o Збр 64.13-14
Isaiah 30
Инат халкъкъа беля
1– Инат огъулларнынъ башларына беля! – дей РАББИ. –Олар Менден сорамайып, ниетлерини беджерелер,
Менден рухланмайып, башкъаларнен бирлешелер,
гунагъа гуна къошалар.
2 aМенден сорамайып, Мысыргъа кетелер,
фыравундан ярдым сорайлар,
Мысырнынъ къолу астында сакъланмагъа истейлер.
3 bАмма фыравуннынъ кучю сизлерге тек айып кетиреджек,
Мысырнынъ сакъланув ери де масхаралыгъынъыз оладжакъ.
4 cЕрусалимнинъ башлыкълары энди Цоанда,
эльчилери Ханес шеэрине барып еттилер.
5 dОлар эписи утанаджакълар;
бу халкъ оларгъа ярдым этип олмаз.
Халкътан не ярдым, не файда оладжакъ,
тек утанч ве масхаралыкъ.
6Негев ерининъ айванлары акъкъында пейгъамберлик.
Эльчилер кетип,
арсланлар, йыланлар ве аждерхалар яшагъан топракътан,
зулум чеккен ве сыкъынты корьген ерлерден кечелер,
эшеклерининъ аркъаларына байлыкъларыны,
девелерининъ орькечлерине хазинелерини юклеп,
озьлерине ич бир файда кетирмейджек халкъкъа алып кетелер.
7 eМысырлылар ич бир ярдым этмез,
шунынъ ичюн Мен оларгъа: «Чокъ лаф эте, бир шей этмей ▼
▼Къ. еуд. сёзю-сёзюне «кибирли Рахав киби, отуралар» демектир. «Рахав» сёзюнинъ манасы – кибир, къопайлыкъ.
», – айттым.8 gЭнди барып, бу сёзлерни левагъа сыз,
бурулгъан кягъыткъа язып къой,
олар келеджек заманларгъа, омюрбилля къалсын!
9Бу халкъ инаттыр, яланджы балалардыр,
РАББИнинъ Къанунына бойсунмагъа истемейлер.
10 hНе оладжагъыны эвельден бильгенлерге:
«Не оладжагъыны эвельден бильмеге вазгечинъиз», – дейлер,
пейгъамберлерге:
«Бизге догърусыны айтманъыз,
юрегимизге хош кельген шейни айтынъыз!
11Ёлдан чекилинъиз, туткъан ёлунъыздан урулынъыз,
Исраильнинъ Азизини козюмизнинъ огюнден джоюнъыз», – дейлер.
12Шунынъ ичюн Исраильнинъ Азизи бойле дей:
– Сёзюмни ред эткенинъиз ичюн,
ялан ве алдавгъа таянып, ишангъанынъыз ичюн,
13 iбу гуна сизлер ичюн диварда пейда олгъан чатлакъ киби,
авдарыладжакъ олгъан юксек дивар киби оладжакъ:
бир кунь апансыздан, бир аньде о, йыкъыладжакъ.
14 jЧёльмекчи бардакъны аджымаздан къыргъаны киби,
о, бутюнлей парчаланаджакъ.
Оджакътан атеш алмакъ
я да хавуздан сув чыкъармакъ ичюн
ярагъан бир парча биле къалмайджакъ.
15РАББИ-ТААЛЯ, Исраильнинъ Азизи бойле деди:
– Эгер сиз къайтсанъыз ве тынч олсанъыз,
джанларынъызны къуртарырсынъыз;
раат олып, Раббиге ишансанъыз, кучьлю олурсынъыз.
Амма сизлер истемединъиз:
16– Ёкъ, ат устюнде къачаджакъмыз, – дединъиз.
Онынъ ичюн къачаджакъсынъыз.
– Тез атлар устюне минип къачаджакъмыз, – дединъиз.
Онынъ ичюн сизлерни къувалагъанлар да тез оладжакъ.
17 kБир адам сизни къоркъутса, бинъ адам къачаджакъ,
беш адам къоркъутса, эпинъиз къачаджакъсынъыз.
Сагъ къалгъанларынъыз исе дагъ устюндеки байракъ сапы киби,
байыр устюндеки байракъ киби оладжакъсынъыз.
