a Рим 8.24; 2 Кор 4.18
b Баш 1.6-7; Збр 32.6; 2 Пётр 3.5
c Баш 4.3-8; Мт 23.35; 1 Юх 3.12
d Баш 5.22-24
e Баш 6.9-22
f Баш 12.1-4
gБаш 12.8; 13.3; 18.1
hЕуд 12.22; Сыр 21.2
iБаш 21.2
jБаш 22.17; Рим 4.19
k Баш 23.4; Мт 13.17; Лк 10.24
lБаш 26.24; 28.13
m Баш 21.12; 22.1-10; Рим 9.7
nРим 4.17-19
o Баш 27.27-29, 39-40
p Баш 47.31; 48.17-19
q Баш 50.24-25
r Чыкъ 2.2-3; Фаал 7.20
tЧыкъ 2.10-11
u1 Юх 2.17
vЕуд 13.13
wЧыкъ 12.37; 13.18
xЧыкъ 12.21-30
y Чыкъ 14.21-30
z Ехо 6.15, 20
aa Ехо 2.1; 6.24; Мт 1.5; Якъ 2.25
ab Къад 4.6-16; 6.11–8.32; 11.1–12.7; 13.24–16.31; 1 Пад 1.20; 16.13
acКъад 14.6; Дан 6.22
adКъад 7.21; 1 Пад 17.51; 2 Пад 12.29; Дан 3.23-27
ae3 Пад 17.22-23; 4 Пад 4.35-37
afБаш 39.20; Йрм 20.2; 37.15; Мт 21.35; Мк 16.18
ag3 Пад 18.4; 4 Пад 1.8; 2 Тар 24.21; Йрм 26.23
ahКъад 6.2; 1 Пад 22.1
aiФлп 3.12; Еуд 12.23

‏ Hebrews 11

Иман

1 aИман – бекленильген шейни алмагъа ишанч ве корюльмеген шейде эминликтир. 2Эвель заманларда яшагъанлар Алладан макътав иманлары ичюн къазандылар.

3 bИман ярдымынен анълаймыз ки, дюнья Алланынъ Сёзюнен яратылды ве корюнген шейлер корюнмегенлерден пейда олды.

4 cХабиль Хаинге коре Аллагъа яхшыджа къурбанны иман ярдымынен кетирди. Хабиль иманнен инсафлы олып косьтерильди, чюнки Алла онынъ бахшышларыны къабул этип, онъа разылыкъ бильдирди. Хабиль ольген олса да, иманнен але даа лаф эте.

5 dХанокъ иман ярдымынен ольмейип, юкъарыгъа алынды. О тапылмады, чюнки Алла оны юкъарыгъа алгъан эди. Юкъарыгъа алынмаздан эвель, о, Алланынъ разылыгъыны къазангъаны акъкъында хабер алды.

6Адамнынъ иманы олмаса, Алланынъ разылыгъыны къазанмагъа мумкюн дегиль. Ким Аллагъа якъынлашмагъа истесе, Алланынъ бар олгъанына ве Оны къыдыргъанларгъа мукяфат бергенине инанмакъ керек.

7 eНух даа корюнмеген, амма келеджек шейлер акъкъында хабер алгъанда, озь эв адамларыны къуртармакъ ичюн, Алладан къоркъып, иман ярдымынен буюк бир сандыкъ ясады. О, иман ярдымынен дюньяны укюм этти, озю исе иманы ичюн инсафлы деп сайылды.

8 fИбраим Алланы иман ярдымынен динъледи. Алла оны чагъыргъанда, Ибраим къайда бараджагъыны бильмейип, онъа бериледжек мемлекетке ёлгъа чыкъты. 9 gИбраим иман этип, Алла онъа бермеге сёз берген ерде ябанджы олса да, анда ерлешти. Алла огълу Исхакъкъа ве торуны Якъупкъа да шу мемлекетни бермеге сёз берген, лякин оларнынъ эписи анда, гъурбетликте киби, чадырларда яшай эдилер. 10 hИбраим башкъа ерни, Алла тюшюнип тапкъан ве къургъан къавий темелли шеэрни беклей эди. 11 iСаре де, бала тапып оламагъан ве яшы кечкен олса да, иман этип, сёз берген Алланынъ садыкълыгъына инанды ве юклю олмагъа кучь тапты. 12 jШунынъ ичюн бир адамдан, энди пек къартайгъан Ибраимден, коктеки йылдызлар ве денъиз ялысындаки къум киби сайысыз эвлятлар догъды.

13 kБу адамларнынъ эписи оларгъа берген сёзлернинъ беджерилювини корьмейип, иманлы олып ольдилер. Олар ваделернинъ беджерилювини келеджекте олгъаныны корьди ве къувандылар, озьлери исе, ер юзюнде олар тек ябанджы ве кельмешеклер, дей эдилер. 14Бойле лаф эткен адамлар ветан къыдыргъаныны косьтерелер. 15Эгер олар озьлери айырылгъан ветаныны акъылда тутсалар эди, анда къайтып бармагъа мумкюн олур эди. 16 lАмма олар даа яхшы коктеки ветангъа ынтыла эдилер. Шунынъ ичюн Алла оларнынъ Алласы олмагъа утанмай. О, оларгъа бир шеэр азырлады.

