James 5
Байларгъа тенбие
1 aЭй, байлар, шимди сизлер динъленъиз! Башынъызгъа тюшеджек белялардан окюрип агъланъыз! 2 bБайлыгъынъыз чюрюп кеткен, урбаларынъызны сюме ашагъан. 3 cАлтын ве кумюшлеринъизни тот баскъан. Бу тот сизге къаршы шаатлыкъ этеджек ве беденинъизни, атеш киби, ютаджакъ. Сизлер сонъки куньлерде байлыкъ топладынъыз. 4 dТарлаларынъызны оргъан ыргъатлардан къазанчыны тутып алдынъыз. Динъленъиз! Олар агълайлар, ве оракъчыларнынъ агълавлары Ордулар Раббисининъ къулакъларына еткен. 5 eСизлер ер юзюнде кейф ве боллукъ ичинде яшай эдинъиз. Санки, къурбан кунюне озюнъизни пек беслединъиз. 6Сиз къабаатсыз адамны къабаатлап ольдюрдинъиз, о, исе сизлерге къаршы чыкъмады ▼▼Я да «Алла сизге къаршы чыкъмайджакъмы?»
. Сабырлы олунъыз
7 gАгъа-къардашларым, Раббининъ къайтаджагъына къадар сабыр этинъиз. Бакъынъыз, топракъны ишлеген адам топракънынъ къыйметли берекетини беклей, кузь ве баарь ягъмурлары ягъаджагъына ишанып сабыр эте. 8 hСизлер де сабыр этинъиз, юреклеринъизни кучьлештиринъиз, чюнки Раббининъ келеджеги якъынлаша. 9 iАгъа-къардашларым, къабаатлы олмамакъ ичюн, бири-биринъизнинъ устюне шикяет этменъиз. Бакъынъыз, Суд Этиджи къапу огюнде тура. 10 jАгъа-къардашларым, Раббининъ Адындан лаф эткен пейгъамберлернинъ азабы ве сабыры сизлерге мисаль олсун. 11 kСонъунадже сабыр эткенлерни биз бахтлы саямыз. Эюпнынъ сабыры акъкъында эшиткенсиз ве сонъунда Рабби нелер япкъаныны билесиз. Рабби пек мераметли ве шефкъатлыдыр.Ант этменъиз
12 lЭнъ эвеля, агъа-къардашларым, не кок, не ер, не башкъа бир шейнен ант этменъиз. Къабаатлы олмамакъ ичюн, «эбет» олгъан ерде «эбет» сёйленъиз, «ёкъ» олгъан ерде «ёкъ» сёйленъиз.Дуванынъ къувети
13 mЭгер аранъыздан бириси чекишсе, дува этсин. Эгер бириси бахтлы олса, макътавлар йырласын. 14 nЭгер сизлерден бириси хаста олса, иманлылар джемиетининъ акъсакъалларыны чагъырсын. Олар Раббининъ Адынен онынъ ичюн дува окъусынлар ве хаста адамгъа зейтюн ягъыны сюртсюнлер. 15 oИманнен окъулгъан дува хастаны тедавийлер, Рабби оны аякъкъа котерир. Эгер хаста гуна япкъан олса, Рабби оны багъышлар. 16 pБойлеликнен, тедавийленмек ичюн, бири-биринъизге гуналарынъызны айтынъыз ве бири-биринъиз ичюн дува этинъиз. Инсафлы адамнынъ дувасы чокъ шей япа биле. 17 qИльяс бизге ошагъан бир адам эди. Ягъмур ягъмасын деп, о гъайретнен дува окъуды, ве ер юзюне учь йыл алты ай девамында ягъмур ягъмады. 18 rСонъ о кене дува эткенде, коктен ягъмур ягъды ве топракъ берекет берди.Акъикъат ёлундан урулгъанлар акъкъында
19 sАгъа-къардашларым, эгер сизлерден биринъиз акъикъат ёлундан урулса ве бир кимсе оны кене акъикъаткъа къайтарса, 20 tбилинъиз ки, гунакярны янълыш ёлундан къайтаргъан онынъ джаныны олюмден къуртарыр ве чокъ гуналарнынъ багъышлангъаныны кетирир.
Copyright information for
CrhCTB