Isaiah 11
Иммануэлнинъ падишалыгъы
1Кутюктен филис чыкъкъаны киби,тамырындан бир пытакъ аткъаны киби,
Йишайнынъ союнда бир эвлят догъаджакъ.
2 aОнынъ ичинде РАББИнинъ Руху олып,
Онъа акъыл ве анълав, насиат, кучь ве бильги береджек
ве Алладан къоркъмагъа огретеджек.
3О, РАББИ къоркъусынен толаджакъ,
козьлери корьгенине коре суд этмейджек,
къулакълары эшиткенине коре къарар чыкъармайджакъ.
4 bФукъарелерни адалетнен суд этеджек,
ер юзюнде эзиетленгенлернинъ ишлеринде
догърулыкънен къарар чыкъараджакъ.
Таякънен ургъан киби, дюньяны сёзлеринен ураджакъ,
яман адамларны агъызнынъ айткъанларынен ольдюреджек.
5Инсафлыгъы – белине багълагъан къушакъ киби,
ишанчлылыгъы – янбашына багълагъан къушакъ киби оладжакъ!
6 cО заман къашкъырнен къозу берабер яшайджакъ,
леопарднен улакъ бир ерде ятаджакъ,
яш арслан бузавчыкъ ве семиз айванларнен ян-янаша оладжакъ,
уфакъ бир бала оларны бакъаджакъ.
7Сыгъырнен аюв анасы берабер отлайджакъ,
балалары да бир ерде ятаджакъ.
Арслан, огюз киби, тобан ашайджакъ.
8Сабий кобранынъ ювасы устюнде ойнайджакъ,
къучакъ баласы къолуны йыланнынъ ювасына узатаджакъ.
9 dБутюн азиз дагъымнынъ устюнде
яманлыкъ этильмейджек, зарар кетирильмейджек.
Сувлар денъизни насыл толдурсалар,
РАББИ акъкъында бильги бутюн дюньяны толдураджакъ.
Месих ве Исраильнинъ гъайрыдан тикленмеси
10 eО куню Йишайнынъ эвляды халкъларгъа котерильген байракъ киби оладжакъ; Онъа миллетлер келеджек, ве О, яшагъан ерлер шуретли оладжакъ. 11 fО куню Рабби кене къолуны узатаджакъ ве Озь халкъынынъ сагъ къалгъанларыны Ашшур ве Мысырдан, Патрос ве Хуштан, Элам ве Шинардан, Хамат ве денъиз адаларындан къайтараджакъ. 12 gМиллетлерге хабер этип, байракъ котереджек,сюргюн этильген исраиллилерни топлайджакъ,
ер юзюнинъ дёрт тарафында дагъылгъан
ехудалыларны джыяджакъ.
13 hЭфраимнинъ пахыллыгъы битеджек,
Ехудагъа къаршы дженк эткенлер къырыладжакъ.
Эфраим Ехуданы пахылламайджакъ,
Ехуда Эфраимни хорламайджакъ.
14 iОлар экиси куньбатышта фелестинлилерге атыладжакъ,
уджюм этип, куньдогъушта яшагъанларны талайджакълар,
Эдом ве Моавны юмрукънен ураджакълар,
Аммон балаларыны бойсундыраджакълар.
15 jРАББИ Мысыр денъизининъ корьфезини къурутаджакъ,
къолуны котерип, дерьягъа къаршы
кучьлю ельни ёллайджакъ.
Дерьяны еди озенчикке боледжек ки,
аякъкъапларны чыкъармайып, оны кечип оладжакъ.
16 kО заман, исраиллилер Мысырдан чыкъкъан вакъытта киби,
Раббининъ сагъ къалгъан халкъы
Ашшурдан кениш ёлдан келеджеклер.
Copyright information for
CrhCTB