17– 18 mАлла Ибраимни сынавдан кечиргенде, Ибраим иман этип, огълу Исхакъны къурбан оларакъ кетирди. Алла Ибраимге: «Сенинъ эвлятларынъ оларакъ Исхакътан чыкъкъанлар сайыладжакълар», – деп сёз берген олса да, Ибраим бирден-бир огълуны къурбан оларакъ кетирмеге азыр эди. 19 nИбраим, Алланынъ олюлерни тирильтмеге кучю бар, деп тюшюнди. Шунынъ ичюн о санки Исхакъны олюмден къайтарып алды.

20 oИсхакъ Якъуп ве Исав огъулларына иман ярдымынен яхшылыкъ тиледи ве оларгъа оладжакъ шейлер акъкъында айтты.

21 pЯкъуп исе олеяткъанда, озь таягъына таянып, Аллагъа ибадет этти ве иман этип, Юсуфнынъ эр бир огълуна яхшылыкъ тиледи.

22 qЮсуф да олеяткъанда, иман ярдымынен Исраиль огъулларынынъ Мысырдан чыкъып кетеджеклери акъкъында айтты ве онынъ кемиклерини андан алып кеткенлерини буюрды.

23 rМуса догъгъан сонъ, ана-бабасы иман ярдымынен оны учь ай девамында сакъладылар, баланынъ дюльбер олгъаныны корип, фыравуннынъ эмиринден ▼
▼Фыравуннынъ буюргъанына коре, эписи догъгъан огъланчыкълар ольдюрильмек керек эдилер.
 къоркъмадылар. 24 tМуса буюген сонъ, фыравун къызынынъ огълу олып къалмагъа иман ярдымынен разы олмады. 25 uГуна япып, вакътынджа кейфленир эди, лякин Алланынъ халкъынен азап чекмеге истеди. 26 vО, оладжакъ мукяфатыны коре эди, шунынъ ичюн Алланынъ Сайлангъаны ичюн азаплары Мысырнынъ къыйметли шейлеринден буюк байлыкъ олгъаныны сайды. 27 wФыравуннынъ гъазабындан къоркъмайып, о, иманнен Мысырны ташлап кетти. О, корюнмеген Алланы корьгени киби, къатты эди. 28 xО, иман ярдымынен Песах къурбаныны чалды ве къапуларгъа къаныны сюртти. Шунынъ ичюн биринджи догъгъанларны ольдюрген мелек исраиллилерни тиймеди.

29 yИсраиллилер Къызыл денъизден, къуру топракътан киби, иман ярдымынен кечтилер. Мысырлылар исе кечмеге арекет этип, богъулып ольдилер.

30 zИсраиллилер еди кунь Ерихон шеэрининъ диварлары этрафында иман ярдымынен айланып кечкенден сонъ, диварлар йыкъылды.

31 aaОроспу Рахав джасусларны иман ярдымынен муаббетликнен къаршылады ве имансызларнен берабер гъайып олмады.

32 abДаа не айтайым? Гидон, Баракъ, Шимшон, Йифтах, Давут, Смаил ве башкъа пейгъамберлер акъкъында икяе этмек ичюн вакътым етмез. 33 acОлар иман ярдымынен падишалыкъларны енъе, адалетни сакълай, оларгъа берген сёзлернинъ беджерилювини коре, арсланларнынъ агъызларыны къапата, 34 adатешнинъ кучюни сёндюре, къылыч уджундан къачып къуртула, кучьсюзликтен сонъ къуветке кире, дженкте къудретли ола, ябанджы ордуларны къува эдилер. 35 aeКъадынлар озь олюлерининъ тирильгенини корьдилер. Базылары исе, тирильген сонъ яхшыджа яшайышкъа ынтылып, азат этилювни къабул этмедилер ве азапларда ольдилер. 36 afБашкъалары мыскъылларгъа ве котеклерге, эм де зынджырларгъа ве зинданларгъа даяна эдилер. 37 agОларны ташларнен ура, пычкъынен пыча, къыйнавгъа огърата, къылычнен ольдюре эдилер. Олар къой ве эчки терисине кийинип долаша, ёкъсуллыкъта, дертлерде ве азапларда яшай эдилер. 38 ahОлар сахраларда ве дагъларда долашып, къобаларда ве ернинъ дерелеринде омюрни кечире эдилер. Ярамай дюнья оларгъа ляйыкъ дегиль эди.

39Оларнынъ эписи иманлары ичюн макътав къазандылар, амма оларгъа берильген сёзлернинъ беджерилювини корьмедилер, 40 aiчюнки, олар бизнен берабер къусурсыз олсунлар деп, Алла бизге де насылдыр бир яхшы шейни азырлады.
Copyright information for CrhCTB