Isaiah 34
Алла Озь душманларыны джезалай
1 aЭй, миллетлер, динълемек ичюн, якъынлашынъыз!Эй, халкълар, къулакъ асынъыз!
Ер юзю ве ер устюнде яшагъан эр шей,
дюнья ве анда эписи догъгъанлар, динъленъиз!
2РАББИ эписи миллетлерге ачувланды,
оларнынъ бутюн ордуларына гъазапланды.
Оларны ёкъ этеджек, чокъларыны ольдюреджек.
3 bОлюлери анда-мында атыладжакъ,
джесетлеринден сасыкъ даркъаладжакъ,
дагълары къандан сылакъ оладжакъ.
4 cБутюн кок ордусы ирип кетеджек,
коклер, бурулгъан кягъыт киби, сарыладжакъ.
Юзюм пытагъындан, я да инджир терегинден
солгъан япракъ тюшкени дайын,
бутюн ордулары йыкъыладжакъ.
5 d– Къылычым кокте тойгъандже ичти,
энди де Эдомгъа тюшеджек,
ёкъ этиледжек халкъны джезалайджакъ, – дей РАББИ.
6 eРАББИнинъ къылычы чокъ къан тёкеджек,
къочкъарларнынъ ве текелернинъ ягъларына ве къанына,
къочкъарларнынъ ич ягъына тояджакъ.
Боцра шеэринде РАББИ къурбан чаладжакъ,
Эдом топрагъында чокъ сояджакъ.
7 fОларнен берабер кийик бугъалар,
эм бузавлар, эм кучьлю огюзлер союладжакъ.
Топракъ къанларына тояджакъ,
ягъларындан семиреджек.
8 gО куню РАББИ джезалай,
о йылы Сион давасы ичюн халкъларнынъ акъларыны бере.
9 hЭдом озенлери зифтке,
топрагъы кукюртке чевиреледжек;
бутюн мемлекети янгъан зифт оладжакъ.
10 iГедже-куньдюз сёнмейджек,
омюрбилля тютейджек.
Несильден несильгедже мемлекет бом-бош къаладжакъ,
адамлар анда эбедиен юрмейджек.
11 jО топракънынъ сабылары миявкъушнен кирпилер оладжакъ,
анда пугъу ве къузгъун яшайджакъ.
РАББИ Эдомнынъ бойдан-боюна харап этювини тайинлейджек,
ёкъ этювини чекеджек.
12Мырзалар: «Энди падишалыкъ ёкъ», – дейджек,
башлыкъларынынъ эписи гъайып оладжакъ.
13 kСарайларында тикенли осюмликлер,
къавийлештирильген шеэрлерде къыджыткъан ве кийик отлар оседжек.
О ер шакъалларнынъ яшагъан ери,
девекъушуларнынъ юрту оладжакъ.
14 lКийик айванлар сыртланларнен корюшеджек,
анда теке шейтанлары къычырышаджакълар,
Лилит ▼
▼Лилит – гедже хаялети, джинлернинъ бир чешити.
анда ерлешип, раатланаджакъ.15 nКийик къушлар ▼
▼Я да «терек йыланы».
анда юва япып,йымырта къозлап, балаларыны чыкъараджакълар да,
талдалары тюбюнде оларны топлайджакълар.
Чайлакълар анда ерлешип топланаджакълар.
16Оларнынъ эписи, бири четте къалмай, анда чифт-чифт пейда оладжакъ.
РАББИнинъ Китабында тапып окъунъыз,
айтылгъан эр шей мытлакъа оладжакъ.
Бу эмир РАББИнинъ агъзындан чыкъты,
Руху да оларны топлайджакъ.
17Олар ичюн РАББИ джереп чекти,
къолунен мемлекетни ольчеп, оларгъа пай этти.
Олар омюрбилля о топракъкъа саиплик этип,
несильден несильгедже анда яшайджакълар.
Copyright information for
CrhCTB