Jeremiah 12
Йирмеянынъ ялварувы
1 a– Я РАББИ, Сен адалетлисинъ,даваларымнен Санъа келеджегим.
Сеннен къарарларынъ акъкъында лаф этмеге истейим:
не ичюн яманларнынъ ишлери онъундан келелер?
Не ичюн имансызлар боллукъ ичинде яшайлар?
2 bСен оларны сачтынъ,
олар тамыр атып, осьтилер
ве мейва берелер.
Адынъ агъызларындан тюшмей,
лякин юреклери Сенден узакъ.
3 cЯ РАББИ, Сен мени билесинъ,
манъа бакъасынъ,
юрегимнинъ Санъа ишангъаныны сынайсынъ.
Къойларны киби, оларны соймагъа айыр,
ольдюрилюв кунюне азырла!
4 dУстюндеки яшагъанларнынъ яманлыгъы ичюн
ер юзю не вакъыткъадже чекишеджек,
чёльдеки отлар не вакъыткъадже сарарып соладжакъ?
Адамлар: «Алла келеджегимизни бильмей», – дегенлери ичюн,
айванларнен къушлар ёкъ олды.
Алланынъ джевабы
5– Эгер сен джаяв кеткенлернен берабер чапып, ёрулсанъ,атлыларнен насыл ярышаджакъсынъ?
Эгер тюм-тюз ерде йыкъылсанъ,
Иордандаки чалыларда ▼
▼Я да «Иордандаки сув ташкъынында».
не япаджакъсынъ?6 fЭм агъа-къардашларынъ, эм бабанънынъ эви санъа хаинлик япалар,
артынъдан юксек сеснен къычыралар.
Санъа яхшы шейлер айтсалар биле, инанма.
7Эвимни ташлап кеттим,
къысметим олгъан халкъымны къалдырдым,
душманларнынъ къолуна джанымнынъ къуванчыны бердим.
8Халкъым Манъа ормандаки арслан киби олды,
Манъа къаршы ырылдады,
онынъ ичюн онъа хор бакътым.
9 gХалкъым Манъа чубар йыртыджы къуш киби олды,
башкъа йыртыджы къушлар да оны сарды.
Кетинъиз, эписи кийик айванларны топланъыз,
оны ашап битиринъиз.
10 hЧокъ чобан юзюм багъымны бозды,
Меним топракъ пайымны аякънен таптады;
севимли топракъ пайымны бакъымсыз чёльге чевирдилер.
11Оны харап сахрагъа чевирдилер;
йыкъыкъ олып, о, огюмде агълай,
бутюн мемлекет харап олды.
Кимсенинъ иши де ёкъ.
12Чёльдеки байырларгъа гъайып этиджилер кельди,
мемлекетнинъ бир кенарындан башкъа кенарынадже
РАББИнинъ къылычы ольдюре,
кимсе аман-эсен къуртулмаз.
13 iОлар богъдай сачтылар, лякин тикен джыйдылар,
чекишип, такъаттан кесильдилер,
амма файдасыны корьмедилер.
Утанынъыз! Сизинъ къазангъанынъыз –
РАББИнинъ алевли гъазабыдыр.
Исраильнинъ къомшуларына Раббининъ ваделери
14 jРАББИ бойле дей: – Исраиль халкъыма берильген топрагъына уджюм эткен эписи яман къомшуларымны топрагъындан къувалайджагъым, Ехуда халкъыны да араларындан чыкъараджагъым. 15 kЛякин чыкъаргъанымдан сонъ, оларгъа мерамет этип, кене къайтараджагъым, эр бирини озь топракъ пайына, озь мемлекетине алып кетиреджегим. 16 lХалкъыма Баалнынъ адынен ант этмеге огреткенлери киби, Меннен, РАББИнинъ Адынен ант этмеге ве халкъымнынъ ёлундан юрмеге огренселер, халкъымнынъ арасында яшамагъа ерлери оладжакъ. 17Мени динълемеген халкъны исе тюбю-тамырындан чыкъарып, ёкъ этеджегим, – дей РАББИ.
Copyright information for
CrhCTB