Isaiah 29
Ерусалимнинъ такъдири
1 aВай-вай-вай, Ариэл, Ариэл ▼▼Ариэл – къ. еуд. бу сёз «Алланынъ арсланы», я да «къурбан ери» манасыны (29.2) анълата.
! Давут яшагъан шеэр!Йылдан йылгъа байрамларынъызны япынъыз,
2амма Мен ойле япарым ки, Ариэлде агъыр заманлар башлар.
Шеэрде окюр-окюр агълап, такъмакълайджакълар.
Меним огюмде шеэр къурбан ери киби оладжакъ.
3 cМен сени алкъагъа аладжагъым,
чевре-четинъе уджюм къуллелерини къураджагъым,
уджюм алетлерини къояджагъым.
4Ашаланаджакъсынъ, ер тюбюнден лаф этеджексинъ,
тоз-топракъ ичинде ятып сесленеджексинъ,
сесинъ – олюнинъ сеси киби оладжакъ,
тоз-топракъ тюбюнден фысылдайджакъ.
5Сайысыз душманларынъ – уфакъ тозгъа,
къоркъунчлы ордулар – ель алып кеткен кепекке ошайджакъ.
Бу апансыздан, бир аньде оладжакъ.
6 dОрдуларнынъ РАББИси сени джезалайджакъ,
санъа къаршы кок гудюрдисини,
ер тепренювини, кучьлю шувултыны,
боран ве кучьлю ельни,
эм де йыкъыджы атешни ёллайджакъ.
7 eАриэлге къаршы дженк эткенлер,
онъа ве онынъ къалелерине къаршы чыкъкъанлар,
оны сыкъкъан сайысыз халкълар
гедже корьген тюш дайын оладжакълар.
8Тюшюнде аш ашагъаныны корьген ач адам уянгъанында
эп ач ола;
тюшюнде сув ичкенини корьген сувсагъан адам уянгъанында
эп кучьсюз, сувсузлыкътан чекише.
Сион дагъына къаршы дженк эткен
сайысыз халкъларнынъ да алы ойле оладжакъ.
9 fШашынъыз, къатып къалынъыз!
Кёр олунъыз, козьлеринъиз корьмесин!
Олар сархошлар, амма шараптан дегиль,
тентир-ментир юрелер, амма ичкиджиликтен дегиль.
10 gРАББИ сизни къатты юкъугъа далдырды!
Эй, пейгъамберлер! О козьлеринъизни къапатты!
Эй, гизли шейлерни корьгенлер! О башларынъызны орьтти!
11 hСизлер ичюн эр бир пейгъамберлик
япылгъан китаптаки сёзлер киби олды:
оны китап окъумагъа бильгенге: «Окъу», – деп берелер де,
о: «Окъуп оламайым.
О, печатнен басылгъан да», – деп джевап бере.
12Сонъ китапны окъумагъа бильмегенге берип:
«Окъу», – дейлер де,
о да: «Мен окъумагъа бильмейим», – деп джеваплана.
13 iРабби бойле деди:
– Бу халкъ Манъа тек сёзлеринен якъын,
Мени тек тиллеринен урьмет этелер.
Юреклери исе Менден узакъ,
инсанларнынъ буюргъанларыны тутып, Мени саялар, деп тюшюнелер.
14 jОнынъ ичюн Мен бу халкъкъа эвель олмагъан шейлерни япмагъа девам этеджегим;
акъыллы адамларынынъ акъылы гъайып оладжакъ,
анълагъан адамларынынъ анълавы ёкъ оладжакъ.
15 kНиетини РАББИден гизлегенлерге,
онынъ ичюн чукъурда сакълангъанларгъа беля!
Озь ишлерини къаранлыкъта япып:
«Бизни ким кореджек? Ишимизни ким биледжек?» – деп тюшюнелер.
16 lКереги киби тюшюнмейсинъиз!
Чёльмекчини чамур ерине корьмеге мумкюнми?
Япылгъан шей оны япкъаннынъ акъкъында:
«О мени япмады», – деп олурмы я?
Бардакъ чёльмекчи акъкъында:
«О, бир шей анъламай», – деп олурмы я?
Якъупнынъ муджизели чевирильмеси акъкъында
17Тез вакъытта Ливан орманы багъчагъа чевириледжек, багъны да орман ерине кореджеклер.18 mО куню сагъырлар китапнынъ сёзлерини эшитеджек,
къаранлыкъта ве зульметте олгъан кёрлар корип башлайджакъ.
19 nАлчакъгонъюллилер РАББИде кене къуванаджакъ,
фукъарелер Исраильнинъ Азизине шенъленеджеклер.
20Къоркъунчлы залымлар ёкъ оладжакъ,
мыскъылджылар гъайып оладжакъ,
акъсызлыкъ япкъанлар эписи къырыладжакъ.
21 oАдамларны лафларынен ёлдан ургъанлар,
шеэр къапуларында акъикъатны къыдыргъанларгъа къапкъан къойгъанлар,
адалетни ялан ёлунен ёкъ эткенлер гъайып оладжакълар.
22 pОнынъ ичюн Ибраимни сатын алгъан РАББИ
Якъупнынъ эви акъкъында деди ки:
– О заман Якъуп бир даа утанмаз,
бир даа бети ап-акъ кесильмез.
23О, къолумнынъ яратувы олгъан озь балаларыны кореджек,
балалары Адымны Азиз оларакъ саяджакълар,
Якъупнынъ Алласыны Азиз саяджакълар,
Исраильнинъ Алласындан къоркъаджакълар.
24О заман рухлары ёлны шашыргъан сойлары анълайджакълар,
динълемегенлер динълемеге огренеджеклер.
Copyright information for
CrhCTB