Jeremiah 51
Вавилоннынъ йыкъылувы
1 aРАББИ бойле дей: – Бакъынъыз! Мен Вавилонгъа ве Лев-Камайгъа ▼▼Лев-Камай – къ. еуд. бу ибаренинъ айтылувы «Манъа къаршы тургъанларнынъ юреклери» манасыны ташыгъан ибареге ошай. Йирмея бойле къасдийлилерни адлай эди.
къаршыёкъ этиджи ельни котереджегим.
2Вавилонгъа къаршы ябанджыларны ёлларым да,
орманда богъдайны савургъан киби, олар оны савураджакълар,
топрагъыны бошатаджакълар,
яман беля кельген куню онъа эр тарафтан уджюм этеджеклер.
3Окъчугъа яйны тартмагъа
ве зырх киймеге ёл берменъиз,
йигитлерини аджыманъыз,
эписи аскерлерини ёкъ этинъиз.
4 cКъасдийлилернинъ топрагъында ве шеэрнинъ сокъакъларында ольдюрильгенлер ве окънен яралангъанлар ятаджакълар.
5 dАлла, Ордуларнынъ РАББИси, Исраильни ве Ехуданы ташлап кетмеди;
Исраильнинъ Азизи огюнде топракълары гуналаргъа толу олса да,
олар тул къадын олмадылар.
6 eВавилон шеэринден къачынъыз,
эр биринъиз джанынъызны къуртарынъыз,
ёкъса Вавилоннынъ акъсызлыгъы ичюн гъайып оладжакъсынъыз!
О вакъыт РАББИ оны джезалайджакъ,
къазангъанына коре къаршылыкъ береджек.
7 fВавилон РАББИнинъ элинде
алтын савут киби эди;
о, бутюн ер юзюни сархошлатты.
Халкълар ондан шарап ичип,
акъылындан айырылдылар.
8 gВавилон апансыздан йыкъылып, чиль-парча олды!
Артындан агъланъыз,
яралары ичюн мелем алынъыз,
бельки о, яхшы олур.
9– Биз Вавилонны бакъа эдик,
амма о, яхшы олмады.
Айдынъыз, оны ташланъыз,
эр биримиз озь топрагъымызгъа кетейик.
Онынъ акъкъындаки къарар
коклерге тараф котерилип,
булутларгъа къадар етти.
10РАББИ бизни къорчалап, акълады,
айдынъыз, кетейик,
Сионда Алламыз РАББИмизнинъ ишлерини хабер этейик.
11 hОкъларынъызны къайранъыз,
окълукъларынъызны толдурынъыз.
РАББИ Мадай падишаларынынъ рухуны къозгъады,
Вавилонны ёкъ этмеге ниетленди.
РАББИ оны джезалай,
Озь Сарайы ичюн джезалай.
12Вавилон диварларынынъ къаршысында байракъ котеринъиз,
сакъчыларны къавийлештиринъиз,
къаравулларны ерлештиринъиз,
къапкъанларны азырланъыз.
РАББИ Вавилоннынъ халкъы акъкъында не айткъан олса,
тюшюнгенини ерине кетирир.
13 iСен буюк сувлар янында яшайсынъ,
байлыгъынъ пек буюк олды!
Сонъунъ кельди,
ачкозьликнинъ заманы толды.
14 jОрдуларнынъ РАББИси Озюнен ант этти:
– Сарынчкъалар киби, адамлар сени толдураджакълар,
санъа къаршы къычыраджакълар!
Аллагъа шан-шурет бильдирген гимн
15 kРабби Озь кучюнен ерни яратты,акъылынен дюньяны пекитти,
анълавынен коклерни джайды.
16 lО гудюрдесе, коктеки сувлар шувулдар,
ер юзюнинъ кенарындан О, булутларны кетирир,
ягъмур арасында яшын яратыр,
анбарларындан ель уфюртир.
17 mЭр бильгисиз адам акъылсыздыр;
путларны яраткъан уста утаныр;
онынъ ириткени – ялан, онда рух ёкътыр.
18Олар бош, кулькюнчли бир шейдир,
джеза вакъты кельгенде, олар ёкъ оладжакълар.
19 nЯкъупнынъ пайы исе оларгъа ошамаз.
Алла эр шейни яратты,
ве Исраиль – Онынъ шахсий халкъы.
Алланынъ Ады – Ордуларнынъ РАББИси.
Раббининъ токъмагъы
20 oСен меним токъмагъым, дженк алетимсинъ!Сеннен халкъларны урдым,
сеннен падишалыкъларны харап эттим.
21Сеннен атнен атлыны йыкътым,
сеннен эм дженк арабасыны, эм арабаджыны урдым.
