‏ Isaiah 26

Рабби – Исраильнинъ Къуртарыджысыдыр

1О куню Ехуда топрагъында бу тюркюни йырлайджакълар:

Бизим шеэримиз къавий!
Рабби бизни, дивар ве къале киби, къорчалай.
2 ^aКъапуларынъызны ачынъыз:
инсафлы миллет, ишанчлы халкъ кирсин.
3Санъа бутюнлей ишангъангъа тынчлыкъ-аманлыкъ бересинъ,
иманлары сарсылмаз олгъанны сакълайсынъ,
чюнки о, Санъа ишана.
4 ^bЭбедиен РАББИге ишанынъыз,
РАББИ-Тааля – эбедий Къаядыр.
5Юкъарыда яшагъанларны,
юксекликте тургъан шеэрни авдарды,
ерге урды, тозгъа ташлады.
6Гъариплер шеэрни аякъларнен таптайлар,
фукъарелер анда юрелер.

7 ^cИнсафлы адамнынъ ёлу догъру.
Сен инсафлы адамнынъ ёлуны догъурлайсынъ!
8Я РАББИ! Къарарларынъ ёлунда кетип,
Санъа ишанамыз!
Адынъны чагъырмагъа, Сени тюшюнмеге –
джанларымызнынъ истегидир!
9 ^dСанъа геджесинен джаным ынтыла,
Сени ичимдеки рухум къыдыра!
Ер юзюнде къарарларынъ олгъанда,
дюньяда яшагъанлар догърулыкъкъа огренир.
10Яман адам багъышланса да,
догърулыкъкъа огренмез.
Догърулыкъ топрагъында да яманлыкъ япар,
РАББИнинъ буюклигини танымаз.
11 ^eЯ РАББИ! Сен къолунъны юкъары котердинъ,
амма олар корьмейлер.
Сен халкъынъны севгенинъни корип, утанаджакълар,
атешинъ душманларынъны ашап битиреджек.

12 ^fЯ РАББИ! Сен бизге тынчлыкъ-аманлыкъ бересинъ,
бутюн ишлеримизни онъундан кетиресинъ!
13 ^gЯ РАББИ-Таалямыз!
Сенден гъайры башкъа падишалар бизге башлыкъ этти,
амма ялынъыз Санъа, Сенинъ Адынъа ибадет этемиз.
14 ^hОльгенлер бир даа яшамаз,
олюлернинъ рухлары ▼

▼Олюлернинъ рухлары – къ. еуд. «рефалылар» демектир.

турмаз.
Сен оларны джезаладынъ,
йыкъып, ёкъ эттинъ,
эсерлерини силип ташладынъ.
15 ^jСен миллетни чокълаштырдынъ, я РАББИ,
миллетни чокълаштырдынъ.
Озюнъни шерефлединъ,
мемлекетнинъ четлерини кенълештирдинъ.

16Я РАББИ! Сени сыкъынты вакътында къыдырдылар,
башларына джеза тюшкенде,
Санъа явашчыкътан ялвардылар.
17 ^kЮклю къадын догъып башлагъанда,
агърылардан насыл чекишип, яйгъара,
бизлер де Сенинъ огюнъде ойле эдик, я РАББИм!
18Юклю эдик, чекиштик, лякин тек ельни догъурдыкъ.
Мемлекетни къорчаламадыкъ,
дюньянынъ башкъа халкъларыны енъмедик.

19 ^lСенинъ олюлеринъ тириледжек,
ольген беденлер тураджакъ.
Топракъта яткъанлар, уянынъыз,
къуванчнен къычырынъыз!
Чыкъ откъа тюшкени дайын,
Сенинъ мераметинъ олю рухларнынъ мемлекетине энеджек.

20 ^mКет, халкъым, ички одаларынъа кир,
артынъдан къапуларынъны къапат!
Раббининъ гъазабы кечкендже,
аз вакъыткъа сакъланып отурынъыз.
21 ⁿБакъынъыз! Ер юзюнде яшагъанларны,
акъсыз ишлери ичюн джезаламагъа
Озь мескенинден РАББИ чыкъа.
Топракъ тёкюльген къанны ачып,
ольдюрильгенлерни энди сакъламайджакъ.