Isaiah 19
Мысыр акъкъында пейгъамберлик
1 aМысыр акъкъында пейгъамберлик.Иште, РАББИ енгиль булуткъа отурып, Мысыргъа келе!Мысырнынъ путлары Онынъ юзюнден къалтырай,
мысырлыларнынъ юреги къопып кете.
2 b– Мысырлыларгъа къаршы мысырлыларны ёллайджагъым,
къардаш къардашына, дост достуна,
шеэр шеэрге, падишалыкъ падишалыкъкъа къаршы
дженк этеджеклер.
3 cМысырлылар рухтан тюшеджек,
оларнынъ ниетлерини ёкъ этеджегим.
Ярдым ичюн бош путларгъа, олюлернинъ рухларына,
рухларнен лаф эткенлерге,
джинлерни чагъыргъанларгъа бараджакълар.
4 dМысырлыларны мераметсиз укюмдарнынъ къолуна береджегим,
кучьлю бир падиша оларгъа падишалыкъ этеджек, –
дей Рабби, Ордуларнынъ РАББИси.
5 eДенъиздеки сувлар чекиледжек,
буюк дерья битип къуруйджакъ.
6 fОзенлер сасып башлайджакъ,
Мысыр каналлары сай олып къуруйджакъ,
къамыш ве саз солып къаладжакъ.
7Дерья янындаки ве озен агъзындаки осюмликлер,
дерья янында бутюн сачылгъан тарлалар
къуруйджакъ, савурыладжакъ, ёкъ оладжакъ.
8Балыкъчылар агълайджакъ,
дерьягъа къармакъ ташлагъанлар эписи окюр-окюр агълайджакъ,
сувда агъ къойгъанлар рухтан тюшеджеклер.
9Кетен ишлегенлер,
беяз басма токъугъанлар рухтан тюшеджеклер.
10Мемлекет таянгъан адамлар харап оладжакъ,
эписи ыргъатлар рухтан тюшеджек.
11 gЦоан башлыкълары не къадар акъылсыз!
Фыравуннынъ акъыллы насиатчылары акъылсыз меслеат берелер.
Сизлер фыравунгъа:
«Мен икметли адамларнынъ огълу,
къадим падишаларынынъ огълудырым», – насыл этип, дейджексинъизми?
12 hКъайдалар сенинъ акъыллы адамларынъ?
Ордуларнынъ РАББИси Мысыр акъкъында
насыл къарар чыкъаргъаныны
энди санъа айтсынлар,
оны эр адам бильсин.
13 iЦоан башлыкълары акъылдан тайды,
Ноф башлыкълары алданды,
къабилелерининъ ёлбашчылары Мысырны ёлдан урдылар.
14 jРАББИ оларнынъ акъылларыны ойнатты,
олар, сархош озь къускъагъында насыл тапталса,
айны Мысырны да бутюн ишлеринде ёлдан урдылар.
15 kМысыргъа энди кимсе ярдым этип оламайджакъ,
не башлыкълар, не адий ишчилер,
не белли адамлар, не де белли олмагъанлар ▼
▼Къ. еуд. сёзю-сёзюне «не баш, не къуйрукъ, не пальма пытагъы, не къамыш» демектир.
.Мысыр Раббиге шукюр этеджек
16 mО куню мысырлылар къадынларгъа ошап, оларгъа къаршы котерильген Ордулар РАББИсининъ къол арекетинден къалтырап, къоркъаджакълар. 17Ехуданынъ топрагъы Мысырны дешетке кетиреджек. Ордуларнынъ РАББИси Мысырнен не япкъаныны хатырлагъан эр кес къоркъудан къалтырайджакъ. 18 nО куню Мысыр топрагъында беш шеэр ханаанлыларнынъ тилинде лаф этеджек ве Ордуларнынъ РАББИсине садыкъ олмагъа ант этеджеклер. Олардан бириси «Херес ▼▼Херес – къ. еуд. бу сёз «йыкъылув» я да «кунеш» манасыны анълатмакъ мумкюн.
шеэри» деп адланаджакъ. 19 pО куню Мысыр топрагъынынъ ортасында РАББИнинъ къурбан ери ерлешеджек, сынъырында исе – РАББИге багъышлангъан таш диреги тураджакъ. 20О таш Мысыр топрагъында Ордуларнынъ РАББИси акъкъында алямет ве шеадетнаме оладжакъ. Залымлар оларны къыйнагъанда, олар РАББИден ярдым сорайджакъ, ве РАББИ оларгъа къуртарыджы ве къорчалайыджыны ёллайджакъ ве оларны къуртараджакъ. 21 qРАББИ Мысырда пейда оладжакъ, ве о куню мысырлылар РАББИни биледжеклер, къурбанларны ве бахшышларны кетиреджеклер, РАББИге адакълар береджеклер ве оларны беджереджеклер. 22 rРАББИ Мысырны ураджакъ, амма ургъан сонъ яхшы этеджек. Олар РАББИге къайтаджакълар, О оларнынъ ялваргъаныны эшитеджек ве оларны тедавийлейджек. 23 sО куню Мысырдан Ашшургъа кенъ бир ёл оладжакъ. Ашшурлылар Мысыргъа, мысырлылар да Ашшургъа къатнайджакълар. Ашшурлылар мысырлыларнен берабер Раббиге хызмет этеджеклер. 24 tО куню Мысыр ве Ашшурнынъ янында Исраиль учюнджи мемлекет оладжакъ. Мемлекетнинъ ортасында багъышлав оладжакъ, 25ве Ордуларнынъ РАББИси: «Мысырлылар – халкъым, ашшурлылар – къолларымнынъ ишидир, Исраиль – Меним мулькюмдир», – деп, мемлекетни багъышлайджакъ.
Copyright information for
CrhCTB