Isaiah 25
Раббиге шукюр
1 aЯ РАББИ! Сен Меним Алламсынъ,Сени юксельтип, Адынъны макътарым.
Сен аджайип ишни яптынъ,
эвель-эзельден ниет эткенинъни толусынен беджердинъ.
2 bСен шеэрлерни таш обасына чевирдинъ,
къавийлештирильген къалелерни йыкътынъ.
Ябанджыларнынъ сарайлары шеэрден ёкъ олды;
бир даа омюрбилля гъайрыдан къурулмайджакъ.
3Шунынъ ичюн кучьлю халкълар Сени шуретлейджек,
къоркъунчлы миллетлернинъ шеэрлери Сенден къоркъаджакъ.
4 cСен фукъарелерни сакълайсынъ,
сыкъынты вакътында гъариплерни къорчалайсынъ,
боранда сакъланув ерни бересинъ,
сыджакъта салкъын ёллайсынъ.
Залымларнынъ гъазабы – сувукъ авада боран киби,
5сувсуз ерде аджджы сыджакъ кибидир.
Ябанджыларнынъ шаматасыны ятыштырдынъ,
аджджы сыджакъны булут кольгесинен къапаткъаны киби,
зулум эткенлернинъ къуванчыны ёкъ эттинъ.
6 dОрдуларнынъ РАББИси бу дагъда
бутюн халкълар ичюн семиз ашларнен,
темиз шарапнен, энъ гузель этнен,
буллюр киби темиз шарапнен софра донатаджакъ.
7Бу дагъда эписи халкъларны орьткен орьтюни ёкъ этеджек,
эписи миллетлерни къаплагъан орьмени гъайып этеджек:
8 eолюм эбедиен енъиледжек,
РАББИ-ТААЛЯ бутюн юзьлерден козьяшларны силеджек,
ер юзюнде Онынъ халкъыны бир вакъыт
яманламайджакълар ве масхара этмейджеклер.
РАББИ бойле дей.
9 fО куню бойле дейджеклер:
– Мына, бу – бизим Алламыз!
Онъа ишандыкъ, ве О бизни къуртарды!
Бу – РАББИдир! Биз Онъа ишандыкъ!
О бизни къуртарды! Къуванып, шенъленейик!
Моавнынъ джезасы акъкъында
10 gРАББИнинъ къолу бу дагъда къаладжакъ.Моав исе, тобан кубре чукъурында тапталгъаны дайын,
озь еринде тапталаджакъ.
11Ялдагъан адам къолларыны саллагъаны киби,
Моав къолларыны саллайджакъ,
амма къол айнеджилигине бакъмадан,
РАББИ онынъ къопайлыгъыны ашалайджакъ.
12Къавийлештирильген ерлеринъни,
юксек диварларынъны йыкъаджакъ,
авдарып, ерге урып, тозгъа чевиреджек.
Copyright information for
CrhCTB