‏ Hebrews 5

1 ^aЭр бир баш руханий адамларнынъ арасындан сайланып алына, адамларнынъ адындан Аллагъа хызмет эте, гуналар ичюн Аллагъа бахшышлар ве къурбанларны кетире. 2 ^bБильмеген, ёлдан урулгъан адамларгъа о мераметнен бакъып ола, чюнки озю де гуналы адамдыр. 3 ^cШу себептен халкънынъ гуналары ичюн киби, озь гуналары ичюн де къурбанны кетирмек керек. 4 ^dИч кимсе бу урьметли ишни озь истегинен аламай. Адамны чагъырмакъ ве бу ишни онъа, Харунгъа киби, бермек тек Алла мумкюн. 5 ^eМесих де баш руханийнинъ шуретли хызметини Озю алмады, амма: «Сен Меним Огълумсынъ. Бугунь Мен санъа Баба олдым», – айтып, Исагъа бу хызметни Алла берди.

6 ^fБашкъа бир ерде Алла: «Сен, Мелкиседек киби, эбедий руханий оладжакъсынъ», – деди.

7 ^gЕр юзюнде яшагъан куньлеринде Месих пек багъырып ве козьяш тёкип, Оны олюмден къуртармагъа кучю олгъан Аллагъа ялварды ве дува окъуды. Иса юваш ве иманлы олгъаны ичюн, Алла Онынъ дуваларыны эшите эди. 8 ^hЛякин Алланынъ Огълу олса да, Иса азаплардан кечип, Алланы динълемеге огренди 9– 10 ⁱве эр тарафтан къусурсыз олды. Алла Исаны, Мелкиседекни киби, баш руханий этип къойды ве Исагъа Оны динълеген эр кеске эбедий къуртулышны багъышламагъа имкян берди.

Ёлдан урулманъыз

11 ^jБу акъта айтаджакъ лафымыз чокъ, амма сизге анълатмагъа агъыр, чюнки сиз ярамай анълайсынъыз. 12 ^kБу вакъыткъадже сизлер оджа олмакъ керек эдинъиз, лякин сизлерге кене Алла Сёзюнинъ башлангъыч эсасларыны огретмек керек. Сизге агъыр аш дегиль, сют керек. 13Тек сютни иче бильген адам – уфакъ баладыр. О, догърулыкъ не олгъаныны бильмей. ^lАгъыр аш исе буюк адамларгъа, яхшылыкънен яманлыкъны айырмагъа теджрибелеринден огренген адамларгъа яраша.14