оларны болерим,
Исраиль огъуллары арасында дагъытып сеперим.
8 dЕхуда! Агъа-къардашларынъ сени макътарлар.
Сенинъ къолунъ душманларынънынъ бойнунда олур.
Агъа-къардашларынъ санъа къатланаджакълар.
9 eЕхуда огълум, сен яш арслансынъ,
гъаниметинънинъ устюнден котерилесинъ.
О, арслан дайын, ер устюнде пысып отурды –
оны раатсыз этмеге кимнинъ джесарети етер?
10 fЕхуданынъ къолундан акимиет таягъы тюшмез,
аякъларынынъ янындан акимдарнынъ таягъы кетмез.
Сонъ Шило келеджек,
ве халкълар онъа боюн эгеджеклер.
11О, эшегини юзюм чубугъына багълай,
эшек баласыны энъ яхшы юзюм чубугъына багълай.
Урбаларыны шарап ичинде юва,
кийимлерини – салкъымларнынъ къанында.
12Козьлери шараптан къара,
тишлери сюттен бем-беязлар.
13 gЗевулун денъиз ялысында яшар,
гемилер искелеси олур.
Сынъыры Сидон шеэринедже олур.
14Йиссакъар юклер арасында узанып яткъан сагълам эшек.
15Раатлыкъ яхшы олгъаныны
ве бу топракъ хош кельгенини корип,
сыртыны юк тюбюне эгди ве къул олды.
16 hДан озь халкъына акимдарлыкъ этеджек,
Исраильнинъ башкъа къабилелери киби оладжакъ.
17 iДан ёлда яткъан йылан олур,
атлы аттан йыкъылып кетсин деп,
атнынъ аягъыны чакъкъан,
ёл четиндеки зеэрли йылан оладжакъ.
18 jРАББИм, Сенинъ къуртарувынъа умют этем!
19Гъадны бир сюрю ёлбасар басаджакълар,
о исе, оларны басып, пешлеринден къувалайджакъ.
20Ашернинъ ашы берекетли олур,
о, падишанынъ софрасына ляйыкъ ашларны еткизеджек.
21Нафталий – сербест сыгъын кибидир.
О, аджайип балалар асыл эте.
22Юсуф – махсулдар терекнинъ пытагъыдыр,
чокъракъ устюнден оськен махсулдар терекнинъ пытагъыдыр.
Онынъ пытакълары дивар устюнден осип кетелер.
23Окъчулар онъа душманлыкъ этип
ве окълар атып, уджюм эттилер.
24 kЛякин онынъ яйы даима къавий къала эди.
Къолларынынъ къавийлиги –
Якъупнынъ Кучьлю Алласындандыр,
Чобаннынъ адындан ве Исраильнинъ Къаясындандыр,
25баба-деделеринънинъ Алласындандыр!
О, санъа ярдым этер!
О – Къудретли Алла,
О, сени юкъарыдаки коклернинъ багъышлавларынен,
ашагъыдаки буюк теренликнинъ багъышлавларынен,
эмчек ве къурсакънынъ багъышлавларынен багъышлар!
26 lБабанънынъ багъышлавлары
эбедий дагъларнынъ багъышлавларындан
ве къадимий тёпелернинъ яхшылыкъларындан буюктир.
Олар Юсуфнынъ башында,
агъа-къардашларынынъ арасындан сечилип алынгъан
Юсуф башынынъ тёпесинде олсун ▼
▼Еудий метини даа «Чечек ве башакъларнынъ багъышлавлары, къадимий дагъларнынъ багъышлавлары, эбедий тёпеликлернинъ бол бахшышы» деп терджиме этильмек мумкюн.
.27 nБиньямин – йыртыджы къашкъыр,
саба о, туткъаныны ашай,
акъшам исе гъаниметини боле.
28Будыр – исраиллилернинъ он эки къабилеси ве бабаларынынъ оларгъа айткъан шейлери. Оларнынъ бабасы Исраиль оларны багъышлады, эр бирини айры багъышлады. 29Сонъ Якъуп огъулларына бойле эмир берди: – Мен о бир дюньягъа, озь халкъыма кетем. Мени хитли Эфроннынъ тарласында олгъан къобада баба-деделеримнен берабер дефн этинъиз. 30Бу къоба Ханаан топрагъында, Мамренинъ янында, Макъпела тарласындадыр. Бу къобаны ве тарланы Ибраим мезар ери оларакъ хитли Эфрондан сатын алды. 31 oАнда Ибраим ве онынъ апайы Саре дефн этильгенлер, анда Исхакъ ве апайы Рефикъа дефн этильгенлер, анда мен Леаны да дефн эттим. 32Бу тарла ве устюндеки къоба Хет огъулларындан сатын алынгъандыр. 33Огъулларына эмирини берген сонъ, Якъуп аякъларыны тёшегине къойды ве кечинип, озь халкъына, о бир дюньягъа кетти.
Copyright information for
CrhCTB