Jeremiah 49:34-39
Элам мемлекети акъкъында къарар
34 aЦидкия Ехудада падишалыкъ этип башлагъанда, РАББИден Йирмея пейгъамберге Элам акъкъында бойле хабер кельди: 35– Ордуларнынъ РАББИси бойле дей: Бакъынъыз! Мен Эламнынъ яйыны,эсас кучюни къыраджагъым.
36 bКоклернинъ дёрт тарафындан
Эламгъа къаршы дёрт ель кетиреджегим,
Эламны алып, чевре-четке дагъытаджагъым.
Къувалангъан эламлылар
чешит тюрлю халкъларнынъ арасында ерлешеджеклер.
37 cОйле япарым ки,
эламлылар душманлары огюнде къоркъаджакълар,
джанларыны къыдыргъанларнынъ огюнде
оларнынъ отьлери патлайджакъ,
оларгъа яман беляны, ачувымнен гъазабымны тюшюреджегим, –
дей РАББИ. –
Артларындан къылычны ёллайджагъым,
оларны бутюнлей ёкъ этеджегим.
38Эламда тахтымны къояджагъым,
андаки падишаны ве башлыкъларны ёкъ этеджегим, – дей РАББИ.
39 d– Амма сонъки куньлерде
Эламны эсирликтен къайтараджагъым, – дей РАББИ.
Copyright information for
CrhCTB