a 1 Пётр 2.11
bИкм 10.3
c Йрм 3.8; 31.22; Ехез 16.32; Хош 5.7; Юх 15.19; 1 Юх 2.15; Рим 8.7
d1 Кор 6.19
fИкм 3.34; 1 Пётр 5.5
g 1 Пётр 5.8-9; Эф 4.27
hЗбр 50.4; Еш 1.16; Йрм 4.14; 2 Тар 15.2; Збр 72.28; Якъ 1.7-8
iЕш 57.15
j Рим 14.4, 10
kМт 7.1; Лк 12.5; Якъ 5.9
lЗбр 101.4; Икм 27.1; Лк 12.18-20
mФаал 18.21
nЮх 9.41

‏ James 4

Аллагъа бойсунынъыз

1 aАранъыздаки къавгъа ве давалар къайдан чыкъа? Беденинъизде дженк эткен истеклеринъизден дегильми? 2Сизде олмагъан шейлерни истейсиз; адам ольдюресиз ве пахыллайсыз, амма даа алып оламайсынъыз; котеклешесиз ве дженк этесиз. Сизлерде ич бир шей ёкъ, чюнки Алладан истемейсинъиз. 3 bИстейсинъиз ве алып оламайсыз, чюнки яхшылыкъ ичюн дегиль, озь истеклеринъизни беджермек ичюн истейсиз.

4 cЭй, Алладан вазгечкен адамлар, дюньянен дост олгъаны Аллагъа душман олгъаныны бильмейсизми? Шунынъ ичюн, дюньянен дост олмагъа истеген адам Аллагъа душман ола. 5 dФикирлеринъизге коре, Языда язылгъан сёзлер: «Алла ичимизге къойгъан рух бизни тек озю ичюн истей» ▼
▼Я да «Алла ичимизге къойгъан рухны куньджюликнен севе», я да «Алла ичимизге къойгъан рух куньджюлик ве атешин истеклернен толдура». (Бакъ. Чыкъ 20.5.)
, – деп бошуна язылгъанмы? 6 fАмма О, бизге даа зияде эйиликни бере. Бойлеликнен, Языда айтылгъан ки, Алла къопайларгъа къаршы чыкъаджакъ, алчакъгонъюллилерге исе эйилик япаджакъ.

7 gШунынъ ичюн, Аллагъа бойсунынъыз. Шейтангъа къаршы чыкъынъыз, ве о, сизден къачар. 8 hАллагъа якъынлашынъыз, ве О, сизлерге якъынлашыр. Эй, гуналылар, къолларынъызны ювунъыз! Эй, акъылы болюнген адамлар, юреклеринъизни темизленъиз! 9Кедерленинъиз, окюрип агъланъыз! Кулькюнъиз агълавгъа, къуванчынъыз къасеветке айлансын. 10 iРаббининъ огюнде алчакъгонъюлли олунъыз, ве О, сизни юксельтир.

Дин къардашынъызны суд этменъиз

11 jАгъа-къардашларым, бири-биринъизни яманламанъыз! Озь агъа-къардашыны яманлагъан я да оны суд эткен адам Алланынъ Къануныны яманлай ве Къанунны суд эте. Эгер сен Къанунны суд этсенъ, сен Къанунны беджермекнинъ ерине суд этиджи оласынъ. 12 kЛякин тек бир Къанун Яратыджысы ве Суд Этиджи бар. О, эм къуртара, эм де ёкъ эте биле. Я сен ким оласынъ? Башкъа адамны не ичюн суд этесинъ?

Макътанчакъ олманъыз

13Энди мени динъленъиз! Базыларынъыз: «Бугунь я да ярын бир шеэрге барып, о ерде бир йыл яшап, алыш-вериш япып, файда корермиз», – дейсиз. 14 lСизлер ярын не оладжагъыны бильмейсиз де! Яшайышынъыз озю недир? Бир ань ичинде пейда олып, гъайып олгъан був кибидир. 15 mБунынъ ерине бойле айтынъыз: «Эгер Рабби къысмет этсе, биз яшармыз ве бойле-бойле ишлер япармыз». 16Сиз исе шимди макътанасыз, бурун котерип юресиз. Эр бир бойле макътанчакълыкъ ямандыр. 17 nДемек, ким хайырлы иш япмагъа керек олгъаныны билип, япмаса, гуна къазана.
Copyright information for CrhCTB