Isaiah 18
Хуш топрагъы акъкъында пейгъамберлик
1Хуш озенлерининъ башкъа тарафында олгъан,чыр-чыр мазинлер топрагъына беля!
2О топракъ къамыш къайыкъларнен
денъиз сувларындан эльчилерини ёллай.
Эй, чабик хаберджилер!
Озенлер больген топракъкъа,
бойлу ве тегиз тенли миллетке,
бутюн орталыкъта эр кеснинъ отюни патлаткъан, лафлары анълашылмагъан ▼
▼Я да «къудретли». Даа 18.7 бакъ.
,эр шейни таптагъан халкъкъа кетинъиз.
3 bЭй, дюньяда яшагъан эр кес!
Эй, ер юзюнде ерлешкенлер!
Дагъларда байракъ котерильгенини кореджексинъиз,
бору чалгъаныны динълейджексинъиз.
4 cРАББИ манъа бойле деди:
«Тынч олып, булунгъан еримден бакъаджагъым,
кунешли куннинъ сыджагъы,
оракъ вакътындаки чыкъ киби оладжагъым».
5Юзюм чечеклери тюшкен сонъ,
салкъымлары аман-аман пишкенде,
джыймакътан эвель,
юзюмликнинъ пытакълары пычакънен кесиледжек,
чубукълары къопарылып атыладжакъ.
6Эписи йыртыджы дагъ къушларына,
кийик айванларгъа къалдырыладжакъ.
Къушлар анда яз кечиреджеклер,
кийик айванлар анда къышлайджакълар.
7О заман Ордуларнынъ РАББИсине
бахшыш кетиреджеклер.
Озенлер больген топракъта яшагъан,
бойлу ве тегиз тенли миллет,
бутюн орталыкъта эр кеснинъ отюни патлаткъан, лафлары анълашылмагъан,
эр шейни таптагъан халкъ бахшышыны
Ордулар РАББИсининъ Намы булунгъан ерге,
Сион дагъына кетиреджеклер.
Copyright information for
CrhCTB