18 lОнынъ ичюн РАББИ сизлерге мерамет эйлемеге истеп, беклей,
турып, сизлерни аджыйджакъ.
РАББИ – адалетли суд эткен Алладыр,
Онъа ишангъан эр кес бахтлыдыр.
Алла Озь халкъыны багъышлай
19Эй, Сионда ве Ерусалимде яшагъан халкъ! Сен чокъ агъламайджакъсынъ: ярдымгъа чагъырувларынъызны эшитип, РАББИ санъа мытлакъа мерамет эйлейджек. Сизни эшиткенде, джевап береджек. 20Сыкъынты вакътында Рабби сизге отьмек береджек, ве белягъа огърагъанынъызда, сизни ичиреджек ▼▼Я да «Чокъ хорлангъан ве сыкъылгъан олсанъыз да».
. Оджанъыз башкъа сакъланмайджакъ, Оны козьлеринъизнен кореджексинъиз. 21О заман сизлер онъгъа я да солгъа урулгъанынъызда, артынъыздан, къулакъларынъызгъа: «Мына ёлдыр, бу ёлдан кетинъиз», – дегенлерини эшитеджексинъиз. 22 nСонъ кумюшнен къаплангъан путларынъызны, алтыннен къаплангъан путларынъызны арам деп саяджакъсынъыз, пис шей киби, котерип атаджакъсынъыз, «Кет мындан», – айтаджакъсынъыз. 23 oТарланъызда сачкъан урлукъларгъа Рабби ягъмур ягъдыраджакъ; топракъ береджек махсуллар бол ве берекетли оладжакъ. О куню айванларынъ кениш отлакъларда отлап юреджеклер. 24Тарланы ишлеген огюзлеринъиз ве эшеклеринъиз энъ яхшы, курекнен ве сенекнен темизленген, тузлу ем ашайджакълар. 25 pКъуллелер тюшкен куню, буюк енъилюв куню, эр юксек дагъда ве эр байырда чокъракълар ве сув акъымлары акъаджакъ. 26 qАй, кунеш киби, ярыкъ береджек, кунеш исе еди къат кучьлю, еди куннинъ ярыгъы киби, нур сачаджакъ. О куню РАББИ халкъынынъ яраларыны сараджакъ, агъыр яраланувларыны тедавийлейджек. Исраиль душманларынынъ джезасы акъкъында
27 rБакъынъыз, РАББИнинъ Ады узакътан келе,гъазабы къайнай, атешине чыдамагъа чареси ёкъ,
агъзы ачув толу, тили – якъыджы атеш кибидир.
28 sНефеси – адамнынъ богъазына къадар котерильген сув ташкъыны киби,
электен унны кечирген киби, О, халкъларны сынап джезалайджакъ;
халкъларнынъ агъызларына
ёлны адаштырыджы агъызлыкъны такъаджакъ.
29 tАзиз байрам геджесинде дайын, йырлайджакъсынъыз,
РАББИнинъ дагъына, Исраильнинъ Къаясына
къавал чалып кеткен киби, юректен къуванаджакъсынъыз.
30 uРАББИ шуретли сесинен гудюрдейджек,
буюк ачувнен къолуны котерип, къудретини косьтереджек,
йыкъыджы атешни, дешетли боранны, ягъмурны
ве ташлы бурчакъны ёллайджакъ.
31РАББИнинъ сесинден Ашшур къалтырайджакъ,
таякънен уруладжакъ.
32РАББИ оны джезалап, таякънен ургъанда,
даре ве сантырны чаладжакъ,
эр шейни ёкъ этип, онъа къаршы дженк этеджек.
33 vКъурбан атеши ▼
▼Къ. еуд. «Тофет», Ерусалимнинъ янында ерлешкен, халкъларнынъ чешит тюрлю аллаларына табынмакъ ичюн ер, мында балаларны атешке атып, къурбан чала эдилер.
чокътан азырланды,падишаны терен чукъурдаки буюк атеш беклей.
Атешинде одуны пек чокъ.
РАББИнинъ уфюрмеси, янгъан кукюрт киби, оны туташтыраджакъ.
Copyright information for
CrhCTB