22Сеннен акъайны ве апайны урдым,
сеннен эм яшны, эм къартны урдым,
сеннен эм йигитни, эм къызны урдым.
23Сеннен чобанны ве айванларыны урдым,
сеннен топракъны ишлегенни ве малыны урдым,
сеннен виляет башларыны ве акимлерни урдым.
Вавилоннынъ джезасы
24– Козюнъиз огюнде Сионда бутюн яманлыкъ эткенлери ичюн, Вавилонгъа ве къасдийлилернинъ топрагъында яшагъанларнынъ эписине къазангъанларыны берерим, – дей РАББИ. 25– Мен санъа къаршым, эй, олюм дагъы! – дей РАББИ. –Сен бутюн ерни гъайып эткенинъ ичюн,
санъа къаршы къолумны котеририм,
сени къаялардан ашагъы авдарырым,
якъылгъан бир дагъгъа чевиририм.
26Коше ве темель ичюн сенден ташлар алынмайджакъ,
эбедиен бакъымсыз оладжакъсынъ, – дей РАББИ.
27 pЕр юзюнде байракъны котеринъиз!
Халкълар арасында боразан чалынъыз!
Вавилонгъа къаршы дженк этмек ичюн халкъларны айырып элялланъыз.
Онъа къаршы Арарат, Минний ве Ашкеназ падишалыкъларыны чагъырынъыз,
онъа къаршы бир ёлбашчыны къоюнъыз,
къоркъунчлы сарынчкъа киби, атларны топланъыз.
28 qОнъа къаршы халкъларны багъышланъыз,
Мадай падишаларыны,
виляет башлыкъларыны ве эписи акимлерини,
къолларындаки бутюн мемлекетлерни айырып элялланъыз.
29 rЕр юзю сарсыла ве титрей,
РАББИнинъ ниети ерине келе,
Вавилон топрагъы бакъымсыз,
адамсыз ер оладжакъ.
30 sВавилоннынъ аскерлери дженк этмектен вазгечти,
къалелеринде отуралар,
кучьлери битти-тюкенди,
къадынлар киби такъатсыз олдылар.
Эвлери атешке берильди,
мандаллары къырылды.
31Чапар чапаргъа,
хаберджи хаберджиге хабер этип,
Вавилоннынъ падишасына бильдирелер:
Шеэр эр тарафтан запт этильди,
32дерьянынъ сай ерлери тутулды,
къалелери ▼
▼Я да «от баскъан батакълыкъ».
атешке берильди,аскерлери къоркъу тюбюнде къалды.
33 uОрдуларнынъ РАББИси, Исраильнинъ Алласы, бойле дей:
– Вавилон къызы – басылаяткъан арман кибидир,
аз къалды да, оракъ вакъты келеджек.
34 v– Вавилон падишасы Невукъаднеццар
мени ашай, кемире эди.
Аждерха киби, мени ашады,
бош савуткъа чевирди;
къарныны татлы ашларымнен толдурды,
сонъ мени къусты.
35Бедениме япылгъан зорбалыкъ
Вавилонгъа этильсин, – дейджек Сион халкъы. –
Тёкюльген къаным къасдийлилернинъ башында олсун, – дейджек Ерусалим.
Рабби Исраильге ярдым эткени акъкъында
36 wОнынъ ичюн РАББИ бойле дей:– Бакъынъыз! Мен сенинъ даванъны чезерим,
сенинъ тарафынъны тутып, оны джезаларым,
денъизини харап этерим,
чокъракъ сувларыны къурутырым.
37 xВавилон таш обасы, шакъалларнынъ ювасы оладжакъ,
бакъымсыз ве адамсыз къаладжакъ,
къоркъунчлы шейге чевириледжек.
38 yАрсланлар дайын, къычыралар,
яш арсланлар киби, ырылдайлар.
39Амма олар къызышкъанларында,
Мен оларгъа байрам япып,
эписини сархош этеджегим.
Олар кейфленип,
эбедий юкъугъа даладжакълар
ве уянмайджакълар, – дей РАББИ.
40– Къозуларны, къочкъарларны ве текелерни киби,
оларны соймагъа алып кетерим.
Вавилоннынъ такъдири
41– Шешах ▼▼Мында Вавилон козьде тутула. Даа 25.26 бакъ.
насыл алынды!Бутюн ер юзюнинъ шурети запт этильди!
Халкълар арасында Вавилон насыл бакъымсыз олды!
42Денъиз Вавилонны басты,
къабаргъан далгъалар оны къаплады.
43 aaШеэрлери бакъымсыз къалды,
сувсуз топракъкъа, бош чёльге, адамсыз ерге чевирильди;
инсанлар ондан кечмейджек.
