h Збр 101.26-28
Hebrews 1
Алла Огълу ярдымынен айта
1Эски заманларда Алла бир къач кере тюрлю ёлларнен баба-деделеримизге Озь истеклерини пейгъамберлернинъ ярдымынен бильдире эди. 2 aБу сонъки куньлерде исе О, бизге Озь сёзлерини Огълунынъ ярдымынен айта эди. Алла дюньядаки эр шейни Озь Огълунен яратып, Онъа бутюн барлыкъны мирас оларакъ берген. 3 bОгълунда Алланынъ Шурети парылдай, ве Онда Алланынъ Озю дос-догъру бутюнлей корюне. О, Озь къудретли Сёзюнен дюньядаки эр шейни бирликте багълап тура. Гуналар ичюн одеме эткен сонъ, О, юксекликтеки Юдже Алланынъ онъ тарафында ерлешти.Огъул мелеклерден юкъары
4 cМелеклерге бакъкъанда, Огъул зияде яхшы олды, ве оларгъа коре Онъа дюльбердже бир ад берильди. 5 dАлла мелеклернинъ ич бирине: «Сен Меним Огълумсынъ. Бугунь Мен Санъа Баба олдым» я да: «Мен Онынъ Бабасы олурым, ве о – Меним Огълум олур», – демеген эди. 6 eБундан гъайры, Алла Озь Биринджи Огълуны дюньягъа алып кирсеткенде, даа дей ки, Алланынъ эр бир мелеклери Онъа ибадет этсин. 7 fМелеклер акъкъында, Алла мелеклерини рухларгъа чевире, хызметчилерини алевленген атешке айландыра, дениле. 8Огъул акъкъында исе бойле айтыла: «Эй, Алла, Сенинъ тахтынъ эбедийдир; догърулыкънен падишалыкъ япасынъ.9 gСен адалетни севесинъ, акъсыз ишлерни исе кореджек козюнъ ёкъ эди.
Шунынъ ичюн Алла, Сенинъ Алланъ, Сенинъ башынъа къуванчнен ягъны тёкти,
Сени аркъадашларынъдан устюн къойды».
10Даа бойле язылгъан: – Я Рабби, башында ерни Сен яраткъансынъ,
коклер де – Сенинъ къолларынънынъ ишидир.
11Олар ёкъ олып кетеджек, амма Сен къаладжакъсынъ.
Бир урба киби, эписи ипранаджакъ;
12 hСен оларны, эски килимни киби, сараджакъсынъ,
кирли урба дайын, денъиштиреджексинъ.
Сен Озюнъ исе денъишмейджексинъ, Сенинъ йылларынъ ич битмейджек.
13 iАлла ич бир вакъыт мелеклернинъ бирине: «Душманларынъны аякъларынъ ичюн курсю япмагъанымдже, Меним онъ тарафымда отур!» – демеген эди. 14 jМелеклернинъ эписи – тек хызмет эткен рухлардыр, олар къуртулышны аладжакъ адамларгъа хызмет этмек ичюн ёлланылгъандыр.
Copyright information for
CrhCTB