a Еуд 12.15
bЗбр 94.11; Еуд 3.11
cБаш 2.2
dЗбр 94.11
eЕуд 3.19
fЗбр 94.7-8
g Текр 31.7
iЭф 6.17; Сыр 1.16
j2 Тар 16.9; Эюп 34.21; Збр 89.8; 138.2-3
k Эф 4.10; Еуд 2.17-18; 7.26
lЛк 23.41; Юх 8.46; 1 Пётр 2.22; 1 Юх 3.5; 2 Кор 5.21

‏ Hebrews 4

1 aШунынъ ичюн мукъайт олунъыз, Алланынъ раатлыкъ ерине кирмеге имкян даа олгъанда, сизлерден ич бир адам кеч къалмасын. 2Бизлер, олар киби, бу яхшы хаберни эшиттик, амма олар эшиткен сёзлерни иманнен къабул этмегенлери ичюн, эшиткенлерининъ файдасы ёкъ эди. 3 bЛякин эгер биз инансакъ, раатлыкъ ерине кирермиз. Инанмагъанлар акъкъында исе Алла бойле деген: «Мен гъазапланып, ант эттим:
“Олар мытлакъа Меним раатлыкъ ериме кирмейджеклер”».

Дюнья яратылгъандан берли Алла бутюн ишлерини битирди. 4 cЯзынынъ бир еринде единджи кунь акъкъында айтылгъан ки, Алла единджи куню Озюнинъ бутюн ишлеринден раатланды. 5 dАмма кене, бойле айтылгъан: «Олар Меним раатлыкъ ериме кирмейджеклер». 6 eДемек, даа базылары кирмек мумкюнлер. Эвельден яхшы хаберни эшиткен адамлар имансызлыгъы ичюн раатлыкъ ерине кирмеди. 7 fШунынъ ичюн чокъ вакъыттан сонъ Алла башкъа бир кунни, демек, «бугуньки кунни» айырды ве, юкъарыда айтылгъаны киби, Давутнен бойле деди: «Бугунь Алланынъ сесини эшитсенъиз, юреклеринъизни таш этменъиз!»

8 gЭгер Ехошуа ▼
▼Ехошуа Мусанынъ издеши эди. О, исраиллилерни Алла оларгъа ваде эткен мемлекетке кирсетеджек эди.
 Исраиль огъулларыны раатлыкъ ерине кирсеткен олса, бундан сонъ Алла башкъа бир кунь акъкъында айтмаз эди. 9Демек, Алланынъ халкъы ичюн даа раатлыкъ вакъты бар. 10Онынъ раатлыкъ ерине кирген адам, Алла Озь ишлеринден насыл раатлангъан олса, озь ишлеринден бойле де раатланаджакъ. 11Бойлеликнен, раатлыкъ ерине кирмеге тырышайыкъ, ве ич кимсе, олар киби, имансызлыкъкъа огърамасын. 12 iАлланынъ Сёзю тири ве къудретли, эр тюрлю эки тарафлы кескин къылычтан кескиндир. О, ичине, джаннен рух айырылгъан ерге, бугъумларнен кемиклери олгъан ерге сокъулып кире ве юреклернинъ тюшюнджелерини эм ниетлерини сынап бакъа. 13 jИч бир яратылгъан шей Алланынъ козьлеринден сакъланмаз, Онынъ козю огюнде эр шей ачыкъ ве чыплакътыр. Ве биз Онъа джевап береджекмиз.

Иса – буюк баш руханий

14 kКоклерден Аллагъа кечип кеткен Иса, Алланынъ Огълу, бизим буюк баш руханийимиз олгъаны ичюн, иманымызны къатты тутайыкъ. 15 lБизим баш руханийимиз къуветсизлигимизни анълай. О, бизлер киби, эр тарафтан сыналгъан эди, амма бизге бакъкъанда, ич бир гуна япмады. mШунынъ ичюн, мераметли Алланынъ тахтына джесарет иле якъынлашайыкъ ве вакътында ярдым ве мерамет тапайыкъ.16
Copyright information for CrhCTB