Hebrews 8:8-12
8 aАмма Алла васиетнинъ къусурыны корип, шойле деген: – Бакъынъыз! Ойле куньлер келеята ки, – дей Рабби.– Исраиль ве Ехуда халкъларына янъы бир васиет береджегим.
9О, эски васиетке ошамайджакъ.
Деделеринъизни къолларындан тутып,
Мысыр топрагъындан чыкъаргъанда, оларгъа бир васиет бердим.
Лякин олар васиетиме садыкъ къалмадылар,
ве Мен олардан юзь чевирдим, – дей Рабби.
10 b– О куньлерден сонъ Исраиль халкъына башкъа васиетни береджегим, – дей Рабби.
– Къанунларымны башларынынъ ичине къояджагъым, юреклерине язаджагъым.
Мен оларнынъ Алласы оладжагъым, олар исе Меним халкъым оладжакълар.
11 cИч кимсе къомшусына ве агъа-къардашына:
«Раббини билинъиз», – деп акъыл огретмейджек.
Оларнынъ эписи, буюк ве кичиклери, Мени биледжеклер.
12Мен оларнынъ къабаатларыны багъышлайджагъым, гуналарыны энди акъылымда тутмайджагъым.
Copyright information for
CrhCTB