Isaiah 46
Вавилоннынъ аллалары
1 aБел бель букти, Нево ▼▼Бел; Нево – Вавилонлыларнынъ аллалары.
баш эгди,оларнынъ путлары айванларгъа, туваргъа юкленди.
Эвельден сиз оларны ташый эдинъиз,
энди олар болдургъан айванларынъызгъа агъырлыкъ эте.
2 cБерабер баш эгип, бель буктилер,
юклерини къорчалап оламадылар,
озьлери сюргюнликке кеттилер.
3 dЭй, Якъупнынъ эви, Исраиль эвинден эписи сагъ къалгъанлар!
Ананъыз сизни догъгъан сонъ, сизни ташып юре эдим.
Мени динъленъиз!
4 eКъартлыгъынъызгъа къадар Мен денъишмем!
Башынъыз чаларгъандже сизлерни къолумда ташыйджагъым.
Сизни Мен яраттым,
Мен де ташыйджагъым, Мен де къорчалайджагъым.
5 fМени кимге ошатаджакъсынъыз?
Кимнен тенъештиреджексинъиз,
кимнен къаршылаштыраджакъсынъыз?
Кимге ошайджагъым?
6 gКиседен алтын сепелер,
теразеде кумюш чекелер,
къуюмджыгъа акъча берелер,
ве о, алланы ясай.
Огюнде ерге тюшелер ве ибадет этелер.
7 hОны омузларына котерип ташыйлар,
озь ерине къоялар;
пут къыбырдамайып еринде тура,
онъа къычыргъанда биле, джевап бермей,
белядан къуртарамай.
8Буны акъылда тутунъыз, юрек алынъыз!
Эй, ёлдан урулгъанлар! Буны тюшюнинъиз.
9Эвель-эзельден олгъаныны акъылгъа кетиринъиз;
Мен – Аллам, башкъасы ёкъ,
Мен – Аллам, Манъа ошагъан ёкътыр!
10 iБашындан башлап сонъунадже оладжагъыны хабер этем,
къадимий заманлардан даа олмагъан шейлер акъкъында айтам:
– Ниетлерим оладжакъ,
истеген эр шейни япаджагъым.
11 jКуньдогъуштан, узакъ мемлекеттен йыртыджы къушларны чагъырдым,
ниетлеримни беджереджек адамны алып кетирдим.
Мен айттым ве мытлакъа беджереджегим,
ниетлендим ве япаджагъым.
12Эй, юреклери инат олгъанлар,
догърулыкътан узакълашкъанлар!
Мени динъленъиз!
13 kДогърулыгъымны якъынлаштырдым,
энди о узакъ дегиль,
къуртарышым кечикмейджек.
Сионгъа къуртулышны,
Исраильге дюльбер шуретимни береджегим.
Copyright information for
CrhCTB