44 abВавилонда Бел путуны джезалайджагъым,
юткъаныны къустураджагъым.
Энди халкълар мында кельмейджек,
Вавилоннынъ диварлары биле йыкъыладжакъ.
45 ac– Ортасындан чыкъ, эй, халкъым!
эр биринъиз РАББИнинъ алевли гъазабындан
джанынъызны къуртарынъыз.
46Ер юзюнде эшитильген хаберлерден
тавшан юрек олманъыз, къоркъманъыз.
Бир йыл бир хабер даркъалыр,
келеджек йылы – башкъасы:
«Ер юзюнде зорбалыкъ,
падишагъа къаршы падиша чыкъа!»
47 adДинъленъиз! Ойле куньлер келеджек ки,
Мен Вавилон путларыны джезалайджагъым,
бутюн мемлекети масхара оладжакъ,
ольдюрильгенлер ерге тюшеджек.
48 aeВавилонгъа шимальден ёкъ этиджилер келеджек,
ве ер, кок ве оларда олгъан эр шей къуванаджакълар, – дей РАББИ.
49Вавилон исраиллилерни ольдюргени ичюн,
Вавилонда да бутюн мемлекет бою ольдюрильгенлер ятаджакъ.
Вавилон сакинлерининъ келеджеги акъкъында хабер
50Эй, къылычтан къуртулгъанлар!кетинъиз, токътаманъыз!
Даа узакъта олгъанда, РАББИни акъылынъызда тутунъыз,
Ерусалим акъкъында тюшюнинъиз.
51 afБизни яманлагъанларда, утана эдик;
ябанджылар РАББИ Эвининъ азиз ерлерине киргенде,
масхаралыкъ бетлеримизни къаплады.
52 agОнынъ ичюн ойле куньлер келеята ки, – дей РАББИ, –
Мен путларыны джезалайджагъым,
бутюн мемлекетинде яралылар ынъранаджакълар.
53 ahВавилон коклерге котерильсе де,
юксекликте къалесини къавийлештирсе де,
эписи бир онъа Менден
ёкъ этиджилер келеджек, – дей РАББИ.
54 aiВавилонда ярдымгъа чагъыралар,
къасдийлилернинъ топрагъы буюк харабеге огърады.
55РАББИ Вавилонны йыкъаджакъ,
къопай сесини кеседжек.
Буюк сувлар киби, далгъалары шувулдай,
шаматалы сеслери гудюрдей.
56 ajВавилонгъа къаршы ёкъ этиджи чыкъаджакъ,
кучьлю аскерлери алынаджакъ,
яйлары къырыладжакъ.
РАББИ, джезалагъан Алла,
эр кеске акъларыны береджек.
57Вавилоннынъ башлыкъларыны, акъыллы адамларыны,
виляет башлыкъларыны, акимлерини
ве аскерлерини сархош этерим де,
эбедий юкъугъа даладжакълар
ве бир даа уянмайджакълар, – дей Падиша,
Онынъ Ады – Ордулар РАББИсидир!
58 akОрдуларнынъ РАББИси бойле дей: – Вавилоннынъ къалын диварлары
темелине къадар йыкъыладжакъ,
юксек араба къапулары якъыладжакъ.
Халкълар бошуна чалыштылар,
миллетлер нафиле къыйналдылар,
эр шей янаджакъ!
59 alЦидкия Ехудада дёртюнджи йыл падишалыкъ эткенде, Йирмея пейгъамбер Махсеянынъ торунына, Нериянынъ огълу Сераягъа бойле хабер этти. Серая, Цидкиянынъ баш вазифедары олып, о вакъыт онен берабер Вавилонгъа кете эди. 60Йирмея Вавилоннынъ башына келеджек бутюн беляларны бир китапкъа язды. Оларнынъ эписи, Вавилон акъкъында бутюн сёзлер, мында язылгъандыр. 61Йирмея Сераягъа: – Вавилонгъа кельгенде, бакъ, бутюн бу язылгъан шейлерни окъу, – деди, 62 am– ве айт: «Я РАББИ! Бу ерни ёкъ этеджегинъни, ичинде не инсан, не айван къаладжагъыны, о ер эбедиен бакъымсыз оладжагъыны айттынъ». 63 anБу кягъытны окъугъан сонъ, онъа бир таш багълап, Фират дерьясынынъ ортасына фырлат. 64Сонъ айт: «Вавилон да бойле батып кетеджек, ве Мен онынъ башына тюшюрген белядан ич бир вакъыт котерип олмайджакъ, асыл такъаттан кесиледжек». Йирмеянынъ сёзлери мында бите.
Copyright information for
CrhCTB