Hosea 5
Рабби Эфраимнен Ехуданы ёкъ этеджек
1 aЭй, руханийлер, буны эшитинъиз!Эй, Исраиль халкъы, дикъкъатнен динъленъиз!
Эй, падишанынъ эви, къулакъ асынъыз!
Сизлер укюм этиледжексинъиз,
чюнки сиз озь путларынъызнен Мицпа шеэринде халкъны къапкъангъа тюшюрдинъиз,
Тавор дагъында къоюлгъан бир агъ киби олдынъыз.
2 bМанъа къаршы чыкъкъанлар пек харапландылар,
амма Мен оларнынъ эписини джезалайджагъым.
3Мен Эфраимни билем,
Исраиль де Менден сакъланмаз.
Эй, Эфраим, сен ороспулыкъ япасынъ,
эй, Исраиль, сен арамландынъ.
4 cЯпкъан ишлери оларгъа Алласына къайтмагъа ёл бермейлер,
чюнки оларнынъ ичинде ороспулыкъ руху булуна,
ве олар РАББИни танымай.
5 dИсраильнинъ къопайлыгъы – озюне къаршы шааттыр,
Исраильнен Эфраим озь гуналарындан йыкъылыр,
Ехуда да оларнен берабер абыныр.
6 eКъойларынен ве огюзлеринен олар РАББИни къыдырмагъа кетеджек,
амма Оны тапамайджакъ,
чюнки О, олардан узакълашты.
7Олар РАББИге хиянетлик этти,
башкъалардан пич балаларны тапты.
Шимди янъы ай эм оларны,
эм мал-мульклерини ашап битиреджек.
8 fГива шеэринде бору чалынъыз,
Рама шеэринде боразан чалынъыз,
Бет-Авенде дженкке чагъырынъыз:
«Огге, Биньямин! Биз артынъдан кетемиз!»
9Джеза куню Эфраим бакъымсыз сахрагъа чевириледжек.
Мен Исраиль къабилелери арасында мытлакъа оладжагъыны бильдирдим.
10 gЕхуда башлыкълары меджаларны денъиштирген адамлар киби олды,
шунынъ ичюн Мен устьлерине ачувымны сув киби тёкеджегим.
11Эфраим енъильди,
джезасы оны йыкъты,
чюнки бош путларнынъ артындан кетмеге истеди.
12Мен Эфраимни сюме киби ашайджагъым,
Ехуда халкъыны къурт киби кемиреджегим.
13 hЭфраим озь хасталыгъыны корьгенде,
Ехуда озь ярасына бакъкъанда,
Эфраим Ашшургъа кетти,
буюк падишадан ▼
▼Къ. еуд. «Ярев падиша».
ярдым сорады.Амма онынъ сизни яхшы этмеге кучю ёкъ,
о, яраларынъызны тедавийлемез.
14 jМен Эфраимге арслан киби оладжагъым,
Ехуда халкъына яш арслан киби атыладжагъым.
Мен оларны парчалайджагъым,
алыр да кетерим, кимсе оларны къуртармаз.
15 kСонъра Мен кетип, ериме къайтаджагъым.
Олар озь къабаатларыны танып, Мени къыдырмагъандже,
Мен еримде къаладжагъым.
Copyright information for
CrhCTB